Díana og Kalli frestuðu sínu ...

 ... um heilt ár, næstum upp á dag. Ég giftist manninum sem síðar varð fyrrverandi eiginmaður minn laugardaginn 26. júlí 1980. Komst að því seinna að það hafði þau áhrif að bresku hefðardúllurnar treystu sér ekki til að ganga í hjónaband fyrr en ári síðar, eða laugardaginn 29. júlí 1981. Laugardagar til lukku, my ass!

Einn hirðmanna minna í helvíti, gamla heimilinu mínu, var á undan breska liðinu og sendi svohljóðandi bréf til London: „Brúðkaupin myndu skyggja hvort á annað auk þess sem dagskrá hirðanna er svo þétt að það væri hreint ómögulegt að koma tveimur brúðkaupum fyrir á henni.” Þannig að Kalli og Díana urðu að fresta sínu.

Ég hef ekki viljað opinbera þetta fyrr og svo var ég líka eiginlega alveg búin að gleyma þessu þar til Viktoría fór að væla þetta yfir Jóakim. Þeim var nær, þau hefðu bara átt að giftast hvort öðru og málið dautt. Sannleikurinn er sá að þegar svona virðulegt fólk gengur í hjónaband, jafnvel bara trúlofar sig, þá þurfa gjafirnar að vera svo dýrar að þjóðhöfðingjar meika ekki að kaupa tvær sama árið. Þannig að árið 1980 fengum við fyrrverandi tvo kristalsvasa, þríarma kertastjaka (sem mamma fékk í skiptum fyrir gamlan mjólkurbrúsa), ofnpott, stálfat, kökudisk og fleira flott. Næsta ár fengu Kalli og Díana svipaðar gjafir, enda brúðkaupsgestir búnir að jafna sig eftir örlætið árinu áður.

Jamm, ætti ég kannski að fara að sofa? Held það bara. 

Jóakim spillir brúðkaupsáætlunum Viktoríu

Athugasemdir

[Ásdís Sigurðardóttir, 16.10.2007 kl. 01:28]

Og svo skildu allir, guði sé lof fyrir að þú ert á lífi mín kæra. 

[Steini Briem (IP-tala skráð) 16.10.2007 kl. 02:08]

Engar smá hnallþórur í brúðkaupinu hans Kalla, sýnist mér á myndinni, en frekar hefði ég nú viljað éta brúðina. Þar fór góður biti í hundskjaft.

[Jenný Anna Baldursdóttir, 16.10.2007 kl. 08:29]

Ég vissi að það var eitthvað "Royale" við þig frú Guðríður.  Þá er það komið á hreint

[Laufey Ólafsdóttir, 16.10.2007 kl. 08:29]

Vá, frekjan í þér Gurrí! Bara hrifsa árið frá Kala & Dí Annars gubba ég alltaf næstum yfir svona kóngsfólksfréttum. Það er ekki í lagi með þetta lið.

Díana var samt sæt, en ekki í þessum ógeðslega kjól  

[Laufey Ólafsdóttir, 16.10.2007 kl. 08:30]

Þetta átti að vera Kalla og Dí... Ef maður er að uppnefna fólk á annað borð er nú best að stafsetja það rétt

[www.zordis.com, 16.10.2007 kl. 08:35]

Þetta eru hnallþórurnar í brúðkaupinu hjá Gurrí ...   Væri til í sneið með kaffisopanum NÚNA! 

[Steingerður Steinarsdóttir, 16.10.2007 kl. 09:35]

Ég asnaðist til að gifta mig í desember þetta ár og nú er auðvitað komin skýringin á því hversu litla athygli það brúðkaup fékk.

[krossgata, 16.10.2007 kl. 09:51]

Heldurðu að það væri smuga að fá mjólkurbrúsann til baka?  Þetta er orðið antík núna. 

[Saumakonan, 16.10.2007 kl. 09:51]

mig langar í köku!!!!!     Og mér er ekki boðið í brúðkaupið!!   kusslags dónaskapur!

[Kristín Katla Árnadóttir, 16.10.2007 kl. 10:11]

Já ég væri til að fá litla sneið hjá þér .

[Guðríður Haraldsdóttir, 16.10.2007 kl. 12:23]

Mamma fær mjólkurbrúsann aldrei til baka, hún er líka alsæl með kertastjakann og lítur enn svo á að ég sé geðveik að hafa viljað skipta!

Katla og Saumakona, klikkið bara með bendlinum á myndina frá brúðkaupinu mínu og hviss, bang, kökusneið kemur!

[krossgata, 16.10.2007 kl. 12:29]

 Ég misskildi þetta með mjólkurbrúsann.  Ég skildi það sem svo að mamma þín hefði látið af hendi þennan forláta mjólkurbrúsa (sem hún gerði enginn misskilningur enn) og fengið þriggja arma kertastjaka í staðinn (sem hún gerði enginn misskilningur enn) og gefið þér kertastjakann!!!  Þannig að mjólkurbrúsinn góði hefði farið úr ættinni.   

Var alveg farin að sjá fyrir mér herferð og söfnun:  Brúsann heim!  Mikið er ég fegin að brúsinn er í góðum höndum.