Söndei, bjútí söndei ...

Mikið er þetta eitthvað ljúfur sunnudagur. Ljúft var að vakna með Margréti Blöndal (Rás 2) sem spjallaði við strákana í Sniglabandinu (hljómsveit) og horfa síðan á hádegisfréttir Stöðvar 2 sem er algjör skylda á þessu heimili um helgar. Held að ég gleymi því allt of oft að ég er með Sky News. Já, og svo hef ég djúpstæðar áhyggjur af því að erfðaprinsinum finnst Fox News svo skemmtileg fréttastöð. Þori ekki að spyrja hann um álit hans á George W. Bush. Hrædd við svarið. Alltaf ríkir þó mesta spennan yfir veðurfréttunum og Soffía stormur brást ekki frekar en fyrri daginn. Morgundagurinn verður athyglisverður og gæti komið sterkur inn varðandi tilvonandi hjúskaparmál okkar Ingu (tengist björgunarsveitamönnum)!

Biðina fram að Formúlu (kl. 15.30) ætla ég að gera bærilega, horfa á háværu, litlu en fallegu öldurnar, klappa köttunum til skiptis og vera með latte í annarri og spennubók (Horfinn eftir Robert Goddard) í hinni. Búin með fyrstu tvo kaflana og er mjög hrifin só far. Þegar bók grípur mann strax án þess að nokkuð spennandi sé farið að gerast ... hvernig verður hún þá þegar allt fer á fullt?

Svona eiga sunnudagar að vera.  

Athugasemdir

[Jenný Anna Baldursdóttir, 21.10.2007 kl. 13:09]

Arg ég gleymi alltaf hádegisfréttunum á Stöð 2 og ég elska Fox News.  Mér finnst svo gaman að láta pirra mig

Jón Valur er ruddalega góður í kommentinu hér fyrir ofan mig og nú spyr ég eins og fávís kona.  Er spáð stormi á morgun?

[Guðríður Hrefna Haraldsdóttir, 21.10.2007 kl. 13:11]

Jón VALUR? ARGGGGG! Þú meinar Jón Arnar. Já, hann er alltaf ruddalega góður í kommentum sínum! Já, heilmiklu hvassviðri með rigningu er spáð á morgun, veður sem Inga elskar. Hún ætti að vera í björgunarsveit og bjarga sætum körlum. 

[Þröstur Unnar, 21.10.2007 kl. 13:13]

Dem, hvað verður þá um okkur hina karlana.

[Guðríður Hrefna Haraldsdóttir, 21.10.2007 kl. 13:15]

Inga er svo góð að hún myndi líka bjarga ljótum körlum! Múahahahahaha

[Jenný Anna Baldursdóttir, 21.10.2007 kl. 14:48]

Ég dey, Guðríður.  Hvernig get ég kallað hann Jón Arnar, Jón VAL!!!!!!!!!!!!!!! Ég er með mannfjárann á heilanum.

[Jóna Á. Gísladóttir, 21.10.2007 kl. 20:48]

Eg vona að dagurinn hafi verið akkúrat eins og þú vildir hafa hann Gurrí mín. Ég vona líka að Jenfo hafi lagt sig í dag

[Ragnheiður Ástvaldsdóttir (IP-tala skráð) 21.10.2007 kl. 20:52]

Fátt betra á sunnudegi en gott kaffi og góð bók. Spennandi tímar fram undan, fullt af nýjum bókum til að lesa.

[Marta B Helgadóttir, 21.10.2007 kl. 21:09]

Mér finnst yndilegt og næstum ómissandi að hlusta á þættina hennar Margrétar Blöndal á sunnudagsmorgnum.

[Hrönn Sigurðardóttir, 21.10.2007 kl. 21:38]

Ég svaf nú bara á mitt græna....

.....enda tiltölulega nýsofnuð þegar þátturinn var 

[Jensen (IP-tala skráð) 21.10.2007 kl. 21:56]

En var maddama Gurrý sátt með úrslitin í Gormúlunni,hringur,hringur og hringur.

(uhhhh,formúlu-hringur)    () 

[Glúmur Gylfason (IP-tala skráð) 21.10.2007 kl. 22:14]

Er Gurrí í nr. 5  að misskilja Þröst í nr. 4?

Hvað verður um karlana þegar konur eru farnar að "elska" veður og Fox News?

Þessi enska notkun á sögninni að elska gengisfellir hana um 90 % 

[Guðríður Hrefna Haraldsdóttir, 22.10.2007 kl. 07:44]

Sko, þarna Glúmur! Þegar maður hefur engan karl til að elska verða kettir, veður, sjónvarpsþættir, ryksuguróbótar og slíkt fyrir barðinu á manni í staðinn. Iss, þetta er bara ORÐ!!!

Já, Jensen, ansi sátt bara. Svo er Gurrí ekki skrifað með Ý, þarna fauskurinn yðar!

[Glúmur Gylfason (IP-tala skráð) 22.10.2007 kl. 08:27]

Snjallt svar!