Stress vegna seinku og leynivinaafhjúpunartilhlökkun

Vaknaði hrikalega þreytt, lasin og asnaleg í morgun, svo reyndist það bara vera misskilningur! Ákvað að drífa mig með næsta strætó kl. 9 (ja, eða 8.41) ... EN það er enginn strætó kl. 9. Þarf að bíða til 10 (9.41)! Eins gott að það verði kunnuglegur strætóbílstjóri undir stýri til að róa taugarnar! Blaðið fer nefnilega í prentun í dag (sem þýðir yfirlestur á hverju einasta orði fyrir mig) og ekki nóg með það, heldur verður leynivinurinn afhjúpaður, vonandi þó ekki fyrr en eftir hádegi! Ég er með fleiri gjafir handa mínum krúttum áður en gríman fellur. Datt í hug að hringja í "fyrrverandi" Erlu perlu til að komast fyrr í bæinn en það var bjánaleg hugsanavilla, Erla tekur 8-strætó til Mosó og keyrir þaðan á nýja f******* vinnustaðinn. Mér datt ekkert annað ráð í hug í stöðunni en að fara í bað. Það lagar líka hausverkinn ... og ég sem fæ aldrei hausverk! Arg dagsins var í boði himnaríkis!

Athugasemdir

[Brynja skordal, 6.3.2008 kl. 09:40]

kannski var nuddið að virka svona vel þá getur hausverkur verið ástæðan En það verður spennandi að vita hver leynivinur er hafðu góðan dag Gurrí mín

[Kristín Katla Árnadóttir, 6.3.2008 kl. 11:40]

Ætli að þú sért ekki að fá þessa flensudruslu sem gengur nú um þessar mundir.

Reyndu að hafa það gott Gurrí mín.

[Ólöf Anna , 6.3.2008 kl. 12:45]

Fuff það er bara á engan hátt auðvelt að vera þú

[Kjartan Pálmarsson, 6.3.2008 kl. 13:30]

[Hulda (IP-tala skráð) 6.3.2008 kl. 18:31]

góð að ná almennilegu baði á minna en klukkutíma