Tekjur bloggara, dagskráin og Eiríkur með prik

Fékk áskorun um að birta nokkrar stórmerkar tölur sem ég hef við hendina en fást reyndar í næstu sjoppu eða skattstofu. Nú er hægt að sjá hverjir vinna allan daginn eða hálfan daginn, hverjir eru í skóla, í vaktavinnu og hverjir eru mögulega atvinnubloggarar! Sex af þessum bloggurum eru bloggvinir mínir!

Tekjur bloggara
Sóley Tómasdóttir 579.908
Anna K. Kristjánsdóttir 498.579
Kolbrún Baldursdóttir 476.116
Ármann Jakobsson 463.165
Stefán Pálsson 441.574
Þrymur Sveinsson 273.600
Gunnar Hjálmarsson 242.252
Jenný Anna Baldursdóttir 170.318
Óli Gneisti Sóleyjarson 108.723
Jón Valur Jensson 97.986
Katrín Anna Guðmundsdóttir 75.001
Helga Vala Helgadóttir 18.045
Stefán Friðrik Stefánsson 7.292

Aðrir merkir Íslendingar:
Svanhildur N. Vigf.    5.588.898
Gunnar Smári            3.623.430
Júlíus Valsson læknir 2.600.361
Geiri í Goldfinger       1.014.250

 --------- o O o --------

„Reykir þú?“ spurði vellaunaði samstarfsmaður minn, Eiríkur Jónsson, um hádegisbil.
„Já, með hléum frá 13 ára aldri,“ svaraði ég kotroskin, „en aldrei fyrir hádegi!“
„Þú ert ekkert reykingaleg, ég hélt að þú værir fullkomin!“ sagði Eiki karlinn og vann sér inn nokkra punkta.

Er að vinna dagskrána fyrir Vikuna. Ef einhver veit um spennandi uppákomur sem eiga sér stað frá 9. ágúst til 15. ágúst væri gott að fá tillögur. Gay Pride er náttúrlega 11. ágúst og ég mun gera gleðigöngunni skil.

Hlakka rosalega til að fara út í óveðrið í fyrramálið. Vona bara að hviðurnar verði ekki það miklar, yfir 34 m/sek, að strætó fari ekki í bæinn. Þá er ég í ljótum málum. Alltaf mest að gera í vinnunni á föstudögum.

Athugasemdir

[Jenný Anna Baldursdóttir, 2.8.2007 kl. 20:03]

Miði ég mig við Sóleyju er ég aumingi..  Stebbi fær greinilega ekki greitt á flettingar. OMG

Farðu varlega í hviðunum.

Smjúts

[Eva Þorsteinsdóttir, 2.8.2007 kl. 20:04]

Hvernig lifir Stefán Friðrik andann með 7.292 kr. á mánuði .... ég bara spyr?

[Eva Þorsteinsdóttir, 2.8.2007 kl. 20:04]

Dregur fram andann átti þetta nú að vera ;)

[Jóna Á. Gísladóttir, 2.8.2007 kl. 20:07]

thíhíhí. Andinn sniðugur.

[Guðríður Haraldsdóttir, 2.8.2007 kl. 20:08]

Það eru til fjármagnstekjur ... þetta er bara miðað við launatekjur, skilst mér. 

[Jenný Anna Baldursdóttir, 2.8.2007 kl. 20:36]

Já mínar tekjur liggja aðallega í fjármagnstekjunum sko. Muhaha.. hm.

[Jens Guð, 2.8.2007 kl. 21:18]

  Ég er nú bara hálf móðgaður yfir að vera ekki á þessum lista.  Ég sem er bloggari mánaðarins í næsta Mannlífi.  Ójá,  nú skil ég.  Ég verð þá á listanum næsta sumar. 

[Guðríður Haraldsdóttir, 2.8.2007 kl. 21:24]

Ég skal sjá til þess að þú verðir á listanum að ári.

