Of gott til að vera satt - hætt með Stöð 2 sport!

Áskriftin að Stöð 2 Sport varði stutt. Var búin að hlakka ógurlega til að horfa á enska boltann á morgun, enda tveir stórleikir á dagskrá. Við erfðaprins biðum þolinmóð á meðan góða fólkið á Stöð 2 afruglaði hjá okkur en það gerðist hægt, nema á gömlu Sýn, þar var golf! (Hrollur) Ég sé helvíti fyrir mér sem heitan stað þar sem hnetumöndludöðlurúsínu-buff hlýtur að vera í matinn og beinar útsendingar frá golfmótum í sjónvarpinu allan sólarhringinn.

 ------        ----------    -----------      ------------     -----------

Eftir tvo eða þrjá tíma hringdi erfðaprinsinn í s. 515 6100 að beiðni minni og fékk þær fréttir að enski boltinn væri alveg sér og pakkinn allur kostaði um 4.000 krónur. Skrýtið að konan hafi ekki minnst á það þegar hún seldi mér áskriftina. Ég hætti við allt saman. Eftir að hafa hlustað á fréttir Stöðvar 2 sannfærðist ég um að ég hafði gert rétt en þar kom fram að beina Formúluútsendingin verður órugluð kl. 6 í fyrramálið ... en EKKI í endursýningu um hádegisbil. Nú íhuga ég í fúlustu alvöru að skila inn afruglaranum og hætta að skipta við þetta fyrirtæki. Ég hef heyrt um nokkra aðila þarna úti sem lifa góðu og innihaldsríku lífi án þess að vera með Stöð 2. Ég hef verið tryggur kaupandi, eða M12 áskrifandi, síðan á níunda áratug síðustu aldar og er mjög þolinmóð að eðlisfari, núna er mér nóg boðið. Ég veit að bisniss er bisniss ... en þetta með Formúluna er hrein mannvonska.

Athugasemdir

[Birna Dis Vilbertsdóttir (IP-tala skráð) 22.3.2008 kl. 21:25]

Hehehehe.Ég er hætt með st 2 og fæ ekkert bold.Fékk fráhvörf fyrst til að byrja með en er óðum að lagast enda komnar 3 vikur.Það er víst hægt að lifa á boldsins.Gleðilega páska í Himnaríki

[Hildigunnur Rúnarsdóttir, 22.3.2008 kl. 21:34]

Vakna, Gurrí, VAKNA! Tökum ekkert mark á þér sem formúlunörd ef þú horfir á endursýningu... :D

[Hildigunnur Rúnarsdóttir, 22.3.2008 kl. 21:34]

(já og við höfum reyndar aldrei verið með Stöð 2 eða Sýn eða neitt. Nó prob.)

[Sigríður Jósefsdóttir, 22.3.2008 kl. 21:44]

Mæli með fyrirtæki í Skútuvoginum sem heitir Eico.  Eiginmaðurinn fékk nóg af því í vor að láta fyrirtækið þarna á Lynhgálsinum taka sig í ra......ið og fékk sér áskrift að Sky.  Ég er ekki frá því að fótboltaglápið hafi aukist, en á móti fæ ég Poirot og fleira skemmtilegt í stórum skömmtum.  Kveðjur á Skagann.. já og gleðilega páska.

[Brjánn Guðjónsson, 22.3.2008 kl. 21:59]

margt annað hægt að gera en að góna á sjónvarp, daginn inn og út

[Steingrímur Helgason, 22.3.2008 kl. 22:15]

Ég man eftir því að hafa færslað á sömu lund nýlega, bloggritstuldur frú Guðríður ?

