Ör-kraftaverk, óritskoðun og guðdómlegheit

Það gerðist hálfgert kraftaverk í himnaríki núna undir hádegi. Loftnetið lagaðist ... í heilar þrjár mínútur eftir viðgerð okkar erfðaprinsins. Ég lét hann halda á skrúfjárninu og bora því ofan í rafmagnið, stórir strákar hafa nefnilega gott af því að fá raflost. Það gerðist reyndar ekki, þar sem skrúfjárnið var svona öryggis-eitthvað. Líklega þurfum við að fara með loftnetið og snúruna á einhvern stað hérna á Akranesi þar sem hægt er að gera við það við búðarborðið. Tillögur óskast frá Skagverskum bloggvinum.

Ég var auðvitað bara að djóka þegar ég sagðist ætla að ritskoða boldið ... margir froðufelldu yfir því að verið væri að ritskoða bloggið og ég vildi vera með í látunum. Auðvitað vil ég að þið fáið boldið í æð, öll dramaköstin, sólbrunana, framhjáhöldin, giftingarnar, eggjagjafamistökin, blóðtengslarofin og óhjákvæmilega skilnaðina.

Hér ríða rólegheitin rækjum, eins og Oddur Magnús, fyrrum samstarfsmaður minn á Stjörnunni 1987 hefði orðað það. Það rennur í guðdómlegt bað og seinna í dag býst ég við að guðdómlegur frændi minn kíki í heimsókn úr höfuðborginni og dragi mig í Skrúðgarðinn.

Athugasemdir

[Guðrún Jóhannesdóttir, 20.4.2008 kl. 12:33]

eigðu góðan dag stelpa

[Guðríður Hrefna Haraldsdóttir, 20.4.2008 kl. 13:25]

Ég ætlaði mér sko alls ekki að dreifa hatursáróðri um Brooke og Ridge ... og annað gott fólk í boldinu. Þetta lið trúir á giftingar og þótt ég geri það ekki hef ég engan rétt á því að skrifa svona.