Spádómar þínir, Nostradamus ...

Fyrir einhverjum árum var mikil stemmning fyrir spádómum Nostradamusar. Stór galli er að erfitt er að tímasetja hlutina en mér sýnist á öllu að ég verði væntanlega komin undir græna torfu þegar allt verður vitlaust. Sérfræðingar í þessum málum segja t.d. að anti-kristur hafi fæðst í júlí 1999, líklega asískur, þannig að allar ásakanir um að George W Bush sé sá vondi eru greinilega úr lausu lofti gripnar. Hér koma „til gamans“ 30 fyrirsagnir úr einni þýðingunni og þær fyrstu eiga ágætlega við þjóðfélagsástandið ... og einnig það sem ég ætla að gera 1. maí nk., eða að mótmæla verðbótum lána sem renna óskiptar til bankanna. Vona að ég verði ekki gösuð. Árið 2066 lýkur öllu þessu slæma og spádómar Nostradamusar öðlast viðurkenningu. Góða skemmtun! Til að lesa miklu, miklu nánar um þetta bendi ég á: http://www.snerpa.is/net/nostri/nostr3.htm#uppgangur  

Óþarfi að óttast ... þetta er bara úr bók! Bara pæling á lötum sunnudegi eftir lestur á Netinu. Vona að Guðmundur Sigurfreyr fyrirgefi mér að birta þetta!

1. Skapadægur neyslusamfélagsins. Verðbólga og gerræði. Spádómar Nostradamusar rætast

2. Nauðungaruppboð og vaxandi vantrú á getu stjórnmálamanna

3. Efnahagskreppa. Hrun verðbréfamarkaðarins

4. Samsöfnun auðs á fárra hendur og vaxandi þörf fyrir lánsfé

5. Almenningur jafnar reikninginn við vestrænar bankastofnanir
Musterin, þar sem Vesturlandabúar geyma fjársjóði sína á leyndum stöðum, verða brotin upp af hungruðum [lýðnum] sem endurheimtir auðæfin og vinnur ótrúleg spellvirki.Meðal þeirra verða hræðilegar óspektir.

6. Þverrandi trú á stjórnmálamönnum vegna verðbólgu. Glundroði í París

7. Efnahagslegt öngþveiti leiðir til styrjaldar. Beiting kjarnorkuvopna

8. Fjármálakreppa. Stríð á Vesturlöndum

9. Efnahagskreppa og almennur skortur

10. Hörmungartímar renna upp. Ringulreið í Frakklandi og á Ítalíu

11. Afvopnunarviðræður stórveldanna

12. Samningar um vígbúnað og undirbúningur undir nýtt stríð

13. Fráfall háttsetts ráðamanns færir yngri manni völdin

14. Friðarsáttmálar rofnir

15. Friðarsamningar vanvirtir. Sundurlyndi meðal Frakka

16. Egyptar efna til ófriðar við vinátturíki Rússlands. Hryðjuverk í Þýskalandi

17. Friður á Vesturlöndum undanfari stórstyrjaldar

18. Þrettán ára friðsamleg sambúð tveggja stórvelda fyrir bí

19. Aðvörun Nostradamusar. Hungurdauði og undirokun. Hernaðaraðgerðir að frumkvæði hávaxins þjóðarleiðtoga

20. And-Kristur birtist fyrir upphaf Vatnsberaaldarinnar

21. And-Kristur fæðist í júlí árið 1999

22. Trúarleiðtogi þjarmar að andstæðingum sínum. And-Kristur í leikhúsi
Stofnandi sértrúarhreyfinga veldur þeim er sakfella hann mikilli sorg.Dýrið verður í leikhúsinu
[þegar] látbragðsleikurinn er undirbúinn.

23. Dýrið sem varð heilt af banasári sínu

24. Dýrið frá jörðinni

25. Maður blóðsins: Bandaríkin á hátindi máttar síns.

26. Samvinna Bandaríkjamanna og annars stórveldis.

27. Kosning and-Krists. Hann lifir fábrotnu lífi og beitir voldugar þjóðir ofríki
Lævís maður verður kosinn án þess að láta nokkuð uppi. Hann leikur dýrling og lifir fábrotnu lífi. Síðan gerist hann skyndilega yfirgangssamur og beitir öflugustu þjóðir gerræði.

28. And-Kristur kyndir undir ófriði. Írak gegn Ítalíu

29. Yfirstjórn Bretlands í höndum Bandaríkjamanna. Kuldakast í Skotlandi. And-Kristur

30. And-Kristur ræður niðurlögum þriggja ríkja. Dómsdagsstríðið varir í tuttugu og sjö ár

Athugasemdir

[Friðrik Þór Guðmundsson, 27.4.2008 kl. 15:12]

Hjá Nostradamus hét anti-kristurinn MABUS. Augljóslega er það MRBUSH. Langsamlega nærtækasta túlkunin!

