Uppgötvun!

Móður mína langar í tengdason. Ég komst að því, mér til mikillar kátínu, þegar ég mátaði afmælisgjöfina frá henni. Bolurinn leit nógu sakleysislega út en þegar ég var komin í hann blasti við mikil dýrðarsjón eða dýrindisbrjóstaskora ... sem er eitthvað sem siðprúð rúllukragapeysukona sér sjaldan nema á öðrum konum. Ég þarf að hagræða honum vandlega til að sjáist ekki í naflann á mér. Mamma ætti að vita að karlmenn láta ekki veiða sig á svona ódýran hátt. Þeir falla fyrir persónunni sjálfri ... 

Það er svo rólegt í himnaríki núna. Ekkert sjónvarp, útvarp eða tónlist, bara lætin í öldunum sem heyrist í þrátt fyrir lokaðan glugga. Finnst líklegt að fluguófétið liggi í leyni og bíði þess að ég gleymi mér og opni. Það er ekki á dagskrá strax. Líklega ætti ég að hlaupa snöggvast niður og sækja Moggann og kíkja á greinina hennar Guðrúnar Völu. Hver skyldi fyrirsögnin vera: Sæt á Skaganum? Alvöruþrungið afmælisbarn? Stórkostleg strætóterta? Sprækar mæðgur? Kökusjúkir kettir? Best að gá.  

Athugasemdir

[SigrúnSveitó, 13.8.2007 kl. 16:53]

Langisandur var æði um eitt leitið...sástu mig hlaupa?

[Ásdís Sigurðardóttir, 13.8.2007 kl. 17:51]

Greinilegt að lífið hefur leikið við þig um helgina. Yndislegt þegar allt gengur upp og hvað er betra en góðir vinir og fjölskylda. Gaman að sjá myndirnar í blaðinu í morgun.   Knús til þín í uppvaskið.

[Guðríður Haraldsdóttir, 13.8.2007 kl. 17:57]

Ja ... snilldin er svo mikil, Ásdís, að ég fleygði bara öllum borðbúnaði ... þetta voru pappadiskar og -glös! Afskaplega lítið uppvask. Eiginlega bara ekkert. 

Þú hljópst flott eftir Langasandinum, Flórens mín! Vissi að ég þekkti þetta glæsikvendi ... 

[Anna Ólafsdóttir (anno) (IP-tala skráð) 13.8.2007 kl. 18:15]

Til hamingju með gærdaginn og greinina í Mogga  Ég get svo svarið að mér fannst meira að segja ég líka vera fræg eitt andartak meðan ég las greinina í Mogganum. Benti nottla fólkinu mínu á greinina: Ég þekk´ana! Þetta er sko bloggvinkona mín! (montkarl) og

[Ingibjörg R Þengilsdóttir, 13.8.2007 kl. 18:23]

Það er reyndar kominn þrettándi ágúst, en ég ætla nú samt að óska þér til hamingju með afmælið þitt í gær, ég hef verið á leiðinni til þín í nokkur ár og kem örugglega, sérstaklega þegar ég flyt í Perluhvamminn minn á Álfsnesinu (Kjalarnesi) þá verður nú stutt á skagann.

Þú nærð mér líka næst

kveðja

Ingibjörg Þ 

[Guðríður Haraldsdóttir, 13.8.2007 kl. 18:26]

Það er nú eiginlega skyldumæting næsta ár ...

Þarf að leiðrétta eitt úr greininni í Mogganum, börn fengu sérstaka undanþágu til að koma í ár og fá líklega að koma svona þriðja, fjórða hvert ár í framtíðinni af því að ég bý í stærri íbúð en áður. Ein lítil vinkona mín sagði mér hreykin að hún hefði borðað miklu meira en 10 sneiðar af brauðtertu ... hahahha, ekki skrýtið þótt hratt hafi gengið á birgðirnar og síðustu gestirnir ekki fengið neitt. Svo svíður alltaf sárt þegar þessir krakkaormar taka alla athyglina frá afmælisbarninu.

[Guðríður Haraldsdóttir, 13.8.2007 kl. 18:28]

Já, takk, og þá verður nú stutt að koma á Skagann. Mikið er gaman að þið ætlið að flytja í menninguna! Hlakka til að ná þér í aldri, Ingibjörg!

[Jenný Anna Baldursdóttir, 13.8.2007 kl. 19:32]

Ég þarf að fara og leita að blaðmogga.  Ekki á hverjum degi sem einhver sem mar þekkir er í blöðunum.  Ójáþ

Skrifaði færslu þér til heiður, fékk taugaáfall og höfnunartilfinningu yfir að hún skyldi fara fram hjá yður, en þar sem ég er haldin bloggmaníu, sem sumir vilja meina að sé mín nýja fíkn (fíbbl og hálfvitar) rann hún yfir á næstu síðu, áður en þér gátuð borið hana augum.  Svona getur lífið sökkað.

