Fínasta áramótaskaup!

Fínasta skaup. Mörg fyndin atriði. Nenni reyndar aldrei að setja mig í stellingar og bíða eins og herptur handavinnupoki (munnsvipurinn) eftir því að þetta fólk þarna í sjónvarpinu láti mig hlæja stanslaust í klukkutíma. Það er eflaust erfitt að gera öllum til hæfis. Sum atriðin höfðuðu mjög til mín, önnur ekki og það er bara allt í lagi. Gat útskýrt brandarann um hamingjusömu hjónin í fjörunni fyrir erfðaprinsinum, setti nefnilega myndbandið með íslensku, hamingjusömu Herbalife-hjónunum á bloggið mitt fyrr á árinu, ýmsum bloggvinum til skemmtunar. Lúkasinn og bloggvinamótið rosafyndið og fleira og fleira. Hlakka til að horfa á það aftur á Netinu.

Til að þurfa ekki að afplána sirkusinn (slæmar æskuminningar, erfið bið eftir áramótum) setti ég á Stöð 2 plús og ætlaði að sjá Anchorman sem er nokkuð fyndin mynd. Þá voru Stuðmannatónleikarnir enn á, hryllilegt sjónvarpsefni, eflaust gaman fyrir aðdáendur að vera á sjálfum tónleikunum en þetta höfðar ekki til mín í sjónvarpi. Ég hafði reyndar mjög gaman af Stuðmönnum á áttunda áratugnum og Í bláum skugga er enn eitt af uppáhaldslögunum mínum.

Það hvín og blæs í himnaríki en hugumstórir Skagamenn láta rokið ekki aftra sér frá því að sprengja. Ef ég rýni út um gluggann sé ég flugeldana yfir höfuðborgarsvæðinu líka, leitt að skyggni skuli vera svona slæmt.

Það eru 8 mínútur eftir af gamla árinu. Best að fara að varalita sig ... og kyssa svo erfðaprinsinn á báðar kinnar á slaginu tólf! Múahahhaha! Engin áramótaheit verða þetta árið. Las að slíkt yki á streitu. Held að það sé heilmikið til í því.

Athugasemdir

[Brynjar Jóhannsson, 1.1.2008 kl. 00:11]

Mér fant nú bara REMAX AUGLÝSINGIN FYNDNUST HAHAHAHAHHAHAH... þvílík veruleikafyrring....  Fólk að faðma húsið sitt og gefa frekar íbúðinni sinni gaum en nokkurn tíman ástvinum.. LÝSINANDI DÆMI UM AUÐVALDSHYGGJU OG EIGINHAGSMUNASEMI Á HÁU STIGI:

[Guðríður Hrefna Haraldsdóttir, 1.1.2008 kl. 00:12]

Hehehehehhe! Ætti að vita það, bý í himnaríki ...

[Guðríður Hrefna Haraldsdóttir, 1.1.2008 kl. 00:13]

Já, Brynjar, sá reyndar bara hluta, hljóp fram til að búa mér til latte. Bráðfyndin auglýsing.

[SigrúnSveitó, 1.1.2008 kl. 00:36]

Gleðilegt ár, mín kæra.  Takk fyrir árið sem liðið er.

Kærleikur af Skaganum.

[Magnús Geir Guðmundsson, 1.1.2008 kl. 00:38]

Gleðilegt nýtt strætisvagnaástarævintýrabókalesturstónlistarogfótboltaár fröken Guðríður!

Þakka þér fyrir liðið gjafmilt ár, þó þú mæ´ttir að ósekju segjast elska mig sjaldnar!

Þarft ekkert endilega að horfa aftur á netinu, endursýnt skilst me´r um nk. helgi.

Svo vona ég nú að þú hafir nú kjassað strákin betur en á báðar kinnar, ég hefði nú rembingssleikt allt hans fagra andlit í þínum sporum!

[jensen (IP-tala skráð) 1.1.2008 kl. 00:40]

Gæfa og lukka fylgi yður og þínum á nýbyrjuðu ári.Mér segist svo hugur að þettað verði árið sem að við leggjumst í lærdóm.Lærum að meta það sem við eigum og höfum,og lærum að hætta eða að minnka að taka þátt í þessu gengdarlausa lífsgæðakapphlaupi,tildæmis ég hef aldrei, komið í Smáralindina og aðeins tvisvar farið í Kringluna þá þegar hún var,nýopnuð.  Handavinnupoki?Hvernig datt þér þessi samlíking í hug,,,hún er góð. Skaupið,,var,,drasl.

[Hregviður (IP-tala skráð) 1.1.2008 kl. 01:19]

Þegar maður fær tækifæri til að skrifa grín ofaní fólk á tíma þar sem um 95% þjóðar horfir á og maður fyllir þann tíma af reffrensum sem svona 17% þjóðarinnar þekkiir eins og t.d. Lost ofl... Er maður þá ekki með öllu vanhæfur í skaupssköpun? Óskar með kynningarmyndbandið sitt, það var fyndið, það er þegar Óskar gerði þetta en að gera grín að því sem slæmt er fyrir, það getur bara aldrei verið fyndið.

