Flottur leynivinur

Komst að því í dag að ástkær leynivinur minn í sumarbúðunum var engin önnur en Inga Lára snillingur. Mig grunaði það vegna sætu, sniðugu bréfanna sem fylgdu gjöfunum ... en lymskan í starfsfólkinu þarna var svo mikil að Inga Lára gat alveg eins hafa verið fengin til að skrifa bréfin og blekkja mig þannig. Gluggarnir í himnaríki verða þrifnir með góða, umhverfisvæna trefjaklútnum og allar snilldarhugmyndir skrifaðar í litlu, sætu vasabókina svo að þær gleymist ekki. Ég er löngu búin að smjatta á namminu sem hún gaf mér líka og fiðrildasólgleraugun koma sér vel ef lífið verður flókið. Snilldargjafir. Held að Þóra starfsmannastjóri hafi bara verið ánægð með sínar gjafir sem ég laumaði til hennar með hjálp Hildu. Fótanuddkrem, blómadropar sem auka orku kennaraháskólanema, kerti og servíettur, sérlega hollt en gott súkkulaði, lítil ilmsprittkerti og eitthvað fleira. Ég missi mig alltaf gjörsamlega í svona leynivinaleikjum þótt fólk sé beðið um að hemja sig.

Athugasemdir

[Fjóla Æ., 8.8.2007 kl. 23:52]

Sko! Ef ég væri ekki fallin fyrir þér nú þegar þá myndi ég falla fyrir þér við það að lesa þessi orð þín núna. Vilt þú vera leynivinkona mín?

[Fjóla Æ., 8.8.2007 kl. 23:53]

uhhhh vá hvað ég hljóma perraleg.

[Guðríður Haraldsdóttir, 9.8.2007 kl. 00:03]

Hahhaha, þetta er ekki perralegt, bara voða sætt. Já, ég skal giftast þér, hvenær sem er!

[Hólmgeir Karlsson, 9.8.2007 kl. 00:30]

Til hamingju með bókina þína, eða ert þetta ekki örugglega þú!?
http://mannlif.is/ordromur/nr/822

Bros og kveðja :)

[Guðríður Haraldsdóttir, 9.8.2007 kl. 00:38]

Nú er bara að fara að skrifa eitthvað frá eigin brjósti og verða metsöluhöfundur ... Ég er ánægð með móttökurnar sem lífsreynslubókin með sögunum okkar Steingerðar hefur fengið. Nú spýtum við Steinka bara í lófana og látum gefa út skáldsögur eftir okkur, bloggið verður þá fullt af frábærum rithöfundum, eins og Jónu, Ólöfu og okkur Steingerði ... hehehehehe! 

[Fjóla Æ., 9.8.2007 kl. 00:40]

Veit reyndar ekki hvernig Mumminn minn myndi taka því ef ég myndi játast þér. En ég er svo mikið til að vera vinkona þín og ég er viss um að Mumminn minn væri til í það líka enda ertu bara frábær.

[Helga Arnfríður (IP-tala skráð) 9.8.2007 kl. 07:44]

Hæ blómið mitt

Nú byrja ég alla morgna á að lesa bloggið þitt, getur einhvern vegin gert stólasamsetningu spennandi og skemmtilega?  Bíð spennt eftir bókinni.

Ég er án pössunar á sunnudag en okkur langar öllum að kíkja bara í smá stund og myndum bíða fyrir utan þar til húsið opnaði og fara áður en barnahatararnir koma. 

 Heyri í þér í dag

Knús,   þín Litla Ljót.

[Agný, 9.8.2007 kl. 10:43]

Kveðja frá kongens Köben í 25 stiga hita og sól.....

[Guðríður Haraldsdóttir, 9.8.2007 kl. 11:22]

Engum börnum verður úthýst, elsku Helga mín, þau fá kökur og mjólk eða gos og verða svo geymd inni á baði (DJÓK!!!) Hættu að kalla þig Litlu Ljót eða ég birti mynd af þér á blogginu mínu, vandræðalega mynd ... múahahhahaha! 

Kær kveðja í hitann í Köben, Agný! Hér er ekki svo slæmt veður heldur!  

Fjóla, ég verð þá bara að berjast við Mumma ... nei, nei, er alveg vitlaus í stráka!

[Kristín Katla Árnadóttir, 9.8.2007 kl. 11:31]

[Inga Lára (IP-tala skráð) 9.8.2007 kl. 12:24]

Elsku Gurrí, ég eeeeeelskaði að vera leynivinur þinn. Svooo gaman =) Ég var að prófa fídusa á myndavélinni minni, góð útkoma þarna að ofan. Bleik og falleg.

Bið að heilsa þér elsku besta =)

Þín,
Inga kLára

[Helga Arnfríður (IP-tala skráð) 9.8.2007 kl. 13:04]

Hey!  Þú byrjaðir,  þú sagðir alltaf;  "og þetta er Litla Ljót systir mín".

Krakkarnir verða sáttir á baðinu, aðalatriðið að ég hafi það gott.

[Guðríður Haraldsdóttir, 9.8.2007 kl. 14:14]

Það var af öfund, Helga, og hreinni afbrýðisemi af því að þú ert bæði yngst og fegurst! Þess vegna trylltist fólk alltaf úr hlátri þegar ég kallaði þig Litlu Ljót! Múahahahahah