Dularfulla teskeiðahvarfið og víðförult kaffi

Held að öll afmælisaðföng séu komin í himnaríki. Einarsbúð færði mér fullan kassa af vörum sem ég pantaði fyrr í dag. Þurfti m.a. að panta litlar plastskeiðar til að fólk geti skóflað upp í sig tertunum og þá er best að hafa þær allar mjúkar. Alla vega verða rúllubrauðterturnar mjúkar, ég geri þær annað kvöld. Rækju- og laxabrauðtertur. Ég skil ekki hvað hefur orðið af öllum teskeiðunum mínum og kökugöfflunum sem ég hef sankað að mér í gegnum árin. Best að spyrja kettina.

Anna kom fyrr í dag á eðalkagganum sínum með lánskaffikönnu + þrjá stóra brúsa í dag + afmæliskaffið sem hún sótti fyrir mig niður í Bankastræti. Aukaplastpoki fylgdi með og þegar ég kíkti ofan í hann sá ég kíló af lífrænt ræktuðu kaffi og kvittun um að þetta kaffi hefði verið greitt af konu nokkurri í Grafarholtinu. Ég hringdi strax í Kaffitár og komst að því að konan sú stóð við afgreiðsluborðið til að sækja kaffið sitt ... sem fannst ekki þrátt fyrir mikla leit þar sem það var á Akranesi! Víðförulla en gert var ráð fyrir. Anna ákvað bara að skutla kaffinu heim til konunnar á leið heim í Árbæinn og uppskar fyrir það mikið þakklæti Kaffitárs og konunnar í Grafarholtinu. Expressóvélin mín myndi ekki anna þessu kaffiþyrsta liði sem kemur á sunnudaginn og síðustu árin hef ég fengið lánaða hraðvirka og mjög góða könnu.

Athugasemdir

[Þröstur Unnar, 10.8.2007 kl. 22:51]

Er ekki búið að éta þessa tertu?

Það verður fjör í Himnaríki ef allir fá kaffið svona beint í æð, jíiiiisús. Bara ekki hleypa þeim á svalirnar, maður veit aldrei hvað svona utanágólf þola.

[Þröstur Unnar, 10.8.2007 kl. 22:55]

og þó, kannski rennur af þeim kaffivíman ef þau fá Kolmunna-ilminn, í reykpásu á svölunum.

[Saumakonan, 10.8.2007 kl. 23:00]

Ohhhh mig langar í Laxabrauðtertu!!!!!!!   *slurp*slef*ogalltþarámilli*

[Jenný Anna Baldursdóttir, 10.8.2007 kl. 23:01]

Ég spyr auðmjúklegast; verður afmælið að ári haldið á Kínamúrnum? Ég var með 150 manns þegar ég varð fertug, hélt það úti í bæ og kom ekki nálægt neinu.  Þú hefur fyrir þínum gestum.  Það er flott.  Þröstur það verður heilt reykherbergi fyrir þá sem reykja.  Muhahahahahaha!

[Ásdís Sigurðardóttir, 10.8.2007 kl. 23:21]

Ég varð svo svöng að ég er búin að strumpa í mig heilu prins polo meðan ég las bloggið.  Bestu kveðjur

[Guðríður Hrefna Haraldsdóttir, 10.8.2007 kl. 23:27]

Er eiginlega búin að ákveða að halda upp á stórafmælið að ári hérna heima ... en gera það sunnudaginn 10. ágúst!! Bregða aðeins út af vananum. Held að fleiri komist á sunnudegi en þriðjudegi. Kannski fæ ég einhvern til að aðstoða, helst ungan svein! Er orðin þreytt á að konum sé alltaf troðið í eldhúsið! Strákar eru sko með hendur og eru ferlega klárir í eldhúsverkunum. Þá er ég m.a. með duglega eldhússtrákinn í sumarbúðunum í huga. 

Þeir sem vilja laxabrauðtertu bara mæta ... þótt þeir búi langt í burtu! (elsku saumakerlingin mín og Ásdís!) 

[Katrín Snæhólm Baldursdóttir, 10.8.2007 kl. 23:43]

Vá hvað ég borðaði mikið af eplasneiðum þegar ég las þetta blogg Gurri mín....finnst mjög leitt að geta ekki komið í partýið hjá þér en verð þar í huga eða hjarta. Ef brauðterturnar hverfa fyrir framan nefið áveilsugestum þá er það örugglega mér að .....éta. Kenna.

Ég bara ELSKA brauðtertur og ætla að baka eina um helgina.

[Guðrún Jóhannesdóttir, 10.8.2007 kl. 23:59]

uuuummmmmmmmmmmmm brauðtertur

[Ragnheiður , 11.8.2007 kl. 00:21]

Þetta afmæli er að verða að stórviðburði bara....til hamingju með þetta allt saman

[krossgata, 11.8.2007 kl. 01:52]

Je minn!! Þessi mynd gæti verið af mér ef manneskjan væri aðeins útvaxnari á ýmsum stöðum, sérstaklega yfir brjóstkassann.  Og nú fer ég og fæ mér hrikalega margar Lindt súkkulaðikúlur með mjúkri fyllingu og rótsterkt espresso.  (Þetta þarna í æð er bara rétt til að blóðið renni).

[Andrés.si, 11.8.2007 kl. 01:56]

MIðað við myndir er örrugt að ég kem.  En þú veist það að ég get drukkið töluvert mikið af kaffínu.

[Dóli Flændi (IP-tala skráð) 11.8.2007 kl. 23:55]

Í öllum bænum, ekki skrifa expresso. það er gobbeldígúk og bull af verstu tegund.

...ég hætti að kaupa vissa kaffitegund þar sem það stóð expresso á pokunum af sömu ástæðu og ég myndi aldrei kaupa líftryggingu hjá tryggingafélagi sem auglýsti lívtryggjínngu. Ef þú getur ekki stafað það þá áttu ekki að selja það!

espresso |e?spres?| noun ( pl. -sos) strong black coffee made by forcing steam through ground coffee beans. ORIGIN 1940s: from Italian (caffè) espresso, literally ‘pressed out (coffee).’ USAGE The often-occurring variant spelling expresso —and its pronunciation |ik?spres?|—is incorrect and was probably formed by analogy with express.

[Guðríður Hrefna Haraldsdóttir, 12.8.2007 kl. 00:09]

Veit að það er skrifað upp á íslenskuna Expressó hjá Kaffitári! Hættu að rífa kjaft, frændi!