[Guðný Anna Arnþórsdóttir, 2.8.2007 kl. 21:34]

Athyglisverðar tölur. Hvar ert þú í þessari röð krúttið mitt? Góðan morgundag!

[Guðríður Haraldsdóttir, 2.8.2007 kl. 21:43]

Ætli ég sé ekki mitt á milli Dr. Gunna og Önnu Jennýjar ... 

[Guðríður Haraldsdóttir, 2.8.2007 kl. 21:43]

Hehhehe, Jennýjar Önnu ... ætti að fara að sofa, er farin að rugla ...

[Ólöf Anna , 2.8.2007 kl. 21:48]

Þegar ég las fyrirsögnina sá ég Eirík fyrir mér sem karlkyns útgáfu af Pálínu með prikið

[Óttarr Makuch, 2.8.2007 kl. 23:20]

Heyrðu og ég sem hélt að við værum vinir - og þú skyldir mig eftir útundan..... fussum svei  allavega sá ég ekki nafnið mitt á listanum !

[Kristín Katla Árnadóttir, 2.8.2007 kl. 23:23]

hehe þú ert frábær . Gurrí mín.

[Karl Tómasson, 2.8.2007 kl. 23:40]

Kallar borga líka.

 Bestu kveðjur frá Kalla Tomm úr Mosó.

[Ásdís Sigurðardóttir, 2.8.2007 kl. 23:45]

Stefán Eyjólfsson    Lilja Oddsdóttir       8. febrúar 1765 - 7. febrúar 1839   1764 - 18. ágúst 1843  Guðmundur Stefánsson 1800 - 1869Stefán Guðmundsson 1842 - 1922Sigríður Stefánsdóttir 1876 - 1951Ásdís Baldvinsdóttir 1902 - 1989Sigurður Haraldsson 1926Ásdís Sigurðardóttir1956Rósa Stefánsdóttir 1798Stefán Pétursson 1835Dóróthea Friðrika Stefánsdóttir 1865 - 1929Guðríður Kristjánsdóttir 1897 - 1977Haraldur Jónasson 1930 - 2001Guðríður Haraldsdóttir1958

VIÐ ERUM SVONA SKILDAR, varð að fletta því upp þegar þú sagðist vera Þingeyingur, hef aftur á móti engan áhuga á sköttum.

Frá hvaða bæ, eða sveit ertu?

[Nanna Rögnvaldardóttir, 2.8.2007 kl. 23:52]

Það hefur semsagt engin kauphækkun fylgt titlinum. Var ég ekki búin að skamma þig nóg fyrir að láta fara svona með þig? Eru þessi laun annars ekki undir lægsta taxta blaðamannafélagsins miðað við starfsreynslu?

Og láttu svo setja réttan titil á þig á vefsíðu fyrirtækisins.

[Hrönn Sigurðardóttir, 3.8.2007 kl. 07:11]

......og hana nú!

[Guðríður Haraldsdóttir, 3.8.2007 kl. 07:50]

Jú, það fylgdi kauphækkun ... nema hún kom ekki til fyrr en seinnipart árs þannig að lengst af árs í fyrra var ég á blaðamannataxta. Ég fæ starfsreynsluna metna  og það er betur gert við mig hér heldur en á ýmsum stöðum þar sem ég hef unnið  og enn betur við Eirík ... (heheheheeh!)

[Guðríður Haraldsdóttir, 3.8.2007 kl. 07:54]

Vá, Ásdís, við erum sexmenningar og það þykir mér skylt!!! Amma Gudda var frá Skeiði í Svarfaðardal og bjó með afa Jónasi á Flatey á Skjálfanda þar sem pabbi fæddist. Afi sá um skólann í Flatey, skilst mér, og var að auki hreppstjóri.

[Nanna Rögnvaldardóttir, 3.8.2007 kl. 08:43]

Ég vona að þú fáir þá svipað og aðstoðarritstjóri Mannlífs, til dæmis.