Vangaveltur úr vélasalnum ...

„Hvers vegna hefur engum dottið í hug að finna upp hljóðlausa borvél?“ spurði yfirmaður minn og dæsti.

Núna akkúrat standa yfir háværar breytingar í salnum hér í verksmiðjunni og mér sýnist að búa eigi til millivegg til að við stelpurnar í kókosbolludeildinni þurfum ekki lengur að klofa yfir strákana í súkkulaðibuffinu á leið okkar í mat og kaffi. Jamm. Meðfylgjandi mynd, sem er stolin af vefnum hennar Hildu systur, www.sumarbudir.is sýnir einmitt krakkakrútt sem stóð sig svona líka vel í kókosbolluboðhlaupinu.

Það styttist óðum í heimferð, Inga er á leiðinni og saman ætlum við upp á Skaga með smáviðkomu hinum megin á landinu, eða í Kaffitári Bankastræti! Ætla að reyna að lenda í æsilegum ævintýrum á leiðinni.

Athugasemdir

[Ásdís Sigurðardóttir, 10.9.2007 kl. 15:22]

Jónína segir að Mikael hafi verið rekinn vegna forsíðufréttar í Séð og Heyrt. Er þetta ekki bara bull eða hvað?

[Anna Ólafsdóttir (anno) (IP-tala skráð) 10.9.2007 kl. 16:35]

Æi - nú langar mig í kókosbollu og Lindubuff  (allavega miklu meira í það heldur en hljóðlausa borvél)

[Kristín M. Jóhannsdóttir, 10.9.2007 kl. 17:40]

OK Gurrí. Það er algjörlega bannað að setja myndir af kókosbollum á vefinn, nema þú sendir mér eina kókosbollu fyrir hverja mynd - nei höfum það einn kassa af kókosbollum fyrir hverja mynd.  

[Guðríður Hrefna Haraldsdóttir, 10.9.2007 kl. 18:08]

Ásdís, það var nú ekki rétt að Mikki hafi verið látinn hætta, hann tók þá ákvörðun sjálfur og tengdist víst í engu forsíðu Séð og heyrt. Von að þú spyrjir! Við hefðum alveg örugglega frétt það. 

Mun ekki birta myndir af kókosbollum framar, var búin að gleyma elsku útlendingunum mínum sem sárkveljast þar sem kanadískar eða breskar sjoppur selja ekki slíkt góðgæti! Ummm, mig langar líka í kókosbollu. Og Lindubuff.  

[Jenný Anna Baldursdóttir, 10.9.2007 kl. 19:21]

Mig langar ekki í kókosbollu en ég myndi þiggja eins og eitt Lindubuff.

Borvél?? Hm..

[Ásdís Sigurðardóttir, 10.9.2007 kl. 20:01]

Sniðugt (not) hjá JB að setja fram svona fullyrðingar um Mikka þinn og leyfa svo ekki komment. Hún kann sig.

[Guðríður Hrefna Haraldsdóttir, 10.9.2007 kl. 20:15]

Ef þetta er rétt þá væri búið að reka tvo útvarpsmenn af Bylgjunni þar sem umræðan hófst, minnir mig. Þetta hlýtur allt að koma í ljós fyrr eða síðar. Alla vega hef ég ekki heyrt annað en að hann hafi kosið að hætta sjálfur. Held að Jónína hafi ekki verið að fullyrða neitt, frekar leiða að því getum, ég skildi það alla vega þannig. Alltaf gaman að kenningum, stundum eru þær réttar og stundum ekki.