[Jenný Anna Baldursdóttir, 27.4.2008 kl. 15:19]

Ég er farin að fyrirfara mér, borgar sig nokkuð að bíða?

Muhahaha

[Guðríður Hrefna Haraldsdóttir, 27.4.2008 kl. 15:25]

Hehhehe, já, þetta er skondið. Þetta heldur áfram á enn hroðalegri hátt ... páfinn myrtur, kaþólsk kirkja líður undir lok, styrjöld við Ísrael breiðist út til Evrópu og heilu löndunum verður eytt ...

[Katrín Snæhólm Baldursdóttir, 27.4.2008 kl. 15:47]

Er ekkert minnst á flensufaraldurinn sem gengur núna yfir okkur ..mig og mína fjölskyldu???

Ég er alltaf að lesa eitthvað leiðinlegt um ítalíu í framtíðinni og ég sem ætlaði að eyða elliárunum þar í ró og næði. Verður nokkurs staðar ró og næði ef þetta rætist allt saman??

[Helga Magnúsdóttir, 27.4.2008 kl. 15:51]

Þetta hljómar frekar rosalega. Best að búa sig undir það versta. Það tekur þó smátíma fyrsti andkristur er ekki nema níu ára.

[Vera Knútsdóttir, 27.4.2008 kl. 17:10]

Það hlakkar eflaust í Vottum Jehóva yfir spádómum Nostradamusar!

[Guðríður Hrefna Haraldsdóttir, 27.4.2008 kl. 17:24]

Sko, Einar, allt þetta vonda (stríð og svona) búið, það verður ekki heimsendir þá þótt bönkunum finnist kannski heimsendir að geta ekki okrað á okkur með verðbótum! 

[Magnús Geir Guðmundsson, 27.4.2008 kl. 17:27]

Seint verður öðru haldið fram, en blogg Guðríðar beri ekki með sér sólskin, birtu og yl!

Og jújú, ég spurði einmitt fregna af garminum!

Gaman væri að vita hver ritstýrir honum núna, sjái um að "uppfæra" snilldina svo fólk trúi því áfram að þetta séu allt eins manns orð og viska!

[Guðrún Jóhannesdóttir, 27.4.2008 kl. 21:25]

sólskin birta og ylur? jú jú

[Lilja Guðrún Þorvaldsdóttir, 27.4.2008 kl. 23:13]

Þetta eru merkilegir spádómar, eins og t.d. þessi: Nauðungaruppboð og vaxandi vantrú á getu Stjórnmálamanna. - Efnahagskreppa og almennur skortur.-  Samsöfnun auðs á fárra hendur og vaxandi þörf fyrir lánsfé.

[Kolbrún Jónsdóttir, 28.4.2008 kl. 02:08]

Vonir Nostradamusar þegar hann opinberaði spádóma sína voru jú að sýna vítin til varnaðar.  Hann vonaðist til að mannkynið myndi nú reyna að hindra að spádómar hans yrðu að veruleika. Nú deila má um hversu vel það hefur tekist...

[Georg P Sveinbjörnsson, 28.4.2008 kl. 03:01]

Það hefur tekist afar illa Kolbrún og siðblindingjar og stríðsgróðahyski við helstu völd of áhrif um mestallan heim...verst hvað fólk hefur verið sofandi fyrir því hvert stefni í öllu góðærinu, en ansi oft er það þannig að þegar veislan er sem viltust og dansins orðinn stjórnlaus gerist eitthvað leiðinlegt...

[Tiger, 28.4.2008 kl. 03:11]

  Ætli ég verði ekki einhvers staðar þarna uppi í Himnaríki Gurrí með þér að horfa niður á endasprettinn. Gott að vita að maður þarf ekki að upplifa allar þær hörmungar sem sá ljóti mun leiða í gegn í framtíðinni. Eigðu yndislega viku framundan mín kæra.

[Púkinn, 28.4.2008 kl. 11:19]

Það er nú ósköp lítið sem má segja að hafi "ræst" af spádómum Nostradamusar - hins vegar hafa menn verið duglegir við að túlka spádóma hans eftirá til að segja þá passa við hitt og þetta - Napoleon, Hitler, heimssstyrjaldirnar, dauða Diönu prinsessu, árásina á tvíburaturnana - nú eða bara uppgang Microsoft.