Kökublað, mjónuminningar og vaknað við titring

Kökublað Vikunnar var að koma í hús og það er KLIKKAÐ!!! Flott sko. Heilar 112 síður og 80 uppskriftir. Inga Jóna Þórðardóttir skreytir forsíðuna, ásamt girnilegri jarðarberjatertu, þessarri sígildu góðu. Jæja, þetta var mont dagsins!!! Myndin fannst á google.is og er voða girnileg, svona eru allar terturnar í kökublaðinu ...

-------------         --------------             --------------- 

Helga Möller söngkona kom hingað áðan með nýja plötu sína sem var að koma út. Ég hoppaði samstundis 21 ár aftur í tímann þegar ég var grönn og sá um barnaþátt á Rás 2 inni í morgunþættinum sem m.a. Kolbrún Halldórsdóttir alþingiskona sá um. Þarna í denn heimsótti ICY-tríóið okkur, Helga, Pálmi og Eiríkur Hauksson. Ég man að ég spáði þeim 1. sætinu, algjörlega pottþétt. Gleðibankinn var svo flott lag. Við rifjuðum þetta upp og hún sagðist muna eftir þessarri heimsókn sem var rétt áður en tríóið sigurvissa flaug út í keppnina. Ósmekklegheit Evrópubúa sýndu sig strax á úrslitakvöldinu og hefur yfirleitt verið áberandi þarna í maí þegar frábærum lögum okkar hefur verið hafnað sí og æ. Helga er enn grönn ...

Vaknaði ekki við BDSMS-ið hennar Ástu í morgun, heldur við titringshljóðið sem kemur eftir eina hringingu. Ásta hringdi og bjargaði mér. Við keyrðum svo eins og andskotinn alla leiðina (hver segir að hann aki hratt?) í bæinn og það var rosalega mikil umferð á leiðinni!!! Við lögðum líka af stað 2 mín í 7, ekki 10 mín í, eins og oftast. Það munar greinilega heilan helling um nokkrar mínútur upp á umferðina að gera.

Athugasemdir

[Hallgerður Pétursdóttir (IP-tala skráð) 28.11.2007 kl. 10:52]

Takk fyrir góða pistla.

Þegar ég sá myndina af Helgu, Pálma og Eirík datt mér í hug hvort þetta hafi verið fullreynt með Gleðibankann í den ? má ekki reyna aftur ?

[Guðríður Hrefna Haraldsdóttir, 28.11.2007 kl. 10:59]

Hahahah, góð hugmynd. Nú ættum við að spara peninga fyrir heilbrigðiskerfið og fleira og endursenda lögin! Held að það megi ekki en ef við breytum þeim pínkulítið þá fattar enginn neitt, þeas ef Íslendingar þegja yfir þessu!!!

[Guðrún Jóhannesdóttir, 28.11.2007 kl. 11:22]

umm girnileg jarðaberjaterta!!!! mikið hlakka ég til að ná einu eintaki af Vikunni. Megi dagurinn verða þér góður Gurrí mín

[Steingerður Steinarsdóttir, 28.11.2007 kl. 11:33]

Gvöð hvað þetta er freistandi súkkulaðikaka. Já, ég verð að ná mér í kökublað Vikunnar. Það er hreinlega ómissandi.

[Jóna Á. Gísladóttir, 28.11.2007 kl. 11:53]

svipuð kaka stendur á borðinu hér inni í eldhúsi í vinnunni og bíður eftir að ég skelli andlitinu ofan í hana. Ég hef staðist freistinguna hingað til.. aðeins kroppað aðeins í hana

[Magnús Geir Guðmundsson, 28.11.2007 kl. 16:39]

Samsæri!

Guðríður + Inga Jóna = AKRANES!

En allt í lagi mín vegna, ég mun ekki borða kökur um þessi jól hvort eð er!

Já, sefur bara með farsíman við barm þér, ekki að undra þótt við strákarnir komumst ekki að þar!?

[Guðný Anna Arnþórsdóttir, 28.11.2007 kl. 17:52]

Hlakka til að fá kökublaðið, það er ómissandi.

[siggi (IP-tala skráð) 28.11.2007 kl. 18:41]

Gurrí því er ég ekki á Forsíðu þessa mikla matarblaðs? 'Eg sem luma á ýmsum góðum uppskriftum heheheheheheh allt heilsusamlegt, og ekkert rosalega fitandi. Rosalega er súkkulaðitertan gyrnileg, mig langar í stóran bita, ég má það enda á leiðinni á glasafæði í NLF'I.

hlakka til að sjá þig uppstrýlaða á föstudagskvöld

siggi

[Helga Magnúsdóttir (IP-tala skráð) 28.11.2007 kl. 19:23]

Halló Gurrí. Búin að ná mér í Vikuna og hún er rosalega flott. Einkum og sér í lagi einn fjórtán ára bakari sem er í sérstöku uppáhaldi hjá mér og mínum, ehömm. Alveg dáist ég að þér að fara svona snemma af stað á morgnana. Ég tel mig góða ef ég næ að mæta á réttum tíma þegar ég á vera mætt klukkan tíu.

[Anna Ólafsdóttir Björnsson, 28.11.2007 kl. 19:42]

Himneskir litir sem Helega er íklædd. Vá! Þetta er áreiðanlega dúndurblað, eins og annað sem þú kemur nálægt! Líkar líka vel við Akranes-samsærið, more, more!

[Kristín Katla Árnadóttir, 28.11.2007 kl. 21:59]

Ég borða ekki köku .Takk fyri líta til mín.

[Hulda (IP-tala skráð) 28.11.2007 kl. 22:19]

grönn... auðvitað hún er dugleg að mæta í ræktina