Biblíustrætó á föstudegi

Tíu mínútur nægja mér til að koma mér úr rúmi og út á stoppistöð. Ég hef lengi dáðst að mér fyrir að geta þetta og það án þess að nokkur læti séu í gangi, bara „operation:út á stoppistöð 7.41 sharp.“ Greip með mér appelsínurauða trefilinn til að verja andlitið gegn sól ef þyrfti. Sá kom að góðum notum þegar ég kom út í ískalda norðanáttina á Garðabraut og hann bjargaði mér frá kaldri og kvalafullri bið á stoppistöðinni. Annars hlýnaði mér mikið um hjartarætur þegar Tommi bílstjóri, hættur hjá strætó, keyrði framhjá mér á hvítum einkabíl og veifaði. Æ, hvað ég sakna hans. Ekki var síður kalt í Mosó, eða réttara sagt í Háholtinu, en ég held að sú gata hafi verið hönnuð af miklum skepnuskap ... aldrei of illa farið með góða strætófarþega-dæmið. Þegar strætó 15 loks kom urðum við svo fegin að við borguðum þrefalt gjald og knúsuðum bílstjórann fyrir að vera á réttum tíma. Sífellt beiskari í bragði ókum við í gegnum hittapottinn Mosfellsbæ og sáum að þar var brakandi þurrkur, fáklætt fólk að kafna úr hita og logni. Háholt, skáholt!

Í Mosó kom tiltölulega eðlilegur maður inn í vagninn og settist hjá mér. Ég sneri andlitinu frá honum en skáskaut augunum í kjöltu hans því mig langar alltaf svo mikið til að vita hvað fólk er að lesa. Minn eini galli, held ég. Ég sá tölustafi og svo orðið Jesú en samt var þetta ekki Biblían. Mögulega getur verið að þetta hafi verið mexíkósk eða spænsk spennusaga um Jesú Gonsales og bófaflokkinn hans að undirbúa bankarán Ég verð að fá mér sterkari gleraugu til að geta gengið almennilega úr skugga um svona atriði. Sama súpan var síðan í leið 18 og í gær, eða hægláti maðurinn og nokkrir sætir Indverjar.

Vona innilega að dagurinn ykkar verði bæði ljúfur og syndsamlega skemmtilegur, kæru bloggvinir.

Athugasemdir

[Brynja skordal, 18.7.2008 kl. 11:39]

Hafðu ljúfa helgi elskuleg

[Steingerður Steinarsdóttir, 18.7.2008 kl. 13:51]

Skemmtu þér vel um helgina Gurrí mín.

[Helga Magnúsdóttir, 18.7.2008 kl. 13:59]

Hafðu það gott um helgina frú Guðríður. Vonandi verður hún strætólaus.

[Anna Ólafsdóttir Björnsson, 18.7.2008 kl. 14:41]

Strax farin að sakna þín síðan um daginn. Missti ákkúrat af þessu sólbrunaævintýri þínu, en vona að frásagnargáfa þín hafi komið við sögu, annars hefur þetta verið all-svakalegt. Komin aftur upp í Borgarfjörð (of snemma dags til að kippa þér með) eftir næstum sex daga dvöl heima. Það kemur ekki fyrir aftur ;-) alla vega ekki í sumar.

[Ásdís Sigurðardóttir, 18.7.2008 kl. 18:29]

Mér finnst þú svo skemmtilegur bloggari að ég bara gæti ekki verið án þín.  Enda er nú svo að þú ert orðin auglýsing fyrir strætókerfið sem brátt verður tekið upp hér á Selfossi, semsagt "Selfoss/Reykjavík" myndskreytt með Gurrí dúllu.   svo er bara spurning hvort ferðirnar héðan verði nokkuð í líkingu við Skagaferðirnar frægu.  Hafðu það gott um helgina dúllan mín knús og kram 

[Magnús Geir Guðmundsson, 18.7.2008 kl. 18:32]

Stuttorð um strætóferð sem aðrar ferðir núna, hef á tilfinningunni að eitthvað sé að brjótast innra með þér, hugsanlegar breytingar kannski í vændum eða þú sért að íhuga eitthvað slíkt eða jafnvel búin að ákveða!?

