Stemmning

Ásta skellti jóladiski á fóninn í bílnum í morgun. Held að hún hafi verið að reyna að hneyksla mig en hún sagði þetta vera til að koma sér í rétta gírinn. Alveg gæti ég trúað því að Ásta væri mikil jólakerling. Við lögðum af stað 6.50 frá Skaganum og fundum mikinn mun á umferðinni frá því í gær þegar við vorum nokkrum mínútum seinna á ferð. Bensínljósið skein skært og gerði ferðina enn meira spennandi. Við náðum í bæinn, kannski á gufunum, kannski ekki, kannski lítið að marka það þegar nálin er dottin á E og gult ljós lýsir stöðugt. (djók)

Svo erum við Hilda að fara á mikilvægan fund núna kl. 9. Ég er spennt að vita hvað kemur út úr honum. Eiginlega mjög spennt. Gott væri að fá hlýjar hugsanir bloggvina sem verða komnir á fætur klukkan níu ... ekki verra ef þið reynið að galdra svolítið (mæli svo um og legg á að erindi ykkar verði vel tekið og svo framvegis). Blogg you later!

Athugasemdir

[Þröstur Unnar, 25.10.2007 kl. 08:30]

Galdragúddíhux til þín kæra Gurrí.

[Fjóla Æ., 25.10.2007 kl. 08:36]

Gúdd lökk klukkan 9. Set mig í hugsanastellingar fyrir ykkur Hildu.

Ásta er kona að mínu skapi. Jólalög mmmm

[Guðríður Hrefna Haraldsdóttir, 25.10.2007 kl. 09:45]

Fundurinn var frábær, allt ykkur að þakka, Þröstur og Fjóla ... og hinum sem hugsuðu en kommentuðu ekki!

[Guðrún Vala Elísdóttir, 25.10.2007 kl. 10:18]

ég hugsa alltaf hlýlega til þín

[krossgata, 25.10.2007 kl. 10:39]

Þú ert stöðugt í huga mér, bara til öryggis.  Aldrei að vita hvaða ævintýri henda.

[Guðríður Hrefna Haraldsdóttir, 25.10.2007 kl. 10:41]

Vá, hvað ég elska ykkur ....

[Jenný Anna Baldursdóttir, 25.10.2007 kl. 10:51]

Sendi þér góðar óskir og baráttukveðjur á fast backward (ætti að gagnast) og svo ertu jólakrútt.

[Rannveig Lena Gísladóttir, 25.10.2007 kl. 11:31]

Ég hefði viljað vera með ykkur að hlusta á jólalögin.  Elska jólatónlistina, aðventuna, og já, bara allt sem tengist jólum.

[Ásdís Sigurðardóttir, 25.10.2007 kl. 14:17]

Ég vaknaði  við símann klukkan hálf tólf svo ég hugsa bara hlýlega til þín "for the rest of the day" þú átt nú eftir að fara heim.

[Erna Friðriksdóttir, 25.10.2007 kl. 16:40]

Sæl Gurrý, gott að fundurinn gekk vel hjá ykkur systrum. Skilaðu sérstaklega góðri kveðju til Hildu frá mér :)

[Anna Ólafsdóttir (anno) (IP-tala skráð) 25.10.2007 kl. 17:52]

Eftir færsluna mína um hana Carolu gaukaði samstarfsmaður að mér diski með henni. Ég hlóð honum inn í iTunes og komst náttúrulega ekki hjá að hlusta smá. Fannst ég nánast vera að drýgja glæp. Það er nefnilega mjög ströng regla sem gildir heima hjá mér: Engin jólalög fyrr en 1. des. Reddaði mér með því að hlusta bara á byrjunina á lögunum.

[Ragnheiður , 25.10.2007 kl. 18:31]

Ég vissi að ég hefði átt að vakna í morgun ! óboj...svaf bara og sendi engin skilaboð eða dreymdi til hagsbóta fyrir neinn...

[Jens Guð, 25.10.2007 kl. 19:27]

Maður fer að detta í jólagírinn af þessum færslum hérna. 

[Jensen (IP-tala skráð) 25.10.2007 kl. 20:27]

Jens Guð, jóla hvað,(jens Ford Torinó?.)hvað´JÁ JÓLA HVAÐ,ath:25 oktober í dag..

[Jensen (IP-tala skráð) 25.10.2007 kl. 21:53]

Bloggfærsluleti(Gurrí 8:24 síðast)

Hvaða leti Gurrí er hjá þér

Hví er ný bloggfærsla ei komin,,,,,,,,,,,,,,,,,,,,,,,botn vantar. 

[Þröstur Unnar, 25.10.2007 kl. 21:59]

Hún er örglega í mat einhverstaðar.

[Guðríður Hrefna Haraldsdóttir, 25.10.2007 kl. 22:04]

Úps, var að henda inn færslu. Hér var dottið í DVD, ég hélt framhjá sætu bloggvinastrákunum mínum og horfði andstutt á aðrar dúllur. Sorrí, gerist ekki aftur.

[Heiða B. Heiðars, 26.10.2007 kl. 10:47]

Er ég of sein að senda pepp-hugsanir? Æi.... þá fáið þið erfðaprinsinn bara fínan föstudagsfíling frá mér í staðinn