Hvernig Valsararnir fóru með Skagastelpuna ...

Við sigruðum! ÍA-Valur ... 2-1. Ætla ekki að reka upp siguröskur því að þá hættir Magga vinkona að tala við mig. Ég ber líka alltaf frekar hlýjar tilfinningar til Valsmanna (og er hrædd við Möggu) síðan ég spilaði handbolta með Val þegar ég var nýflutt í bæinn. Bjó á Bollagötunni og fannst voða gaman að kanna umhverfið fyrstu mánuðina.

Í einni rannsóknarferðinni fann ég Valssvæðið og ungur maður, væntanlega þjálfari hjá Val, bauð mér að vera með í handbolta. Liðið samanstóð af stelpnaklíku úr Hlíðaskóla, minnir mig, og það var ekki vegur fyrir 13 ára stelpu í Austurbæjarskóla að komast inn þannig að ég hætti fljótlega að mæta. Mér fannst ekki nóg að vera umborin. Ég hafði aldrei æft handbolta og var því látin spreyta mig í markinu. Þrátt fyrir nokkra nærsýni reyndist ég vera dúndurgóður markvörður og snögg að sjá hvaðan boltinn kom. Í úrslitaleik þar sem við kepptum um kókkassa var ég í markinu í fyrri hálfleik og fékk ekkert mark á mig. Af hálfvitaskap skipti þjálfarinn um markmann og sú stelpa var ekki jafnæðislega dásamlega fær og ég ... hitt liðið fékk kókkassann, ég átti ekki krónu og fór dauðþyrst heim. Þarna lauk farsælum handboltaferli mínum.

Jú annars, það var eiginlega bara gott, eiginlega bara alveg frábært að Valur tapaði í kvöld.

Athugasemdir

[Guðríður Hrefna Haraldsdóttir, 19.6.2007 kl. 23:11]

Það er nú álitamál eftir illa meðferð á unglingi af Bollagötunni ...

[Guðríður Hrefna Haraldsdóttir, 19.6.2007 kl. 23:11]

P.s. Mín vegna mega þeir vinna alla sína leiki sem eftir eru! Ég þurfti bara mína hefnd!

[Magnús Geir Guðmundsson, 19.6.2007 kl. 23:52]

Og hefndin var sko sæt!

[Doddi - Þorsteinn G. Jónsson (IP-tala skráð) 20.6.2007 kl. 00:52]

Ég er Framari, og hefði sosum þegið að Skagamenn töpuðu stigum vegna botnbaráttunnar, en mér fannst bara svo ljúft að sjá Valsmenn tapa. Og mikið eftir af mótinu, þannig að ég er mjög kátur. Hamingjuóskir á Skagann!!!! Woo hoo, segja þeir á enskunni!

[Magga (IP-tala skráð) 20.6.2007 kl. 00:52]

Jæja ##%&/Ö_ mér þykir þú kokhraust en það var gaman að þekkja þig

[Jenný Anna Baldursdóttir, 20.6.2007 kl. 00:59]

Gurrí mín ég læt mér heldur ekki nægja að vera umborin en það er fullkomlega óásættanlegt.  Fólki má vera illa við mig, ég get lifað með því en ekki hinu.

Er innfæddur KR-ingur og held frekar með ÍA en Val.  Það stendur í biblíunni.

[www.zordis.com, 20.6.2007 kl. 07:01]

Ég keppti med KR í den og zad var gaman!  Ízróttir ánaegjunnar vegna   Skil zorstann vel, baedi í kókid og hefndina .......

[Ester Júlía, 20.6.2007 kl. 07:55]

*grát* Þetta er ekkert frábært.   Valur er gamla félagið mitt.  Er alin upp í hlíðunum.  Gekk í Hlíðarskóla ( reyndar austurbæjarskóla líka ef því er að skipta) og var í leikfimi í Valsheimilinu.  Miðsonur minn byrjaði i´Val 6 ára og var til 13 ára.  *grát grát grát* .

Nei svona í alvöru, er ekki tryggur Valsaðdáandi..langaði bara að vera á móti

[Guðríður Hrefna Haraldsdóttir, 20.6.2007 kl. 08:04]

Hélt jafnvel að bloggvinir mínir og Magga hefðu sem snöggvast tekið afstöðu með viðkvæma unglingnum af Bollagötunni gegn val ... bara rétt í augnablik ... en ...