Lógó-mistök, óorðnir Sturlu-atburðir og bold-hneyksli

20.5.2008 | 18:33

Lógó-mistök, óorðnir Sturlu-atburðir og bold-hneyksli

Einu sinni gekk sú saga að stjórnendur Morgunblaðsins hefðu látið stoppa prentvélarnar í ofboði til að laga tvíræða fyrirsögn á forsíðu: Drottning reið tengdadóttur sinni. Held samt að þetta sé flökkusaga. Fyndin samt. Auglýsendur geta verið óheppnir í sambandi við prentvillur, orðalag og slíkt. „Líttu við ... hjá okkur“. Þetta er vissulega smásmuguháttur af verstu gerð. Ég fékk sendar nokkrar myndir um daginn af lógó-mistökum, útlenskum auðvitað, sem sjá má ýmislegt út úr sem lógósmiðurinn ætlaði sér örugglega ekki. Þessar lógó-myndir munu prýða þessa færslu og tengjast í engu Sturlu, hvað þá boldinu.

Á www.dv.is er spennandi frétt: Fyrirsögnin er:

Sturla sver af sér óorðna atburði
„Sjálfsagt hefur einhverjum brugðið í brún síðdegis þegar útvarpsstöðin Bylgjan spilaði auglýsingu þar sem Sturla Jónsson vörubílstjóri kynnti sig til leiks. Síðan staðfesti hann, það sem alþjóð, veit að hann hafi staðið fyrir mótmælum undanfarið en vildi að það kæmi skýrt fram að hann bæri enga ábyrgð á atburðum sem munu eiga sér stað á laugardaginn.
Ætla mætti að vörubílstjórar, eða aðrir hópar, væru að ráðgera aðgerðir á laugardaginn sem eru svo svakalegar að sjálfur Sturla, sem hefur ekki gefið þumlung eftir í mótmælum hingað til, treysti sér ekki til þess að koma nálægt þeim. Sturla sagðist í samtali við dv.is ekki hafa hugmynd um hvað væri í vændum á laugardaginn og neitaði að tjá sig frekar um málið.“

Get ég ekki beðið eftir helginni ...

Hneyksli í Boldinu. Brooke er friðlaus. Verið er að forsýna nýju línuna hennar, Brooke´s Bedroom, sem hún hefur aldrei séð. Nick vill ekki að hún fari en hún segist kannski hafa hætt sem módel en ekki sem stjórnandi fyrirtækisins. Nick ákveður að fara með henni. „Karlarnir munu elska þig og konurnar vilja vera eins og þú,“ segir Ridge ástríðufullur við Donnu sem tekst nú á við frumraun sína í módelbransanum. Kynþokkinn hríslast af henni í byrjunaratriði sýningarinnar þar sem hún liggur og engist í rúminu í undirfötum eftir Ridge, hún nuddar sér upp við súlu og meira að segja Brooke, systir hennar, virðist í vægu taugaáfalli, eins og Stefanía. Ridge andar ótt og títt bak við tjöldin. Nokkrir tískublaðamenn láta sig hverfa af staðnum en auðvitað bara beiskar, ljótar kerlingar og hommar. Donna fer út í sal á korsilettinu og gælir við nokkra karlmenn, m.a. Eric, Nick og ókunnan kaupsýslumann.
„Þau gátu ekki litið af þér,“ segir Ridge við Donnu. „Þetta var niðurlægjandi,“ hnussar í Brooke við Nick. Hin módelin eru miklu siðsamari. „Þú áttir að sýna föt en ekki hlykkjast um eins og fatafella,“ segir Brooke við systur sína baksviðs og ... rekur hana úr starfi. Donna drekinn verður send heim til San Fransisco á morgun! Sá ekki boldið í gær en þessi þáttur var sæmilega djúsí!

Flokkur: Bloggar | Facebook

Athugasemdir

ha ha ótrúlega klaufaleg lógó....

Hrafnhildur Ýr Vilbertsdóttir, 20.5.2008 kl. 19:19

Fjör í vændum hjá trukkurunum? Maðurinn minn sagði mér að það væri einhver Einar í hópnum sem aðhylltist "Frönsku aðferðina" og hann væri að epsa aðra upp. Það væri heldur nýtt hér á landi ef það reynist vera málið. Hvað segir drottningin í Himnaríki, er hún komin í hlýrabolinn og farin að íhuga meirapróf til að sýna hluttekningu? Eitthvað hlýtur að vera hressilega mikið í pípunum fyrst rauðkollurinn með strigatrantinn segir "it wasn't me!"

