Afþreyingakvöldið mikla ...

Settist niður með erfðaprinsinum eftir góða máltíð sem hann eldaði (já, hann er æði) og horfði á Ocean 13. Fínasta afþreying. Minni áhersla fannst mér þó lögð á persónurnar en í fyrri myndunum þótt þær pósuðu oft flott (sjá mynd), sjálft plottið var í aðalhlutverki. Lækkaður var rostinn í hótel- og spilavítiseiganda sem hafði illilega svikið einn úr hópnum. Slíkt gerir maður ekki.

Nú er himnaríkisfrúin hálfháttuð og er að pæla í að ganga fljótlega til dyngju með flotta hjásvæfu í för, eða eitt stykki glæpasögu. Er rúmlega hálfnuð með bókina Horfinn eftir Robert Goddard. Laumaðist til að halda fram hjá henni með Leyndardómum vatnsins í baði í gærkvöldi (vel við hæfi) og síðan byrjaði ég aðeins á bókinni um Breiðavíkurdrenginn ... gat ekki hætt að lesa og kláraði hana. Hún er rosalega áhrifamikil, mæli hiklaust með henni. Ég sá ekki umfjöllunina um þetta mál í Kastljósi á sínum tíma (ein af fáum), fór þó á myndina um daginn og fékk svo allt í æð í bókinni. Sjónvarp er skemmtilegt (dásamlegt, æðislegt) en það nær aldrei öllu, bækur gera það!

Athugasemdir

[Guðrún Jóhannesdóttir, 25.10.2007 kl. 22:08]

sofðu rótt þú himnaríkisdrottning

[Þröstur Unnar, 25.10.2007 kl. 22:10]

Flott að vera hálfháttuð.

Sagði´ðað Jensen hún var í mat.

[Jóna Á. Gísladóttir, 25.10.2007 kl. 22:12]

HALLÓ! Engar fréttir af fundi!!?? Ég var að koma inn bara núna. Missti af þessu öllu í dag.

[Jenný Anna Baldursdóttir, 25.10.2007 kl. 22:19]

Hvað með fund?  Á að láta mann hanga í óvissunni bara, þrátt fyrir að maður hafi nánast brunnið yfir í orkusendingum?

Hei, hvernig er þetta með allar þessar bækur sem þú hefur aðgang að? Nokkuð leið að fá að lána gegn vægu gjaldi? Hm????

[Guðríður Haraldsdóttir, 25.10.2007 kl. 22:25]

Hvernig væri að koma í heimsókn addna Jenfó ... og ég skal lesa upphátt upp úr bókum fyrir þig Fundurinn gekk mjög vel, enda góðar óskir bloggvina með í för. Segi bara gúddnæt, elskurnar mínar ... var að fatta að ég þarf að halda í fortísomething-lúkkið og ná meiri svefni ... eða öllu heldur: komast fyrr upp í til að lesa, rétt er rétt ... 

[Svava S. Steinars, 25.10.2007 kl. 23:10]

Ocean's-gengjamyndirnar eru í mínum vinkvensahópi kallaðar "þriggja handklæða myndir". Og við erum ekki að tala um að þerra tárin hér.  Hver pælir í persónusköpun með þetta útsýni ?

[Ásdís Sigurðardóttir, 26.10.2007 kl. 00:08]

Geri þá ráð fyrir að himnaríkisprinsessar sé sofnuð. Sofðu vel og dreymi þig sæta prinsa.    þú átt eftir að fá Óskarinn fyrir eitthvað

[Doddi - Þorsteinn G. Jónsson (IP-tala skráð) 26.10.2007 kl. 07:59]

Þú ert náttúrlega með flottustu hjásvæfurnar, Gurrí. En ég var einmitt að díla við einn í gær, sem gæti endað sem hjásvæfa þín síðar meir? Hmm... 29. nóvember er kominn hjá mér - og ég læt þig vita hver þetta er, og þú segir mér svo þegar þú ert búin að "hjásvæfast" með honum, hvort hann hafi verið góður  

Bestu kveðjur á Skagann, dúlla.

[Guðríður Haraldsdóttir, 26.10.2007 kl. 08:59]

Gvuð, Doddi, þetta skilur enginn, nú halda allir að það sé eitthvað meira en einlæg og hlý bloggvinátta á milli okkar ... heheheheh! Einmitt, Svava, hver pælir í persónusköpun, þarna kom ég illa upp um mig. Heheheheh