Ævintýraleit, þjóðahátíð og tímatökur

Haldið var í ævintýraleit um kl. 14.30. Tókst að plata erfðaprinsinn út með því að segja honum að líklega væri kökuhlaðborð í Skrúðgarðinum og Dieselbuxur á 4.990 í Ozone. Sá upplýsingar um það síðarnefnda í Póstinum, litla sæta dagskrárblaðinu okkar Skagamanna sem alltaf er lesið í tætlur. „Okkur varð nú ekki kápan úr því klæðinu,“ stundi erfðaprinsinn beiskur við heimkomu. Buxurnar voru bara í stelpustærðum, sýndist okkur, ekkert slíkt fyrir hávaxinn myndarmann.

Uppskera dagsins var þó ekki rýr, heldur kaffi og heit súkkulaðikaka í mallakút og langþráður kattasandur. Kökuhlaðborðið verður líklega annan sunnudag í nóvember. Fyrsta sunnudaginn verður Þjóðahátíð, eitthvað dásamlega sniðugt á vegum Rauða krossins þar sem m.a. er hægt að njóta krása frá heimalöndum nokkurra útlendinga sem búa hér á Skaga. M.a. munu írsk menning, indversk og pólsk ráða ríkjum. Ekki séns að maður láti þetta fram hjá sér fara! María Skrúðgarðsdrottning er einstaklega uppátækjasöm og það verður bráðum salsakvöld hjá henni. Skil varla hvernig ég gat lifað innihaldsríku og góðu lífi áður en kaffihúsið kom.

Bjartur er enn í pössun í himnaríki og er mun stilltari en síðast. Hann heldur að mestu til í þvottahúsinu og sefur þar daglangt bak við þvottavélina, ofan á sokk sem gleymist alltaf að sækja. Litli högninn með eldspýturnar ... Hann kemur reglulega fram til að borða, drekka og láta klappa sér. Honum virðist líða vel þótt hann kúgi ekki heimiliskettina að þessu sinni.

Nú er tímatakan hafiní Formúlunni og spennandi að sjá hvernig ráspóll verður á morgun, allt galopið og þrír hafa möguleika á því að ná heimsmeistaratitlinum. Óskir mínar um heimsmeistara: 1. Hamilton. 2. Raikkonen. 3. Alonso. Ekki dirfast að mótmæla mér!

P.s. Búin með bókina hans Árna Þórarinssonar, hún er algjör snilld! Finnst Einar blaðamaður einstaklega skemmtileg persóna og vona að ég geti lesið um ævintýri hans næstu áratugina! 

Athugasemdir

[Guðrún Jóhannesdóttir, 20.10.2007 kl. 16:32]

það eru ekki minnstu  líkur á að hún María klikki á góðgætinu :)

[Þröstur Unnar, 20.10.2007 kl. 18:57]

Latur að fara í Skrúðgarðinn, annars er þar eitt það besta Latte sem ég hef fengið.

1.Hammilton

2.Alonso

3-5 Raikkonen

[Kristín Katla Árnadóttir, 20.10.2007 kl. 19:15]

[Ásdís Sigurðardóttir, 20.10.2007 kl. 19:51]

Rosalega langar mig að les Árna, er bókin komin í búðir? í kilju? Öfunda þig af þessu góðgæti í Skrúðgarðinum.  Kötturinn er greinilega farinn að virða yfirráðasvæði heimiliskattanna.  Kisa mín er að horfa á Ice Age, alveg búin að týna sér yfir dýrunum

[Jenný Anna Baldursdóttir, 20.10.2007 kl. 21:52]

Ég er nú svona að bræða með mér að fara að kíkja í Skrúðgarðinn með þér, mín kæra, eins og hefur staðið til síðan í afmælinu eina.  Þetta vil ég gera áður en veður verða vályndari.

Smjúts á þig og prins.

[Guðríður Hrefna Haraldsdóttir, 20.10.2007 kl. 22:10]

Já, Ásdís, bókin á að vera komin í búðir, líklega ekki í kilju þó, ekki strax.

Frábær byrjun á ræðu, Benedikt.

Rosalega líst mér vel á þetta, Jenný, ég er hvort eð er ekki með Sýn og þegar ég sýni þér himnaríki mun bara Mozart hljóma þar ... eða eitthvað, og ekkert sjónvarp er í Skrúðgarðinum.  Líst vel á þetta.

[Glúmur Gylfason (IP-tala skráð) 20.10.2007 kl. 22:50]

Bara Mozart? en Hildigunnur Corleone?

[Jensen (IP-tala skráð) 20.10.2007 kl. 23:12]

Hringur----------Hringur----Hringur-----Hringur-----Hringur------Hringur-----Hringur------Hringur

 Hringur----Hringur-----Hringur-------Hringu-----Hringur------Hringur----Hringur---Hringur---Hringur---Hringur---Hringur----Hringur----Hringur----Hringur------Vááááá,,Formúla ojjjjjjjjjjjj.Góða helgi.

[Jensen (IP-tala skráð) 20.10.2007 kl. 23:14]

Váááá,er að sjálfsögðu að setja út á Formúluna,Hryllilegt sjónvarpsefni.Horfði á í fyrsta sinn sem þettað var sýnt og ekki söguna meir og ekki meir,það er búið.

[Guðríður Hrefna Haraldsdóttir, 20.10.2007 kl. 23:17]

Auðvitað set ég messuna hennar Hildigunnar á fóninn, hvernig læt ég ...

Takk fyrir að minna mig á að til er karlkynsfólk sem ekki fílar Formúlu, Jensen! Það væri eftir öllu að einhvern tíma í ellinni þegar ég verð komin á þann aldur að börn ráða giftingum foreldra sinna ... að mér yrði skammtaður eiginmaður sem hataði fótbolta og Formúlu. Það yrði laglegt! Best að tala við erfðaprinsinn í tíma.

[Jensen (IP-tala skráð) 20.10.2007 kl. 23:29]

Uhhhhhhhh,hvernig er veðurspáin á morgun.?

[Guðríður Hrefna Haraldsdóttir, 20.10.2007 kl. 23:54]

Slæm!!!

[Bros, 21.10.2007 kl. 01:15]

Eigum við ekki að láta Raikkonen og Alonso skipta um sæti og málið er dautt?

[Jens Guð, 21.10.2007 kl. 04:06]

  Ég þarf að fara að tékka á bókinni hans Árna Þórarins.