Hvað finnst fólki? er hreint út í lagi að fara að kveikja í bensínstöðvum?

Elsa (IP-tala skráð) 20.5.2008 kl. 19:54

Fannst þessi frétt svolítið skrýtin, get ekki ímyndað mér hvað er í vændum fyrst Sturla sver þetta af sér. Ég trúi reyndar ekki upp á trukkarana að þeir grípi til svo róttækra aðgerða að kveikja í. Ekkert meirapróf í nánd í himnaríki, þori ekki einu sinni að keyra fólksbíl ... held mig bara við strætó.

Guðríður Hrefna Haraldsdóttir, 20.5.2008 kl. 20:00

Hvað er í gangi hérna? Ertu farin að halda við strætó? og taka meiraprófsmenn með trukki?

Átjánhjóla ástarbrími? Er það þú sem Sturla er að sverja af sér?

Breiðholtshatarinn (IP-tala skráð) 20.5.2008 kl. 20:04

Skrítin frétt. En alltaf er jafngaman að fylgjast með Boldinu í gegnum þig.

Helga Magnúsdóttir, 20.5.2008 kl. 20:47

Vá þú segir fréttir. Sturla sér ástæðu til að gefa yfirlýsingu um að hann verði ekki með. What´s cooking?

GARG yfir þessum frábæru mistökum.

Jenný Anna Baldursdóttir, 20.5.2008 kl. 21:32

Auglýsingabrella ! Heitir þetta ekki enn Auglýsingabrella. - Svona eins og t.d. það sem búið ar að afbaka á skiltunum. - og það sem gefið er í skyn, með undir áróðri.

Lilja Guðrún Þorvaldsdóttir, 20.5.2008 kl. 21:33

hóhó, ÍA - Fram 1-0!

Þú kyssir Guðjón frá mér ef þú hittir hann!

Fyrsti sigur sumarsins,en væntanlega ekki sá síðasti!

Magnús Geir Guðmundsson, 20.5.2008 kl. 21:35

Já, frábær sigur. Ég sit og vinn enn ... en fylgdist með öskrum sem heyrðust inn um gluggann og kíkti á "beina" útsendingu á mbl.is. Ég mun njóta þess að kyssa Guðjón frá þér! Hehheehhe

Jamm, Sturla veit kannski eitthvað en vill ekki taka þátt í því. Úúúúúúú

Guðríður Hrefna Haraldsdóttir, 20.5.2008 kl. 21:45

Ég held að annað hvort verði aðgerðirnar á laugardaginn það léttvægar að Sturla vilji ekki koma nálægt þeim eða þá að verið sé að dreifa athyglinni - eitthvað verði gert fyrir helgi...

Stefán (IP-tala skráð) 20.5.2008 kl. 21:56

takk fyrir afmæliskveðju og takk fyrir boldið

Kveðja í himnariki

Guðrún Jóhannesdóttir, 20.5.2008 kl. 22:07

Stefán, þetta verði svona mykjudreygingardæmi fyrir framan alþingishúsið? Það er búið að vera að plotta það lengi.

En Sturla hefur bæði lokað akvegum og rölt einn í bæinn, mér finnst meira líklegt að einhverjir séu að slíta sig frá sem eru til í að ganga lengra, við skulum alveg muna að það voru barsmíðar við SVR planið sem Sturla kom ekki nálægt. Ég held að það sé eitthvað stærra að gerast og ég segi bara BRING IT ON því hvað um okkur skóflupakkið, það má ekki fella niður þetta fjandans olíugjald en það er hægt að gefa auðmönnum 100 milljarða í síðustu viku með einu pennastriki. Skrítinn heimur?

Leifur (IP-tala skráð) 20.5.2008 kl. 22:15

JÁJÁJÁ

Ég er búin að vera að bíða eftir að þeir hætti þessu eða noti mólatov. Ég ætla að mæta, hvenær ætli maður fái að vita hvar?

Ólöf (IP-tala skráð) 20.5.2008 kl. 22:43

Þetta hlýtur að koma í ljós fyrir helgina, Ólöf. Loksins eitthvað fútt!!!

Leifur, þetta er sannarlega stórskrítinn heimur

Guðríður Hrefna Haraldsdóttir, 20.5.2008 kl. 22:48

Já Gurrí það eru ótrúlega margir að líta um öxl í þessum auglýsingum en miklu færi sem koma við....en var þetta þetta örugglega tengdadóttir drottningar en ekki tengdasonur???...ÍA-Fram 1-0....þetta er að koma - Áfram Skagmenn.