Yfirsof og kossar í morgunsárið!

14.8.2007 | 09:53

Yfirsof og kossar í morgunsárið!

Mikið er gaman að vera komin í elsku vinnuna. Næstum allir karlmennirnir sem vinna með mér hafa kysst mig á kinnina í morgun og tautað eitthvað. Ég hlusta ekki á það sem þeir segja, nýt bara kossanna. Vona að þetta tengist útlitinu eða persónunni, ekki afmælinu! Er þó ekki í kynþokkabolnum frá mömmu. Maður mætir helst ekki gærulegur í vinnuna, enda er ekki alltaf snjallt að blanda saman starfi sínu og ánægju. Ansi tímafrekt!

Svaf yfir mig um klukkutíma í morgun og var svo heppin að næsti strætó (kl. 7.41) fór líka alla leið í bæinn, eins og fyrsta ferð, í stað þess að fleygja farþegunum út í Mosó. Hoppaði út við Vesturlandsveg og nú var engin Sigþóra til að halda aftur af mér upp Súkkulaðibrekkuna ... (DJÓK!).

Meginflokkur: Bloggar | Aukaflokkar: Dægurmál, Lífstíll, Vinir og fjölskylda | Facebook

Athugasemdir

Þú ert alltaf næs.

Kristín Katla Árnadóttir, 14.8.2007 kl. 10:05

Ojjj... ertu ekki öll í slefi á öxlunum????

Katrín Snæhólm Baldursdóttir, 14.8.2007 kl. 10:14

alltaf svo gaman að fá athyglina og kossar í kaupbæti eru ekki leiðinleg ábót

Rebbý, 14.8.2007 kl. 11:03

Ekki eru þetta gaurarnir í vinnunni þinni? O þú þarna í miðjunni? Annars, til hamingju með daginn um daginn. Hefði litið við ef ég hefði vitað af teitinu

Bragi Einarsson, 14.8.2007 kl. 11:07

Alltaf gott að fá kyssinga á kinnar! Svona verður maður afslappaður með aldrinum, sefur bara yfir sig eins og ekkert sé!

Guðný Anna Arnþórsdóttir, 14.8.2007 kl. 11:16

Alltaf gaman að láta kyssa sig, þrátt fyrir slef á öxlum, en þetta gerist bara einu sinni á ári. Ég reyni að plata strákana í jólakoss eða koss í tilefni af bolludeginum ... nei, fæ bara afmæliskossa! Samantekin ráð, samráð, ætti að kæra ...

Guðríður Haraldsdóttir, 14.8.2007 kl. 12:27

Það er einn galli við bollukossin. Þá er slefið rjómablandað.

Það er allt að verða vitlaust í könnuninni, engin smá spenna.

Bestu kveðjur frá Kalla Tomm úr Mosó.

Karl Tómasson, 14.8.2007 kl. 12:55

Njóttu kossanna og mundu svo að mæta í nýja bolnum frá mömmu í jólapartýið, þá er ég nú hrædd um að einhver slefi leki niður lautina þína. hehe

Ásdís Sigurðardóttir, 14.8.2007 kl. 13:33

Sendu mér póst á palinab@simnet.is með subject: Prufupakki og þú færð sent frítt lífsstílsmat og prufupakka. Alger snilld fyrir þá sem þora að prófa góða næringu! Kv. Pálína

Pálína (IP-tala skráð) 14.8.2007 kl. 14:54

Njóttu Gurrí mín. Njóttu.

Jóna Á. Gísladóttir, 14.8.2007 kl. 15:15

Já, þetta eru ansi huggulegir strákar sem vinna með mér, svo eru þeir næs líka, þurfti ekki að pína nema hluta þeirra til að kyssa mig! Já, ég nýt þess, Jóna!

Guðríður Haraldsdóttir, 14.8.2007 kl. 16:44

Ég myndi nú kyssa þig á munninn, er bara þannig upp alin,þó ég viti líka að mikill sannleikur liggi í eftirfarandi afbragðslínum! (og ætli strákarnir þínir viti það ekki líka!?)

Kysstu aldrei mann á munninn,

magnast getur náttúran.

Það er of seint að byrgja brunninn,

þegar barnið er dottið on´í hann!

Og uppástunga!

Skella sér í bolinn bara í sólböðin úti á svölum!?

Magnús Geir Guðmundsson, 14.8.2007 kl. 17:04