Spennandi lækningaaðferðir og trúarrit himnaríkis

Það var nú bara sól og blíða þegar ég kom á Skagann í dag en skömmu síðar skall á klikkað haglél. Öldurnar gleðja sem aldrei fyrr með fallegum skvettum. Erfðaprinsinn er eitthvað slappur, eiginlega bara veikur, og reynir ákaft að lækna sig með því að horfa á hryllingsmynd um morðóðar vúdúdúkkur. Athyglisverð aðferð. Þegar ég segi að drengurinn sé fullkominn þá er ég ekki að tala um kvikmyndasmekk hans.

 --------        -----------         -----------          ------------

Gott var að komast snemma heim, enda vaxandi höfuðverkur að plaga frúna. Er að hugsa um að lækna hann með nuddtæki á herðar, hitakremi, góðri bók og já, ekki má gleyma: Himalaya-kristal sem ég legg á ennið og kyrja nokkrar möntrur á meðan ég skelli götóttri árunni í þvottavél.

 -------        ----------          ----------

Elskan hann Elli keyrði strætó heim á Skaga og það var sannarlega heimilislegt að sjá hann loksins. Heilmikil umferð var á leiðinni, enda fyrsti vetrardagur á morgun og því síðasti séns fyrir fólk að fara í tjaldútilegu í sumar.
Ég mun ekki pakka niður léttu sumarkjólunum mínum fyrr en á miðnætti í kvöld. Hér á bæ er trúað heitt á almanak Þjóðvinafélagsins og þótt því sé breytt og það endurútgefið á hverju ári breytir það engu fyrir mig. Því skjátlast t.d. aldrei í sambandi við hluti á borð við flóð og fjöru eða sólarupprás og sólarlag. Í himnaríki verður sem sagt sumar þangað til almanakið segir mér að kominn sé vetur ... og hananú! Mikið verður annars gott að fá trefil og vettlinga með út á stoppistöð á mánudaginn.

Athugasemdir

[Guðrún Jóhannesdóttir, 26.10.2007 kl. 18:36]

frábært að geta skellt árunni í þvottavél :) og góða farðu vel með kristalinn hehehehe. Heyrði ekki þetta viðtal,  ég er nú svosem ekki neinn sérlegur "Solluaðdándi" en hún hefur sannarlega ýtt við okkur með hollum og góðum mat stelpan,  það má hún eiga.

Sumir eru nú bara þannig innréttaðir að þeim finnst best að hlægja á annarra kostnað og þá sennilegast af því að þeir öfunda viðkomandi dálítið

Góða helgi frú Guðríður Himnaríkisfrú

jólaleg myndin hérna til hliðar hjá þér, af húsinu í snjónum

[Ásdís Sigurðardóttir, 26.10.2007 kl. 19:03]

Heim í heilu lagi, gott að vita það. Það er þá bara slökun um helgina í Himnaríki ekki satt?? Vona að prinsinum batni.

[Jenný Anna Baldursdóttir, 26.10.2007 kl. 19:58]

Þú ert að æsa upp í mér jólabarnið í hvert sinn sem ég voga mér hér inn.  Annars vona ég að höfuðverkurinn sé á undanhaldi og prisinn í góðum bata

[Sigþóra Gunnarsdóttir (IP-tala skráð) 26.10.2007 kl. 20:25]

Hæ dúllan mín mikið var notalegt að heyra í þér í gær þegar þú varst að hugsa til mín í regni og roki hangandi á staurnum hjá Shell á Vesturlandsveginum. Já það hefur sko verið gott fyrir þig að komst snemma heim í dag þó það væri föstudagur. EG fékk sko far með honum KIdda heitir hann það ekki annars ???? hahahahahahhaaa jú ég held það Heimir skilaði mér snemma og vel í morgun saknaði þín þurfit að sitja frekar aftarlega að mér fannst þurfti að biðja Hlina að kalla í Heimi svo að hann mydi eftir mér að sjálfsögðu gerði hann það þessi elska. Sakna Tomma HVAR ER TOMMI ?????????

Sjáumst

[Sigþóra Gunnarsdóttir (IP-tala skráð) 26.10.2007 kl. 20:27]

Sjáumst á mánudaginn með trefil og í GAMMASÍUM eða eru það GAMMÓSÍUR ?????

Hafðu

[Guðný Anna Arnþórsdóttir, 26.10.2007 kl. 23:11]

Sko, elsku Gurrí. Það er líka misviðrasamt hér í höfuðborg lýðveldisins. Ég hafði ekki fyrr makað á mig faktor 40, smokrað bikiníinu á rétta staði (= rúlla brjóstum og rasskinum inní doppóttar dulur...), sett upp DG gleraugun og tóbaksklútinn á hausinn og lagzt út í 40 stiga hita (næstum, sko), en að ég þurfti að hlaupa inn með regnhlífina og setja niður sólhlífina á svölunum, svo hún fyki ekki til Færeyja, - en semsé, að það var komin norðaustan landátt með hraglanda og hviðum.  Ójá, svona getur þetta verið.

[Steingrímur Helgason, 27.10.2007 kl. 01:53]

Ég dreg nú upp þvottapoka fyrir aðferðarfræði drengsins.  Það er ekkert hollt fyrir hann að þurfa að hanga í þessari ásköpuðu regnroknepju innann um verulega ófrítt kvenfólk frá skipaskaga alla daga.

Viltu virkilega að drengurinn verði þunglyndari ?   Er þér einhver spurn um kví hann velur sér kvikmyndir af þessu tagi ?

S

[Lísa sí unga (IP-tala skráð) 27.10.2007 kl. 11:26]

Hæ hæ Gurra!

Rakst á síðuna þína gaman að skoða.

sendi kveðju til allra Kær kveðja Lísa á Akureyri

[Jóna Á. Gísladóttir, 27.10.2007 kl. 13:36]

Vona að áran sé hrein og heil og hausverkurinn hafi liðið í burtu yfir nóttina. Knús til þín á fallegum laugardegi