Gestir koma til miðdegisverðar

Skjótt skipast veður í lofti. Fékk unaðslega upphringingu um hádegisbil og hætti samstundis við bæjarferð, það verður hvort eð er allt fullt af fólki á bókamarkaðnum og örugglega súrar bækur þar ... ég á líka nóg af lyktargóðu efni í bað svo lush má bíða aðeins. Hún Katrín Snæhólm ætlar að kíkja í heimsókn með karlinn og krakkalakkana, líka barnabarnið. Erfðaprinsinn verður bara að fara einn á Mensa-fundinn. Katrín hefur bara einu sinni komið í heimsókn í himnaríki og þá var hún enn búsett í Bretlandi.

Mér þótti leitt að skilja ykkur svona eftir í lausu lofti í gær með BOLDIÐ og þeir sem vilja kíkja á framhaldið geta farið á þessa síðu (hlekkur fyrir neðan) og séð hverjir fara að sofa hjá hverjum, hver keyrir fullur, hver deyr og hverjir giftast og hverjir giftast næstum því. Í gær var þáttur nr. 4820 sýndur. Ég er búin að lesa upp í 4892 og veit því ýmislegt.

http://www.tv.com/the-bold-and-the-beautiful/show/1232/episode_guide.html?season=20&tag=season_nav;next

P.s. Minnir að einhvers staðar í himnaríki leynist bók með sama nafni og fyrirsögnin, gömul glæpasaga í léttum dúr.

Athugasemdir

[Kristín Katla Árnadóttir, 8.3.2008 kl. 14:42]

Gaman hjá ykkur Katrínu hafið þið það gott.

Knús

[Þröstur Unnar, 8.3.2008 kl. 15:01]

Þér er fyrirgefið med de samme.

Hvað er Mensa? Bíla eitthvað?

[Guðríður Hrefna Haraldsdóttir, 8.3.2008 kl. 15:05]

Mensa er félagsskapur fólks með ofurgreind ... hvort það er yfir 145 IQ eða hvað ... ég næ þessu ekki alveg (er með 144.5) en ég á vinkonur sem ná því, nema þær hafi tekið greindarprófið á kornflexpakka eins og ég.

[Þröstur Unnar, 8.3.2008 kl. 15:13]

Það væri gaman að vera fluga á vegg á svona samkuntu.

[Anna Ólafsdóttir Björnsson, 8.3.2008 kl. 16:00]

Bið að heilsa Katrínu.

[Jóna Kolbrún Garðarsdóttir, 10.3.2008 kl. 03:07]

Ég las boldið upp í 4860, nú þarf ég ekki að horfa næstu vikurnar  Ég er búin að fylgjast með því frá byrjun á stöð 2