[Guðrún Vala Elísdóttir, 13.8.2007 kl. 19:35]

úps gat nú verið að ég hefði klúðrað einhverju. Má ég samt koma í afmælið að ári?

[Guðríður Haraldsdóttir, 13.8.2007 kl. 19:47]

Heheheh, já mín kæra GVE, svo sannarlega.

Ég sá þetta, elsku Jenný, roðnaði af gleði og fannst þetta svo mikill heiður, datt út út tengingu eins og vanalega þegar ég ætla að kommenta og svo flaug þetta út úr annars greinda hausnum á mér ... eins og í gær þegar ég fór að leita að kisunum fyrir Eddu bloggvinkonu, mundi það í gærkvöldi þegar allir voru farnir að eitthvað hafði truflað mig frá því, kannski gestirnir ... ég er ekki í sambandi stundum. Takk fyrir heiðurinn, ljósið mitt!

[Edda Agnarsdóttir, 13.8.2007 kl. 20:28]

Aha ég klappaði þeim inni í stofu - þær komu bara til mín hver á eftir annari alveg eins og ég hafi sent þeim hugskeyti! Þær eru súper flottar.

[Jenný Anna Baldursdóttir, 13.8.2007 kl. 20:38]

Bömmer þegar gestirnir taka svona athyglina frá skylduverkunum.  Hehe

[erlahlyns.blogspot.com, 13.8.2007 kl. 21:40]

Til hamingju með ammælið (í gær!)

[Guðný Anna Arnþórsdóttir, 13.8.2007 kl. 21:49]

Gaman að Moggagreininni, loksins eitthvað almennilegt í Mogganum, þ.e. annað en bloggið....  Langar enn í terturnar. Sérstaklega elsku Þrúðu.

[www.zordis.com, 13.8.2007 kl. 22:01]

Var að fletta í gegn um myndaalbúmið!  Girnilegt veislufang og yndislegt veisluhald!  Ég svaf til að verða hálfellefu þér til heiðurs í morgun .... Nú styttist í næsta áfanga en njóttu þess sem er í millitíðinni! 

[Kristín Katla Árnadóttir, 13.8.2007 kl. 22:03]

ÆI elsku Gurrí ég elska sjóinn þar sem er fætt rétt hjá sjó og ólst þar upp þagnar til að flutti til. Reykjarvíkur og þá á Framnesveg.

[Jóna Á. Gísladóttir, 13.8.2007 kl. 22:06]

Rosalega klæðir bolurinn þig vel. Mamma þín veit greinilega hvað hún syngur. Ég sé líka á myndinni að þú hefur látið lita ljóst á þér hárið og sprauta mjaðmafitu í varirnar.

[Halla Rut , 13.8.2007 kl. 23:24]

Þú ert ekkert smá flott í bolnum. Þetta á pottþétt erfir að virka.

[Laufey Ólafsdóttir, 14.8.2007 kl. 05:11]

Ég er sammála Jónu og Höllu Rut um að bolurinn fer þér vel. Karlmenn eru svo voðalega blindir. Kona þarf að hreinlega veifa persónuleikanum framan í þá. Þinn sést afar vel í þessum bol. Alveg skín í gegn. Sniðugar þessar mömmur.  

Aftur til hamingju með gærið. Ég þarf greinilega að glugga í mogganum á morgun.

[Sigurður Hreiðar, 14.8.2007 kl. 09:18]

Er ekki í lagi með naflann, eða hvað?

Annars ætlaði ég bara að segja til hamingju með ammilið, Gurrí mín. Mér fallast bara alltaf hendur þegar ég sé hve margar athugasemdir eru komnar hjá þér. Í fyrsta lagi verð ég alltaf feiminn innan um svona margar konur, eins og þú veist, og í öðru lagi er þetta líkast því þegar maður var að knékrjúpa bankastjóra í gamla daga -- ef maður var númer tíu í röðinni eða aftar var vonlaust að fá áheyrn.

Farðu strax að baka fyrir fimmtugsammilið, settu það bara í frystikistu. Svo geturðu gert það sem þér sýnist, fimmtug í fullu fjöri. Ef þú ætlar ekki bara að halda áfram að vera 49. Mér heyrist að sumar geri það í nokkur ár. Alveg þangað til naflinn fer að krumpast…

Mbkv.

SHH

[Rebbý, 14.8.2007 kl. 11:10]

Mömmurnar kunna að koma skilaboðunum pent áleiðis   hahahahaha