Endalaust ljúfa lúxuslífið!

Jess, það er kominn bolludagur. Gimsteinninn með grjótsins, perlan meðal svínanna ... Yndislega hátíðin sem gerir biðina löngu frá jólum til páska léttbærari. Erfðaprins keypti eina bollu fyrir móður sína í gær en ... það er greinilega hægt að skemma vatnsdeigsbollur með því að baka þær of lengi. Verst að ég kemst ekki heim í kvöld til að baka almennilegar bollur ofan í soninn því að ég er að fara .... uuu .... á hótel þar sem ég gisti eina nótt. Í alvöru! Í boði systur minnar sem vann þetta á Plúsinn.is. Þetta hótel er í Borgarfirði og við förum þangað eftir vinnu í dag.  Mér verður svo bara skutlað á Skagann í fyrramálið og næ sjúkraþjálfun og alles. Þetta er örstuttur lúxus! Skemmtileg tilviljun, það líður ekki nema sólarhringur frá tékk-át af Hótel Héraði og að tékk-inn annars staðar! Hvað gerist á miðvikudaginn? En fimmtudaginn?

Jamm, allt gekk rosalega vel á heimleiðinni í gær. Þrátt fyrir stórhríð á Egilsstöðum lenti vélin frá Rvík og tók okkur sem biðum síðan með í bæinn. Fékk sæti 3D og engan við hlið mér sem var sérdeilis gott. Ekki það að mér sé illa við fólk en einu sinni lenti ég við hliðina á karli sem prumpaði allan tímann í flugvélinni, líklega af stressi, og ég var að kafna. Sat við glugga þá og gat ekki flúið í göngutúr annað slagið um vélina.

Athugasemdir

[Laufey Ólafsdóttir, 4.2.2008 kl. 11:14]

OMG! Þú hefur semsagt upplifað svona martraðarmóment úr lélegri grínmynd!

Hey, þú bakar bara bollurá morgun. Örugglega góðar í eftirrétt á eftir saltkjötinu, ja, eða bara á öskudaginn. Ekki sulla rjóma á búninginn þinn samt Maður getur nú fengið leið á lúxus til lengdar!  nei, glætan! Njóttu!

[Guðríður Hrefna Haraldsdóttir, 4.2.2008 kl. 12:25]

Hugsa að það verði hellingshóf í bollum ... ein í gær og líklega ein í dag. Ég missi mig aðallega í því að það sé bolludagurinn, ekki í að borða þær, heheheheh! Hvað þá baka. Hefði aldrei sagt þetta með bakstur nema bara af því að ég slepp við það.

Við Hilda leggjum í hann kl. 16 í dag og beint í lúxus, nudd og dásamlegheit. Mun að sjálfsögðu blogga ef ég get, annars bara á morgun.

[Ásdís Sigurðardóttir, 4.2.2008 kl. 13:36]

Gö..vuð hvað ég öfunda þig af hótel ferðum. Ég væri ofboðslega til í tómt dekur og dúll.  Hafðu það æðislega gott mín kæra.    

[Anna Ólafsdóttir Björnsson, 4.2.2008 kl. 15:18]

Þú venst þessu hótellífi, Gurrí mín, ferð að lifa í ferðatöskum eins og hinar stjörnurnar ;-)

[Linda Linnet Hilmarsdóttir, 4.2.2008 kl. 15:54]

kvitt kvitt og bestu kveðjur

[Brynja www.skordal.bloggar.is (IP-tala skráð) 4.2.2008 kl. 16:38]

Njóttu njóttu bara æði svona á lífið að vera af og til

[Guðrún Jóhannesdóttir, 4.2.2008 kl. 17:16]

heppin  stelpan!

Vona sannarlega að þið njótið þessa tæplega sólarhrings í dekri

[Kristín Katla Árnadóttir, 4.2.2008 kl. 17:21]

Gaman hjá þér Gurrí mín og hafðu það gott.

[Tiger, 4.2.2008 kl. 18:18]

Hjálpi mér hvað þú ert óheppin með ferðafélaga í flugvélum, já eða allavega í eitt eða tvö skipti... prumpukall og villuráfandi sál sem tók ranga beygju á leið sinni til Vestmannaeyja.

Ég borðaði 35 bollur í gær og sirka 20 núna í dag - er orðinn hnöttóttur og afvelta en náði samt að bara SNÚÐA í dag, bolludag.

[Birna Dis Vilbertsdóttir (IP-tala skráð) 4.2.2008 kl. 19:34]

Þú lifir eins og Hollywood-stjarna þessa dagana.Gott með þig skvísa. Ég sagði já og byrjum við á morgun OMG hehehehehehehe. Lifi þetta af eins og allt annað hahahahaha. Góða skemmtun og njóttu þín í botn. Vonandi er sæmilegt kaffi þarna.

[Anna Ólafsdóttir (anno) (IP-tala skráð) 4.2.2008 kl. 20:07]

Hjálpi mér hvað það er hægt að vera óheppin með sessunaut.  

[Guðríður Hrefna Haraldsdóttir, 4.2.2008 kl. 22:48]

Kaffið er líklega eini veikleikinn hérna. Finnst Lavazza venjulega gott ... en ekki þegar latte-inn er 5% kaffi og 95% mjólk, er heldur ekki einu sinni viss um að þetta hafi verið blá mjólk!!! Arggggg! Ekkert kaffibragð!

[www.zordis.com, 4.2.2008 kl. 22:53]

Úffff  prumpudúkka við hliðina á þér!  Ekki gott, hefðir átt að næla í súrefnisgrímuna og njóta hreina loftsins ....

Lúxus á við prinsessuna!