Breiðuvíkurstrákarnir í bíómynd

Eftir vinnu í dag var haldið í bíó í boði Ingu. Henni áskotnaðist boðsmiði á myndina um strákana í Breiðuvík og þvílík mynd! Salurinn sat steinþegjandi í tæpa tvo tíma. Ég þurfti stundum, sérstaklega seinnipart myndarinnar, að loka augunum til að fara hreinlega ekki að snökta. Myndin er átakanleg, frásagnir mannanna svo sterkar. Þvílíkir sögumenn, þvílík grimmd sem þeir upplifðu.

Margir þeirra sem voru vistaðir í þessu víti í barnæsku sátu í bíósalnum í kvöld, enda var þetta forsýning m.a. fyrir þá og aðstandendur, og þeir komu upp á svið í lokin og uppskáru mikið lófaklapp. Elsku strákarnir. Um 75% þeirra lenti í kasti við lögin eftir „betrunarvistina“, fjórðungur þeirra er látinn. 

Langt síðan ég hef séð svona áhrifamikla mynd. Það er eiginlega skyldumæting í bíó til að sjá hana!

Athugasemdir

[Brynja (IP-tala skráð) 18.10.2007 kl. 21:44]

úff trúi því að þetta hafi verið átakanleg stund að horfa á þessar staðreindir í bíó og vitandi að sumir þeirra voru á staðnum já þó ég fari valla nema einu sinni á ári í bíó þá ætla ég á þessa mynd....

[Ásta Björk Solis, 18.10.2007 kl. 21:48]

Eg vissi nu ekki ad thad hefdi verid ynd gerd,vildi oska ad eg gaeti sed hana.

[Ásta Björk Solis, 18.10.2007 kl. 21:48]

sorry mynd.

[Jenný Anna Baldursdóttir, 18.10.2007 kl. 22:03]

Ég mun sjá hana.

[Hólmdís Hjartardóttir (IP-tala skráð) 18.10.2007 kl. 22:11]

Ég var þarna líka.Fannst mjög áhrifaríkt þegar þeir komu upp á svið.Fór síðan á Rex í kjötsúpu. Þar mættu margir af Breiðavíkurdrengjunum. Þeir voru ánægðir með myndina. Athygli vakti hversu fáir embættismenn mættu á sýninguna en þeim var mörgum boðið.

[Ragnheiður , 18.10.2007 kl. 22:13]

Ég er frænka eins Breiðavíkurdrengjanna,hann tilheyrir þeim hluta sem aldrei bar sitt barr eftir vistina þar. Hann er látinn fyrir nokkrum árum og náði ekki háum aldri.

[Jensen (IP-tala skráð) 18.10.2007 kl. 22:57]

Þekki nokkra sem þarna fóru.Margir ef þá ekki allflestir komu frá erfiðum heimilum,en þessir strákar voru hinir bestu drengir,maður er nú bara hálfklökkur við það að rita þetta.  Sjálfur var undirritaður tekin af heimili,vegna erfiðleika í fjöldskyldumynstrinu.Fór á heimarvistarskóla rétt fyrir utan borgina og var þar 64-67 í þrjá vetur,sveit á sumrin.Þarna hafði ég það nokkuð gott og lenti aldrei í neinu líkt og strákarnir í Breiðuvík,sárt var að sjá og vita um örlög margra góðra drengja og vina minna sem gáfust upp.  Áfengi tengdist mikið heimilum okkar fjandans áfengið er b ö l .

[Laufey Ólafsdóttir, 18.10.2007 kl. 23:12]

Það er þvílíkt hneyksli hversu lengi þetta var látið viðgangast. Ömurlegast er að vita til þess að í mörgum tilvikum voru börn tekin af foreldrum einungis vegna fátæktar, ástands sem auðveldara hefði verið að laga með aðstoð við fjölskylduna. Slíkt tíðkaðist víst ekki þá.

Ég man eftir þegar svona mál kom upp í Bretlandi fyrir um 10 árum. Í kjölfarið var farið að rannsaka fleiri mál og niðurstaðan var sú að þetta grasseraði í kerfinu þar í marga áratugi og eyðilagði líf þúsunda barna. Ég þekki náið 2 dæmi.

Ég ætla að sjá þessa mynd við tækifæri. Ég mun örugglega hágráta. 

[Fishandchips, 19.10.2007 kl. 00:33]

Þetta er örugglega mjög góð og þörf mynd, en veit ekki hvort ég treysti mér til að sjá hana.

