Undarleg ský

Er að fara í háttinn en sá svo skrýtin ský að ég mátti til með að leyfa ykkur að njóta þeirra líka. Held að miklir háloftavindar valdi þessum ósköpum ... en er ekki viss. Það er alla vega frekar hvasst hérna niðri núna. Ef klikkað er á myndirnar stækka þær og enn meira ef klikkað er aftur! Skrýtin ský, ekki satt?
Góða nótt og sofið rótt! 

Athugasemdir

[Bragi Einarsson, 26.6.2007 kl. 23:48]

ööö, þetta eru geimverur að sækja þig góða nótt

[Anna Ólafsdóttir Björnsson, 26.6.2007 kl. 23:50]

Flott ský, er einmitt að horfa á þau, eða systkini þeirra , yfir tölvuna út um ganggluggann. Vá, og flottar myndir!

[Guðríður Hrefna Haraldsdóttir, 26.6.2007 kl. 23:51]

Hehhe, þú segir nokkuð. Góða nótt og sé ykkur KANNSKI í fyrramálið. Fer eftir geimverunum!

[Jenný Anna Baldursdóttir, 26.6.2007 kl. 23:54]

Sá aðra bloggsíðu með sömu skýjunum eða systkinum þeirra.  Gn fer líka bráðum til beðju vegna lítillar snótar sem er til gistingar og verður með ömmunni allan daginn á morgun líka.  Lífið er yndislegt.  Smjúts.

[Anna Ólafsdóttir (anno) (IP-tala skráð) 26.6.2007 kl. 23:56]

Hrikalega flottar myndir! En ertu viss um að þessi til hægri sé ský? svona séð á skjánum er þetta nú eins og risastór andarungi að vappa um á himninum í leit að mömmu sinni - þú veist að það fyrsta sem þeir sjá hreyfast þessar elskur verður sjálfkrafa MAMMA!  Nei, Gurrí - ég er bara að drekka sódavatn   

[Björg K. Sigurðardóttir, 26.6.2007 kl. 23:58]

Flottar myndir og litbrigðin á himninum koma skemmtilega út á myndunum. Ég bý á öðru nesi við Faxaflóann og ef ég myndi fara út í næstu götu og skyggni væri gott sæi ég einmitt vel upp á Skaga og sæi móta fyrir stúkunni á íþróttavellinum ykkar og tönkunum hjá HB. Gaman að þessu. 

[Hrönn Sigurðardóttir, 27.6.2007 kl. 00:01]

Var einmitt að dást að mjög svipuðum skýjum rétt áðan, þau eru horfin núna....

....kannski upp á Skaga?

[Jóna Á. Gísladóttir, 27.6.2007 kl. 00:12]

Gerði tvær tilraunir rétt áðan til að taka mynd að risastóru skýi sem líktist geimskipi. En myndavélin klikkaði. Úúúúú. Mér finnst þetta eitthvað skrýtið. Ég meina er bara alvanalegt að allir bloggvinirnir séu að fara úr hálslið við að virða fyrir sér skýin.

[Agný, 27.6.2007 kl. 01:46]

Ég fór líka út og tók myndir af þessum furðulegu skýjamyndunum.Sumir UFO sinnar halda því fram að svona ský eins og það sem var yfir Hafnarfjallinu ja og fleiri hefðu svo sem geta falliðundir þann flokk en það er að vera feluský fyrir  UFO /fljúgandi furðuhluti.......

[Finnur Jóhannsson Malmquist, 27.6.2007 kl. 02:46]

Minnir á skýjatilbrigðin í febrúar s.l., kemst enn ekki yfir hvað þetta er magnað fyrirbrigði, svona vindský: http://www.flickr.com/photos/jarl/406085324/

[Ólafur fannberg, 27.6.2007 kl. 06:51]

við geimverurnar erum að koma hehehehe

[Ester Júlía, 27.6.2007 kl. 07:21]

Ég tók einmitt líka skýjamyndir í gærkvöldi. Ekkert smá flott skýjin í gærkvöldi.  Bómullarhnoðrar allsskonar í laginu .  Ógissslega flott!!

[www.zordis.com, 27.6.2007 kl. 07:39]

Zad er svo gaman ad ráda í skýin ... falleg og svöl med einhverju leyndardómsfullu í midjunni.  Gud er sannarlega flink kona!

[Ingibjörg Gunnarsdóttir, 27.6.2007 kl. 08:24]

Ég sagði gestunum mínum í Skorradal í gærkvöldi - að við geymdum geimskipið okkar í þessu skýjum - en þau trúðu mér ekki alveg.........