Vona að Óskar verði fenginn í djobbið að ári, eða bara að Flosi Ólafs verði sóttur í sveitina. Þetta fólk má aldrei meir nálægt skaupi koma.

[Hreggviður (IP-tala skráð) 1.1.2008 kl. 02:12]

í níundu færslu er ég að tala um 2 óskara, Óskar Herbalifepýramídasölugerpi og svo Óskar leikstjóra sem kann að gera skaup.

[Jóna Kolbrún Garðarsdóttir, 1.1.2008 kl. 02:35]

Mér þótti skaupið, frekar fyndið í ár.  Allir hinir sem ég hef hitt eru mér ekki sammála

[Björg F (IP-tala skráð) 1.1.2008 kl. 02:50]

Sammála þér með skaupið.. mér fannst það meiriháttar ! og sammála þér með Stuðmenn.. held að þetta sé í svona 10 skiptið síðan ég man eftir mér að Stuðmannatónleikar hafa verið sýndir í sjónvarpinu á áramótum... GEISP! og ekki var tónleikaefnið á RUV skárra og blogg blogg blogg blogg og blogg blogg blogg.... svo kvótað sé í skaupið

Gleðilegt nýtt ár og takk fyrir frábært blogg á árinu sem er að líða..

[Örn Johnson ´43 (IP-tala skráð) 1.1.2008 kl. 03:07]

Skaupið, já gott að mörgu leiti en....flugslys og stél vélarinnar var eins og stél Flugleiðaflugvéla, nei takk, ekki sniðugt. Mér er sagt að þarna hafi verið að vísa í e-a sjónvarpsþætti sem heita Lost. So what, ég hef aldrei séð slíkan þátt svo þetta sló mig VERULEGA ILLA, segi ekki meira. Hélt áfram og áfram, hálft skaupið í gegn. Það eina sem stendur eftir já mér.

Kveðja

[Þórarinn Þ Gíslason (IP-tala skráð) 1.1.2008 kl. 04:46]

Gleðilegt nýtt ár og farsællt og frískt BLOGG hjá þér áfram.

Þakka þér það. 

já,Ég lagðist til svefns upp úr 2115 í kvöld á meðan áramótaskaupinu  stóð, ég fór nefnilega snemma á fætur( kl 5 í morgun) ,kom svo endurnýjaður 2 tímum seinna eða eitthvað um 2330 og fór úr því gamla inn í að nýja. Líst bara vel á þessi umskifti.  Lifið heil.

[Svava S. Steinars, 1.1.2008 kl. 05:49]

Gleðilegt nýtt ár og þakka það liðna. Sjáumst og skjáumst á nýja árinu

[Edda Agnarsdóttir, 1.1.2008 kl. 09:41]

Gleðilegt ár Gurrý og takk fyrir bloggin þín árið 2007 og viðkynninguna!

Hvað er þetta eiginlega með Einarsbúð og okkur? Ég sé þig aldrei - eða er ég sjónlaus?

[Heimir Lárusson Fjeldsted, 1.1.2008 kl. 12:33]

Hvenær var þetta skaup?

[Jenný Anna Baldursdóttir, 1.1.2008 kl. 13:52]

Gleðilegt ár Gurrí mín og Guð hvað það er kósí í himnaríki.  Hef aldrei séð þennan "angle" fyrr, þ.e. betri stofuna.  Erfðaprinsinn er eins og breskur greifi þarna við borðið í "lounginu".

Takk fyrir skemmtileg bloggkynni og auðvitað hittumst við á nýju ári.

Smjútsí.

[Ásdís Sigurðardóttir, 1.1.2008 kl. 15:28]

Við erum bara svona algjörlega sammála með skaupið og stuðmenn. Mér fannst hægt að hlægja að mörgum sketsum en Stuðmenn eru orðnir mjög þreytandi uppfyllingarefni.  VIð hjónin horfðum á Dodge ball og hlógum eins og alltaf.  Nú er Simpson the movie í tellanum hjá okkur, óborganleg.  Hafðu að gott í himnaríki.    

[Ragnheiður , 1.1.2008 kl. 15:30]

Tekur enginn eftir samtali kattanna á gólfinu ? erfðaprins er flottur...en ég missti af skaupinu eins og í fyrra. Ég held að ég lifi það alveg af..lifði það af í fyrra.

Takk fyrir árið og heimsókn og allt gott. Bestu kveðjur til ykkar beggja...

[Breiðholtshatarinn (IP-tala skráð) 1.1.2008 kl. 16:17]

Ástæðan fyrir því að stór hluti fólks var farið að skjóta upp 21:40 var sökum þess að 10 mínútur af þessu skaupi voru eins og 2 tímar og 20 mínútur að manni fannst.

Einusinni var þemað "Skaupinu stolið" að þessu sinni var það myrt. Eðlilegt kannski þar sem glæpir ágerast alltaf.

[Guðrún Jóhannesdóttir, 1.1.2008 kl. 17:04]

Æ áramótaskaupið!

ekki orð um það

Gleðilegt ár kæra frú GuðRÍÐUR hehehehe.