[Þröstur Unnar, 18.7.2008 kl. 19:08]

Nú er tækifærið þitt Ásdís að gerast strætó b.s drottning suðursins.

[Guðríður Hrefna Haraldsdóttir, 18.7.2008 kl. 19:48]

Heheh, þið eruð svo fyndin. Ásdís, líst vel á tillögu Þrastar!

Magnús, ég hef verið ferlega lasin undanfarna daga, sólbruni plús kvef, og styttri færslur fyrir bragðið. En stutt er í að ég færi mig yfir á dv.is-bloggið, rétt er það með breytingarnar. 

Óska ykkur öllum frábærrar helgar ... og Anna, ég færði ekkert í stílinn, nema myndirnar af fésinu á mér voru kannski falsaðar. Spurðu bara Halldór frænda, hann sá mig og þurfti áfallahjálp á eftir, held ég. Hehehhehe

[Lilja Guðrún Þorvaldsdóttir, 18.7.2008 kl. 21:05]

Hafðu það sérstaklega gott um helgina Gurrý. -  Eru miklar breytingar í vændum hjá þér?

[Magnús Geir Guðmundsson, 18.7.2008 kl. 22:07]

Ég hélt að það væri vel geymt leyndarmál, að þér og sumum kannski Moggabloggurum fleirum stæði til að ræna af ofursnjallri kænsku frænda míns Reynis t.!?

En hitt allt, er það ennþá leyndó?

[Laufey B Waage, 19.7.2008 kl. 00:25]

Þú verður greinilega að fá þér sterkari gleraugu, eða kjark til að spyrja sessunauta hvað þeir séu að lesa. Ekki hægt að láta menn frá sér án þess að vita það.

Hvaða leyndarmál er verið að tala um? Ertu að fara að gifta þig? Verður tvöföld stórhátíð 12.ágúst næstkomandi? Næsti pistill þinn verður að vera undir yfirskriftinni: Leyndarmálið afhjúpað. 

[Guðríður Hrefna Haraldsdóttir, 19.7.2008 kl. 00:40]

Laufey, ég vildi að ég vissi hvaða leyndarmál þetta er. Það eina sem er í gangi núna er að bloggið mitt flyst bráðum yfir á dv.is, einhver farangur er þegar kominn þangað. Magnús hefur eitthvað misskilið mig, fundist ég dularfull þegar ég lá í rúminu sárlasin með annars stigs bruna í andliti og hor í nös. Ekki hægt að blogga mikið í slíku ástandi. Já, ég hefði átt að vera kjarkmeiri og spyrja þennan ljúflega mann í morgun út í lestrarefnið, þá hefði jafnvel orðið brúðkaup í ágúst. Alltaf hægt að vera vitur eftir á.

[Magnús Geir Guðmundsson, 19.7.2008 kl. 19:07]

Láttekkisvona, veikindi og bruni verða ekki misskilin, en ætli þetta verði ekki að bíða þangað til í des er Völvan kjaftar frá!?

[Magnús Geir Guðmundsson, 19.7.2008 kl. 19:11]

En mikið má nú DV bloggið batna skilst mér svo vel fari, svo segja me´r allavega þeir sem nent hafa að fylgjast með, ekki nóg bara að "kaupa dýra leikmenn" eitthvað fleir verður að koma til og verður þetta ekki bara svipað og eyjan.is?

[Guðríður Hrefna Haraldsdóttir, 19.7.2008 kl. 19:52]

Magnús, þú ert að gera mig brjálaða úr forvitni. Það er ekkert að fara að gerast svo ég viti og tæplega eitthvað sem völvan tengist ... í alvöru. Þú veist greinilega eitthvað sem þú heldur að ég viti, hvernig væri að senda ímeil á frúna og segja betur frá þessum furðulegu grunsemdum!

Mér finnst Eyjan reyndar mjög skemmtileg síða. Ég var ekki keypt til dv.is. Það hefði þó verið flott að fá nokkra þúsundkalla fyrir að "bulla" um bold og fleira.