Stóra samsærið

Gerið þið ykkur grein fyrir því að auðjöfrar láta reglulega framleiða bíómyndir og sjónvarpsþætti sem fjalla um þá óhamingju sem peningar færa venjulegu fólki? Enn ein þáttaröðin fer að hefjast á einhverri stöðinni um þann hrylling sem stór happdrættisvinningur hefur í för með sér fyrir nóboddía. Við horfum, sannfærumst og verðum hamingjusamari í óríkidæmi okkar. (Sælir eru fátækir) Þannig haldast peningarnir á „sínum stað“. Ef ég verð myrt þá vitið þið hvers vegna.

--------        ------------        ------------         ------------ 

Samkvæmt bíórythmanum http://www.bio-chart.com/ skora ég frekar hátt vitsmunalega þessa dagana, heilsan er góð en tilfinningalífið í rúst. Greinilega kjöraðstæður til að komast að svona greindarlegri niðurstöðu. Vildi bara deila þessu. Ekki trúa öllu því sem þið sjáið í sjónvarpinu. Í vitlausa veðrinu á mánudaginn ætlar Inga að keyra mig heim. Bíltúrarnir okkar í óveðrum undanfarið eru eina von hennar (okkar) til að kynnast huggulegum björgunarsveitamönnum. Annars lét Inga happ úr hendi sleppa þegar hún keyrði nýlega upp á hringtorg til að forða bílnum sínum (og okkur) frá nánum kynnum við trukk. Hvað veit hún nema draumaprinsinn hafi setið undir stýri. Örlögin eru örugglega alltaf að færa okkur menn en við tökum aldrei eftir þeim. Inga sagði mér í símanum áðan að hún væri vitsmunalega á botninum skv. bíórytmanum en ætlaði samt upp á Skaga á mánudaginn. Þetta verður söguleg ferð, önnur heimsk og hin í andlegri rúst.

Fann gamalt uppáhaldslag á elsku youtube.com. Datt samstundis rúm 30 ár aftur í tímann. Skemmtilegt lag sem ég var búin að steingleyma. Sylvia var líka skemmtilegt lag. Enjoy, rokkarar!
http://www.youtube.com/watch?v=cIqzRaHbKQY

Athugasemdir

[Jóna Á. Gísladóttir, 20.10.2007 kl. 23:21]

hahaha ef þú verður myrt þá veit ég hvers vegna og það verður hægt að kaupa þögn mína fyrir marga marga peninga

[Jenný Anna Baldursdóttir, 20.10.2007 kl. 23:23]

Ég þoli ekki þessar myndir sem enda "illa" og hetjan Jón Jónsson gefur peningana til góðgerðarmála og heldur áfram að naga roð og bein.  ARG

[Guðríður Haraldsdóttir, 20.10.2007 kl. 23:26]

Svikari ...

[Guðríður Haraldsdóttir, 20.10.2007 kl. 23:27]

Úps, ekki þú Jenný, heldur Jóna!!! Þoli heldur ekki svoleiðis myndir.

[Jensen (IP-tala skráð) 20.10.2007 kl. 23:27]

Horfa skagamenn mikið á sjónvarp,usss ma ma ma maður verður ba ba ba bara ruglaður á því.

[Árni Gunnarsson, 20.10.2007 kl. 23:32]

Enginn á sig vísan þegar óhamingjan á í hlut.

Ég þekkti einu sinni sómamann.

Svo varð hann fyrir því,- óviðbúinn auðvitað að eignast þessi ósköp af peningum.

[Steingrímur Helgason, 21.10.2007 kl. 00:15]

Hamíngjan er krítarkort, en það er líka víst betra að geta borgað reiknínginn.

Þeir skáld sem að samið hafa merkari prósa en þennann um gæfu þess að vera fátækur, dóu velflest úr hor, skyrbjúgi, sýfilis & almennri kör.

S.

[VE (IP-tala skráð) 21.10.2007 kl. 00:34]

http://www.youtube.com/watch?v=lJmBPCYt5LYÉg var að spá hvort þetta ætt ekki vel við minningar frá því þú varst á djamminu í denn.En það er aldei gott að detta inn í drauma sjónvarpsmynda og uppæifa gerfiupplifun þeirra.Mér datt þetta bara í hug.

[Guðríður Haraldsdóttir, 21.10.2007 kl. 00:44]

Kæra/kæri VE. Sá ekkert lag frá þér, bara lista. Annað!!! Vona að þér detti ekki í hug að einhverju gervilífi sé lifað í himnaríki! Hér er bara raunsæi í gangi og oft ansi gáfulegar ályktanir dregnar af treilerum sjónvarpsþátta.  

[Elín Katrín Rúnarsdóttir. , 21.10.2007 kl. 11:10]

Sunnudagur til sælu fyrir þig

[Ásdís H (IP-tala skráð) 21.10.2007 kl. 19:50]

Gaman að heyra lagið. Hélt líka mikið upp á það, en gerði mér ekki grein fyrir hversu skrítnir gaurarnir í hljómsveitinnu voru. Hér er slóð á sama lag og Silviu með hljómsveitinni sjálfri.

http://www.youtube.com/watch?v=-v7LzOeTkfM&mode=related&search= 

[Glúmur Gylfason (IP-tala skráð) 22.10.2007 kl. 00:14]

Fer Jenný ekki rangt með ní nr. 2?  Er Jón ekki Jensson?

[Jens Guð, 22.10.2007 kl. 00:47]

  Vegna þess að þú ert að rifja upp lag með hollensku hljómsveitinni Focus.  Bassaleikari þeirrar hljómsveitar er mikill Íslandsvinur.  Í fljótu bragði man ég ekki hvað hann heitir og nenni ekki að fletta því upp á google.  Hann var ekki með í stofnun hljómsveitarinnar en kom - að mig minnir - samt snemma til leiks.  Og er enn í dag að spila með gítarsnillingnum um Focus,  Jan Akkerman. 

  Bassaleikarinn umræddi hefur fylgst vel með íslenskri rokkmúsík og hefur sérstakt dálæti á gítarleikaranum Bjögga Gísla.  Fyrir nokkrum árum lagði bassaleikarinn drög að því að setja upp djammhljómleika með Bjögga.  Ekkert varð þó af því - að ég held.

  Þessi náungi kemur af og til hingað til lands.  Hann framleiðir sjampó sem selt er í íslenskum apótekum.  Það heitir Actigener.  Eða að minnsta kosti var það selt hér í apótekum á árum áður.