Reykur í Skagastrætó - hvar er Sigþóra?

12.11.2007 | 08:23

Reykur í Skagastrætó - hvar er Sigþóra?

Við Ásta sátum eins og fínar frúr í drossíunni á leið í bæinn. Á móts við Húsasmiðjuna brunuðum við fram úr Skagastrætó og misstum þar með af spennu dagsins. Ásta skutlaði mér í Hálsaskóg en á leiðinni niður á Landspítala sá hún strætóinn stopp við Vesturlandsveginn, við stoppistöðina okkar Sigþóru ... og það rauk úr honum. Veit ekki hvort kviknaði í honum, hann bræddi úr sér eða það sauð á honum.

Held að það mætti alveg velja betri bíla oní okkur þótt við séum bara Skagamenn ... það hefur verið frekar mikið baráttumál bæjarbúa að fá vagna sem halda vatni, vindi og mengun úr Hvalfjarðargöngunum og ekki er verra að öll öryggisbeltin séu í lagi ... Reyndi að sjálfsögðu að hringja í Sigþóru til að fá fréttir í beinni en hún svarar ekki, kannski í fríi, kannski veik, kannski er hún í yfirheyrslu hjá rannsóknarlögreglunni. Hvað veit maður ...

Svaf ekki nema fjóra tíma í nótt, drakk þó ekki kaffi í gær eftir kl. 17, var grútsyfjuð en gat ekki sofnað. Skil ekki hvers vegna hressileikinn er svona mikill núna í morgunsárið. Best að reyna að verða samferða Ástu heim í dag og sofna eldsnemma í kvöld. Sef yfirleitt eins og engill og skil ekki svonalagað. Kannski var allt of gaman í kjötsúpuveislunni fyrir viðkvæmt taugakerfi mitt eða eitthvað, er reyndar ekki sérlega viðkvæm nema kannski þegar fluga eða blóm deyr í teiknimynd. Sem betur fer var ég með æsispennandi bók á náttborðinu, Grunnar grafir eftir Fritz Má Jörgensson, og hún bjargaði mér frá leiðindaandvöku ... Það er sko aksjónbók!

Meginflokkur: Bloggar | Aukaflokkar: Bækur, Ferðalög, Vinir og fjölskylda | Facebook

Athugasemdir

Velkomin á fætur og nú er bara að liggja í helling af köffum svo þú sofnir ekki fram á borðið ´sskan.

Jenný Anna Baldursdóttir, 12.11.2007 kl. 08:29

Það verður sko kaffað í dag! Og sofnað snemma í kvöld. Líklega hef ég bara verið OF úthvíld eftir helgina.

Guðríður Hrefna Haraldsdóttir, 12.11.2007 kl. 09:02

Ég og krakkarnir lentum í því fyrir nokkrum mánuðum að okkur var hent útúr strætó en ekki af því að við vorum svo óþekk en reyndar vorum við það eða þar að segja börnin , en það var sem betur fer ekki langt eftir á stoppustöðina hjá KFC þegar að bílstjórinn stoppaði skyndilega vagninn og sagði allir út,allir út en þá rauk aðeins úr vagninum Þú verður bara að fara snemma að sofa í kvöld en ekki veit ég hvernig þú heldur út daginn eftir 4 tíma svefn