Aðstoðarritstýran rasar út ...

24.8.2007 | 08:42

Aðstoðarritstýran rasar út ...

Best að blogga núna í morgunsárið en að ætla að gera það síðar í dag, í matartímanum eða eitthvað. Það er bara bjartsýni að halda að það sé hægt ... á föstudegi. Vinnudagurinn skellur á með fullum þunga um níuleytið, þá opnar síminn og friður verður lítill. Dagurinn var ansi erfiður í gær, enda dreif ég mig snemma í rúmið. Fékk svo far í morgun með unga manninum á Prentmets-bílnum frá Mosó og hingað - það var ansi notalegt. Aukarútan er byrjuð að ganga frá Akranesi og Haffi bílstjóri elti okkur alla leið í bæinn. Hann tók farþegana á Kjalarnesi upp í og kannski Karítas í Mosó-brekkunni. Búist er við metfjölda farþegar frá og með mánudegi og þá geri ég ráð fyrir að fá ekki framar að sjá yndislegu karlana mína á sætukarlastoppistöðinni, Haffi tekur þá mögulega í allan vetur! Til að leiðrétta misskilning um að Strætó bs standi straum af kostnaði við ferðirnar frá Skaganum vil ég benda á að elsku bæjarstjórnin okkar á Skaganum pungar út milljónum á milljónir ofan til að við fáum þessa þjónustu. Skilst að Strætó bs. borgi okkur síðan fyrir að þjónustu t.d. 116 Reykjavík ... eða Kjalarnesið, í leiðinni.

Tók út það sem ég skrifaði um nýjustu Vikuna. Það misskildist sem grín en var alls ekki meint þannig.

Jæja, hafið það tryllingslega gott í dag. Ég er farin að vinnnnnnnna.

Meginflokkur: Bloggar | Aukaflokkar: Dægurmál, Ferðalög, Vinir og fjölskylda | Breytt s.d. kl. 12:48 | Facebook

Athugasemdir

Ja, stelpa. Nú verð ég að drífa mig út í búð og kaupa VIKUNA. Eigðu góðan dag ljúfan mín.

Ásdís Sigurðardóttir, 24.8.2007 kl. 08:48

þú hefur gert mig forvitna. Kíki á Vikuna

Jóna Á. Gísladóttir, 24.8.2007 kl. 08:54

Asskoti ertu góður sölumaður, nú verð ég að eignast þetta eintak af kvennablaðinu. Geturru ekki "misst" eitt eintak úr krókódílaveskinu á stoppistöðinni á Garðabrautinn í kvöld?

Neee bara að djóka, skal alveg splæsa í eintakið sjálfur og sleppa skyrinu í fyrramálið.