Allt að gerast á Skaganum ...

6.7.2007 | 20:03

Allt að gerast á Skaganum ...

Við Steingerður brunuðum á Skagann eins og fínar frúr og vorum komnar rétt um sexleytið. Komumst að því að bókabúðinni er lokað á sekúndunni sex. Engin brúðargjöf keypt þar.

Hálfgert umsátursástand ríkti á Skaganum (stuð), unglingar og hasshundar í röðum (sá a.m.k. einn hund) og rokktónleikar fyrir utan kaffihúsið sem var LOKAÐ! Opna á kl. 10 í kvöld í tjaldi við hliðina, sem verið var að setja upp við dúndrandi tónlist hljómsveitarinnar.

Við kíktum aðeins í Skrúðgarðinn sjálfan sem er fyrir aftan kaffiðhúsið. Mikið er hann orðinn fallegur.

Besta kaffið er vitanlega í himnaríki og var Steingerður dregin þangað. Freyja terroriseraði því kettina, alla vega Kubb sem varð eins og dalmatíu-klósettbursti í útliti, en Tommi hetja fílar hunda bara ágætlega. Lokaði þá samt báða inni svo að Freyja yrði til friðs.

Kettirnir voru búnir að rústa stofunni þannig að ég get ekki frestað tiltekt lengur. Það hefur verið ákveðin sjálfsblekking í gangi undanfarið þegar ég geng viljandi gleraugnalaus um himnaríki og finnst vera frekar fínt! Nú verður ráðist á draslið með hörku!

Eitthvað undarlegt er í gangi. Fékk hjartslátt af spennu þegar ég leit til hægri, eða út á sjó. Fjöldi seglskúta stefnir til Akraness ... örugglega unglingar. Náði mynd af þremur þeim fremstu, fleiri eru á leiðinni.

Skyldi saga Tyrkja-Guddu verða endurtekin í dag? Kemur í ljós ef ég blogga ekki meira í kvöld. Best að taka úr lás. Alltaf gaman að lenda í ævintýrum. Best að brosa þó ekki þar sem það er nú á hreinu með nýlegum dómsúrskurði að það veitir leyfi til ofbeldis.

Meginflokkur: Bloggar | Aukaflokkar: Dægurmál, Ferðalög, Matur og drykkur, Vinir og fjölskylda | Facebook

Athugasemdir

AAAAAAAAARRRRRRRRRRRGGGGGGGGG unglingar já

Þröstur Unnar, 6.7.2007 kl. 20:21

Dalmatíu-klósettbursti..... hahahahahaha. Getur maður keypt sér svoleiðis?

Hei, fannstu myndir af mér og Howsernum?

Jóna Á. Gísladóttir, 6.7.2007 kl. 20:31

Skemmtu þér á hátíðinni, vona að þú komir heil útúr þessu!
Annars tekurðu bara í lurginn á unglingunum ef þeir eru með eitthvað vesen.

Maja Solla (IP-tala skráð) 6.7.2007 kl. 20:39

Fæ að sjá þetta allt á mánudaginn, Jóna!

Finnst unglingar reyndar vera ansi skemmtilegir, svona almennt! Vonum bara að þetta gangi allt stórslysalaust fyrir sig. Hef meiri áhyggjur af Ellen frænku á Hróarskeldu!

Guðríður Haraldsdóttir, 6.7.2007 kl. 20:48

Ég er í kasti, sérstaklega yfir kaflanum með Tyrkja-Guddu. Ég ætla líka að taka úr lás og með því er ég býð ég, skælbrosandi, alla misyndismenn velkomna. Gott að hafa svona á hreinu. Vona að þú bloggir en ef ekki þá óska ég þér góðrar ferðar yfir hafið. Mér er sagt að það sé spennandi að vera tekinn herfangi.

Smjúts.

Jenný Anna Baldursdóttir, 6.7.2007 kl. 20:51

Mail sent uþb núna. Takk, smjúts, knús, krúttípúttírúsínan mín

Jenný Anna Baldursdóttir, 6.7.2007 kl. 20:52

Hrönn Sigurðardóttir, 6.7.2007 kl. 21:35

Assgoti var hann lúmskur þessi síðasti ...

Vilborg Valgarðsdóttir, 6.7.2007 kl. 23:43

hahaha ég hef oft hugsað til Tyrkjaguddu. Hvort hefði verið betra að vera með skítugum, ólæsum kotbónda inní illa þefjandi baðstofu og fara í bað einu sinni ári. Eða tyrknesku kvennabúri? Það hefði þýtt: Tyrknesk hrein höll með risastóru baði, nóg af bókum og gómsætum mat. Hmmmm hugs hugs Þetta er eitthvað fyrir þig Gurrí

Elín Arnar, 7.7.2007 kl. 01:07

Hljómar einstaklega vel ...