[Jóna Á. Gísladóttir, 22.3.2008 kl. 22:35]

ég held að þitt helvíti sé himnaríki Bretans

[Hallgrímur Óli Helgason, 22.3.2008 kl. 22:46]

Hætti þessu stöð2 og sýn rugli 2003 og hef ekki séð eftir því

[Marta B Helgadóttir, 22.3.2008 kl. 23:55]

Hætti með áskrift fyrir 3 árum síðan og furða mig stundum á því að ég hef EKKERT saknað þess....er reyndar ekki fótboltafan.  Leigi mér bara bíómynd eða dánlóda þegar mig langar að horfa á sjónvarp annað en fréttir.

Gleðilega páska og kvús til þín inn í helgina.  

[Marta B Helgadóttir, 22.3.2008 kl. 23:55]

n

[Guðríður Hrefna Haraldsdóttir, 23.3.2008 kl. 01:24]

Gleðilega páska, elskurnar. Líst vel á gervihnött! Fá bæði Poirot og fótbolta, það er dýrð. Annars sit ég ekki öll kvöld og allar helgar yfir sjónvarpinu þótt það hljómi kannski svoleiðis.

Anna, hér á þessu heimili sýndum við mikinn styrk, opnuðum bara annað litla páskaeggið frá mömmu og fengum okkur í eftirrétt. Hitt bíður til kl. 6.30 í fyrramálið, yfir FOrmúlunni. 

[Jenný Anna Baldursdóttir, 23.3.2008 kl. 01:36]

[Birgir Þór Bragason, 23.3.2008 kl. 08:01]

Þetta er nú brandari með læsta endursýningu. Þú tekur bara upp þessa beinu og horfir þegar þú vilt. Áfram Raikkonen.

[Guðríður Hrefna Haraldsdóttir, 23.3.2008 kl. 08:05]

Á reyndar ekkert upptökutæki enn en stefni að því að breyta því. Ég vaknaði bara fyrir allar aldir ...

[bumba (IP-tala skráð) 23.3.2008 kl. 08:16]

Til hamingju með þessa ákvörðun. Hef ekki kveikt á sjónvarpi heima hjá mér í rúm tvö ár. Og sakna ekki þessarar horngrýtis amerísku spýju sem flæðir yfir okkur hérna á skerinu. Að maður tali nú ekki þessa boltaleiki. Menning? HEheheheheehhdhhhahahahaha. Gleðilega páska. Með beztu kveðju.

[Katrín Snæhólm Baldursdóttir, 23.3.2008 kl. 10:36]

Ég reyndi að verða áskrifandi að stöð 2 um daginn með akkúrat engum árangri!!! Það var alveg sama hvað ég reyndi..starfsfólkið þarna var ekki alveg að kunna vinnuna sína. Ef ég ætti sjónvarpsstöð myndi ég hafa það að leiðarljósi að hafa fólk í vinnu sem skilur um hvað starf þeirra er..sérstaklega þeirra sem eiga að vera að afla áskrifenda en ekki losna við þá. En þeim tókst að fæla mig langt frá......Ski nú annars ekki að þú þurfir að kvarta. Með þetta dýrðarútsýni stöðugt og alltaf út um gluggann þinn.

Gleðilega páska.

[Guðríður Hrefna Haraldsdóttir, 26.3.2008 kl. 13:49]

Já, það væri ansi spennandi að sjá áhorfstölurnar núna. Það eyðilagði fyrir mér páskadag og annan í páskum að rífa mig svona upp til að horfa ... og það á frekar leiðinlega og tíðindalitla keppni, svo það verður ekki gert aftur. Ef ég stjórnaði málum þarna myndi ég hafa þetta ódýrara og fá miklu, miklu fleiri áskrifendur ... við Íslendingar erum loksins að vakna af dásvefni og nennum ekki að láta fara illa með okkur. Ég er t.d. hætt að hringja í bankann minn því ég er beðin um kennitölu í upphafi símtals og síðan er ég rukkuð þótt viðkomandi símtal hafi engu bjargað. Það er alls staðar reynt að græða á almenningi, ég nenni ekki að taka þátt í þessu lengur.