Þorláksmessa ... enn einu sinni

23.12.2007 | 11:58

Þorláksmessa ... enn einu sinni

Að það skuli vera komin Þorláksmessa enn einu sinni ... Nú er tíminn hættur að líða hægt þegar nær dregur jólum, heldur með örskotshraða. Við erfðaprinsinn ætlum í jólagjafaleiðangur til Reykjavíkur um hádegisbil og á leiðinni hefst líklega slagurinn um það hvaða útvarpsstöð verður sett á í bílnum. Best að kúga drenginn og segja honum að það komi ekki jól nema ég fái að hlusta á jólakveðjurnar á Rás 1. Þær eru voða notalegt útvarpsefni, voru það líka á árunum þegar Uriah Heep voru í mesta uppáhaldinu. Vona innilega að okkur takist að vera svolítið snögg að þessu og að á meðan við Inga skellum okkur til Nönnu í jólapartíið þá geti erfðaprinsinn kysst og jólaknúsað ástkæran föður sinn. Svo bíður okkar skötuveisla á Skaganum í kvöld, hjá elsku Rögnu og Guðmundi, líklega besta fólkinu sem býr á Akranesi. Ragna átti heima á neðri hæðinni á æskuheimili mínu og það var hún sem kenndi mér að dansa jenka undir laginu Fríða litla lipurtá. Torfkofinn hristist og lýsislamparnir nötruðu þegar hún jenkaði um allt með okkur krakkana á efri hæðinni.

Ég sé ekki mjög mikinn mun á himnaríki nema ég veit að allt er orðið svo hreint. Baðvaskurinn hefur t.d. aldrei verið svona hrikalega hvítur! Gamla húshjálpin mín í fornöld tók nefnilega til, raðaði húsgögnum upp á nýtt, setti í þvottavél, skipti á rúmum, pakkaði niður einhverju af þessum fjandans bókum sem allt of mikið var til af (sagði hún) og fór með niður í kjallara ... Sakna hennar sárt. Við erfðaprins gerum allt gljáandi fínt í kvöld.

Meginflokkur: Bloggar | Aukaflokkar: Lífstíll, Matur og drykkur, Vinir og fjölskylda | Facebook

Athugasemdir

Held að ég hafi verið með óvenjulega húshjálp hér í denn. En ... gólfin eru tandurhrein og fín og gluggar og svona. Það er nú gott.

Guðríður Haraldsdóttir, 23.12.2007 kl. 13:24

Nú angar þú eflaust af fjandans skötunni og veitir ekki af að skrúbba þig og skúra fyrir jólin

Jóna Á. Gísladóttir, 23.12.2007 kl. 16:02

Gleðileg jól kæru mæðgin,

Lena (IP-tala skráð) 23.12.2007 kl. 16:33

Kæra mákona

Bestu óskir um gleðileg jól og hamingjuríkt komandi ár.Þú ert án efa besti bloggari á landinu og verður pottþétt mákona þegar þið ruglið saman reitum...ég hlusta ekki á þetta bull að þið séuð of ung að bindast .....ég er búinn að ákveða þetta og þið hafið ekkert um máilið að segja......(one can hope)