Horfin kvenmennskan ...

14.2.2008 | 09:25

Veit ekki hvar kvenmennskan, dugnaðurinn og orkan í mér liggur þessa dagana en það var ekki séns að fara á fætur kl. 6.15 í morgun, ég seinkaði deginum um heilan klukkutíma. Held að bílstjórarnir á leið 27a séu orðnir vissir um að ég svíki þá viljandi, elsku snúllurnar, þar sem æ oftar þarf Gummi á 27b að afplána flutning með mig í Mosó. Tommi horfir á mig með fyrirlitningu þegar hann hittir mig og tárin hrynja niður kinnarnar, kannski ofbýð ég tískuvitund hans, það gæti vissulega verið. Erla mín sat fremst í strætó sem gladdi mig ósegjanlega því að þá jukust möguleikar mínir mikið á því að fá far frá Mosó og alla leið í vinnuna.

Ákvað að pústa mig ekki með fljúgandi diskinum eða gleypa gáfulyfið við vöknun, heldur bíða með það þar til í vinnunni. Það var röng ákvörðun. Tryllt hóstakast mitt skók strætisvagninn og þaggaði eitt augnablik niður í pólsku vinkonunum sem skvöldruðu ákaft fyrir aftan mig. Það var ekkert annað í dæminu en að sjúga að sér geimverurykið á ferð rétt eftir göng og þegar við komum í Kollafjörðunn var það farið að virka.

Það verður víst nóg að gera í dag, krembrauðin búa sig ekki til sjálf. Farin að vinna!!!

Flokkur: Bloggar | Facebook

Athugasemdir

Hey...var ég búin að segja þér hve heitt ég elska þig...ha?

Gleðilegan Valentínusardag kæra vinkona. Ef þú vilt eldrauðar rósir. dísæta elskulega köku eða rómantíska gítartóna þá ertu bara velkomin á mína síðu..þar er allt troðfullt af ást og hamingju í tilefni dagsins. Óli fær reyndar meirihlutann af því en samt nóg fyrir alla.

Lovelovelove!!!

Katrín Snæhólm Baldursdóttir, 14.2.2008 kl. 09:38

Hhahahha, ég er búin að flissa endalaust yfir skyrtu systur þinnar sem Óli ætlaði í í vinnuna ... hahahahahha

Ég elska þig sko líka, krúsílíus mín!

Guðríður Hrefna Haraldsdóttir, 14.2.2008 kl. 10:06

Gleðilegan Valentínusardag Gurrí mín og megi gæfan brosa við þér og öll krembrauðin mótast i fallegar beinar lengjur.

Steingerður Steinarsdóttir, 14.2.2008 kl. 10:13

vonandi fara hóstaköstin að batna en viskí staup virkar á minn hósta alveg satt

Brynja skordal, 14.2.2008 kl. 10:17

Áfram í krembrauðunum með hóstablöndu frá frömuði.

Jenný Anna Baldursdóttir, 14.2.2008 kl. 10:22

Eftir að ég frétti að Valentínusardagurinn væri ekki amerískur er ég orðin jákvæðari gagnvart honum ... hehehehe. Óska ykkur öllum gleðilegs ástardags. Kyssss, knússsss, kremmmjjjjj.

Guðríður Hrefna Haraldsdóttir, 14.2.2008 kl. 10:36

Einu sinni, fyrir langa löngu, vann ég eitt sumar í sælgætisgerð og bjó til krembrauð, kókosbollur og svoleiðis nammigott. Allt meira og minna handunnið og kókosbollunum dýft í súkkulaðið í höndum með hjálp tveggja gaffla. Ég gat ekki borðað neitt af þessu í örugglega 10 ár á eftir.

Tek undir ögn meiri jákvæðni gagnvart deginum eftir fréttir af öðrum uppruna.

Lára Hanna Einarsdóttir, 14.2.2008 kl. 10:45

Þær borða sig ekki sjálfar heldur mmmm

Kanski að draumaprinsinn komi í dag víst þetta er ekki amerískur dagur.

Ólöf Anna , 14.2.2008 kl. 12:06

Blaðið-24-stundir er með fylgiblöðung í dag,en í honum er mikið skrifað um eitthvað undraduft eða eitthvað þessháttar er heitir ,,metasys,,viðtöl eru við nokkra aðila sem segjast hinir sprækustu eftir inntöku á þessu,elsku Gurrí mín eigum við ekki bara að prófa þettað,ja það ætla ég að gera og fer í býtið í fyrramálið út í kaupfélag.

jensen (IP-tala skráð) 14.2.2008 kl. 23:24

Já en Gurrí mín, það er ekkert eðlilegt við það að vakna kl.6.15 fyrir jafndægur. Haltu áfram að sofa á morgnanna þangað til í vor-á morgnanna dreymir mann líka bestu draumanna.

Fran Miller, 14.2.2008 kl. 23:35

Vona að Valentínusardagurinn þinn hafi verið góður, ég er seint á ferð/eða snemma. GN. og eigðu góðan dag á morgun.

Ásdís Sigurðardóttir, 15.2.2008 kl. 00:38

Innlitskvitt elsku sætasta dúlla!!

Doddi - Þorsteinn G. Jónsson (IP-tala skráð) 15.2.2008 kl. 10:47

Tískuvitund Tomma ? Góð.......hann hefur bara grátið að gleði að sjá þig mín kæra

Arafat í sparifötunum, 15.2.2008 kl. 12:03

Halló Gurrí mín. Þegar fyrst var farið að gera út á Valentínusardaginn fyrir 14 árum hélt ég að ég væri í falinni myndavél. Átta (8) sinnum hringdi dyrabjallan og fyrir utan var í hvert skipti leigubílstjóri með rauðar rósir og kort. Þetta var því miður ekki handa mér, heldur eldri syni mínum sem er fjallmyndarlegur og algjör sjarmör. Ég botnaði ekkert í þessu því ekkert var mér fjær í huga en einhver amerískur Valentínusardagur. Ég segi mér til hróss að ég stillti mig um að opna kortin og lét syni mínum það eftir þegar hann kom heim. Ég fékk nú samt að kíkja á þau og aðrar eins ástarjátningar og rómantík hef ég aldre vitað fyrr.

Helga Magnúsdóttir (IP-tala skráð) 15.2.2008 kl. 13:34

Halló aftur. Ég er að gera algera innrás á bloggið þitt en þú ert búin að rukka mig um söguna af bankaránsmyndinni bæði í eigin persónu og á bloggi Vélstýrunnar. Svo hér kemur hún: Árið 1983 var ég í slysarannsóknadeild lögreglunnar og vann með vini mínum Jóni Otta Gíslasyni heitnum. Við vorum að sinna umferðarslysi í Breiðholti þegar við heyrðum í talstöðinni að bankarán hefði verið framið í Iðnaðarbankanum við Eddufell. Þar sem hvorugt okkar hafði haft afskipti af bankaráni ákváðum við að stelast á vettvang. Það kæmist örugglega enginn að því. Það var mikill misskilningur. Við birtumst í fréttatíma beggja sjónvarpsstöðva um kvöldið. Daginn eftir voru myndir af okkur í Mogganum, DV, Tímanum, Þjóðviljanum og Morgunblaðinu. Svo hafa þessar myndir birst í að minnsta kosti tveimur annálábókum. Þetta var sem sagt misheppnaðasta laumuspil aldarinnar.