En það sem ég hef verið að spá í, er hversu mikið eymd þessara drengja hefur margfaldast út í þjóðfélagið. Þá er ég að tala um eyðileggingu barnanna og hvernig þeir hafa breitt út þessa eyðileggingu og óhamingju. Þeir sem alast upp við misnotkun og harðræði, kunna oft ekki önnur uppeldisráð og hegðun, en það er margreynt, að við á fullorðinsárum beitum þeim ráðum sem var beitt á okkur, meðvitað og ómeðvitað.

Hvað skildi Breiðavík hafa búið til marga barnaperra? Og þeir sem voru það sterkir að sjá illmennskuna, að fara frekar út í óreglu, því þeir gátu ekki staðir undir minningunum.  Ég hef djúpa samúð með þessum drengjum og veit að þeir þurfa sómasamlega hjálp, en móðureðlið er sterkt, get ekki, ómögulega haft samúð með aðal barnaperra Íslands. Hann hefur fengið hjálp og lyf en vill frekar vera til vandræða. En auðvitað er hann skaddaður einstaklingur og hef skilning á því.

Sorry, þetta átti nú kannski heima á bloggsíðurnni minni

[Bertha Sigmundsdóttir, 19.10.2007 kl. 00:45]

Ég get rétt svo ímyndað mér að þessi mynd hafi verið átakanleg, bæði á líkama og sál, gott að mennirnir séu loksins að fá smá frið í hjarta og huga sínum, það hlýtur að gefa þeim smá huggun að vita til þess að leyndarmálið er opinbert. Ég vona að þessum mönnum eigi eftir að líða betur við sýningu myndarinnar, ég vildi óska að ég gæti séð þessa mynd. Veistu hvort að það sé hægt að nálgast hana á netinu?

Ég vona að þú hafir það gott, kæra Gurrí mín, sorrý að ég sé ekki búin að kommenta hér lengi, það er búið að vera mikið að gera hjá mér, farðu vel með þig

[Jens Guð, 19.10.2007 kl. 01:08]

  Gott hjá þér að vekja athygli á myndinni.  Ég á pottþétt eftir að kíkja á hana.  Ég heyrði í útvarpinu í gær að einn af Breiðavíkurdrengjunum hafði óskað eftir því við barnaverndarnefnd Kópavogs að fá afrit af öllum gögnum um sig.  Af 60 blaðsíðum afhenti nefndin honum einungis 4 blaðsíður.  Það var búið að strika yfir nöfn með tússpenna. 

  Það er sem sagt ennþá verið að leyna embættismönnunum sem höfðu með málið að gera. 

[Guðríður Hrefna Haraldsdóttir, 19.10.2007 kl. 08:14]

Sá í DV í morgun að mér hafði aðeins skjátlast í talnaspekinni ... Gísli réttarsálfræðingur rannsakaði afdrif 70 drengja af Breiðavíkurheimilinu og þrír af hverjum fjórum þeirra lenti í kasti við lögin eftir dvölina.

[Karl (IP-tala skráð) 19.10.2007 kl. 14:16]

En hvenær verður gerð heimildarmynd um krakkana sem lentu í misnotkun hjá KFUM og K ? Það er mun nær okkur í tíma.

[Jóhanna Guðrún Agnarsdóttir (IP-tala skráð) 19.10.2007 kl. 23:40]

Sæl Gurrý.Ég er í Breiðavíkursamtökunum og mig langar bara til að benda á það að í samtökunum er fólk sem vistað var á uppeldisstofnunum. Uppeldisheimilið sem ég var á,og var ég þar í tíu ár,var engu betra heldur en Breiðavíkurheimilið.Þetta er skelfileg lífsreynsla og engan veginn hægt að skilja þá ómanneskjulegu aðferðir sem viðhafðar voru gagnvart börnum sem vistuð voru á vegum hins opinbera á þessum tíma.Spurningin er hefur viðhorfið gagnvart börnum sem vistuð eru af hinu opinbera eitthvað breyst ? Við verðum að átta okkur á því að það er ekki svo langt síðan að þessir atburðir áttu sér stað. Jóhanna Guðrún

[Guðríður Hrefna Haraldsdóttir, 20.10.2007 kl. 00:08]

Ég tók viðtal við frábæra konu fyrir nokkrum mánuðum (fyrir Vikuna) en hún var vistuð á Kumbaravogi í mörg hræðileg ár. Gott að þetta er allt að koma upp á yfirborðið, það hefur margt hræðilegt gengið á sem ekki er hægt að þagga lengur niður. Mér fannst myndin í gærkvöldi einstaklega áhrifamikil og þessi umræða öll verður vonandi til þess að við verðum enn betur á verði í þessum málum. Það veitir greinilega ekki af.