Í dag er glatt í þakklátum hjörtum ...

Spölur reyndi án árangurs að nappa okkur Ástu fyrir of hraðan akstur í göngunum og voru búnir að setja upp þriðju myndavélina! Allt kom fyrir ekki, við fórum ekki yfir 70! Lentum líka í svívirðilega spennandi ævintýri á leiðinni ... rúðupissið kláraðist og salt flæðandi yfir framrúðuna. Við hefðum alveg eins getað verið með lokuð augun þessa metra sem voru að næstu bensínstöð. Á bensínstöðinni var Georg Bjarnfreðarson að vinna (þetta skilja þeir sem horfa á Stöð 2 á sunnudagskvöldum). Af því að við vorum svo fáránlega sætar hreytti hann ekki miklu í okkur, bara því að fólk notaði almennt of mikið rúðupiss. Við vorum svo þakklátar og glaðar í hjörtum okkar ...  Ásta fyrir að eiga ekki svona mann og ég fyrir að eiga ekki mann.

Ég var langfyrst í vinnuna, komin um 7.40, og dúllaði mér við að „skipta á“ kaffikönnunni (henda bláa pokanum með korginum, bæta við kaffibaunum og solles) og til að losna nú við allt sull henti ég rörinu af öllum litlu G-mjólkurfernunum svo að fólk noti nú skærin til að opna fernurnar ... Mér finnst þetta bara eðlilegt. Það fer alltaf jafnmikið af G-mjólkinni útfyrir eins og fer í bollann og það er pirrandi ...

Hafið það svo hrikalega gott í dag, „isskurnar“, og njótið þess í tætlur að drekka morgunkaffið ... morgunteið ... morgunkókómjólkina ... hvaðeina sem kemur ykkur í gírinn.

Athugasemdir

[Þröstur Unnar, 29.10.2007 kl. 09:01]

Takk sömmleiðis frú mín góð.

Verð að fá mér sjálfvirkandibaunamölunarkaffikönnu.

Þetta er náttúrulega alveg óþolandi hvernig fólk gengur um G-Mjólkina, og yfirleitt allar G-vörur.

[Guðríður Haraldsdóttir, 29.10.2007 kl. 09:06]

Heheheh, gjörsamlega óþolandi. Veit ekki hvernig þessi vinnustaður væri útlits (örugglega doppóttur af mjólk) ef ekki væri fyrir mig ...  Mæli með espressóvél frá Einari Farestveit ... Saeo Vienna heitir mín og hún er æði, æði, æði!!!

[Fjóla Æ., 29.10.2007 kl. 09:15]

MMM mér finnst kaffi gott. Skil feginleika þinn þegar þú talar um Georg. Ég er líka fegin að Mumminn minn er ekki líkur honum. Þá væri hann sennilegast ekki heldur Mumminn minn.

Eigðu frábæran dag í skvettulausu umhverfi.

[Steingerður Steinarsdóttir, 29.10.2007 kl. 09:49]

Sömuleiðis Gurrí mín, hafðu það svívirðilega gott í alla staði og í bak og fyrir.

[Guðríður Haraldsdóttir, 29.10.2007 kl. 10:00]

Takk, sömuleiðis. Vona reyndar að allir hafi tekið eftir aðalatriði bloggfærslunnar: ÞAÐ ERU KOMNAR ÞRJÁR MYNDAVÉLAR (í stað tveggja) HVALFJARÐARGÖNGIN, EÐA SEX ALLS (í stað fjögurra)! Látið ekki nappa ykkur á leiðinni í heimsókn til mín, heldur akið á löglegum hraða, elskurnar!

[krossgata, 29.10.2007 kl. 10:19]

Spölur leggur mikið á sig að reyna að hanka þig, þennan stutta spöl.   Ég var að fá mér kaffi hjá henni Möngu hérna í vinnunni.  Hún er svona sjálfmalandieðalkaffivél.  Ég vil ekki menga kaffið mitt með mjólk og er ekkert að spá hvort slíkur óþarfi og kaffieitur sé til.

Skál (í kaffi auðvitað) fyrir deginum!

[Ásdís Sigurðardóttir, 29.10.2007 kl. 11:48]

Las fyrirsögnina áðan og nú klingir stanslaust "í dag er glatt í döprum hjötrum " allt lagið og verður sjálfsagt þannig í dag. Skál í G-streng, eða flokkast hann ekki undir G-vörur?  Eigðu góðan dag í blíðunni.

[Jenný Anna Baldursdóttir, 29.10.2007 kl. 12:40]

Gurrí ´sskan, get ekki orða bundist (ekkert nýtt svo sem þar á ferð) en er þetta með rörin og G-mjólkina soldið svona Georgsbjarnfreðarsonslegt?? Muhahaha!!

Njóttu dagsins mín kæra og farðu varlega í göngunum ljótu og löngu

[Guðríður Haraldsdóttir, 29.10.2007 kl. 13:16]

Jú, Jenný, alveg hryllilega. Skil ekki hvað ég á jákvæða bloggvini. Bjóst við: Vá, hvað þú verður leiðinlegt gamalmenni! Þú ert klikkuð! osfrv en enginn kveikti á þessarri klikkun. Tek það fram að það er ekkert sull við kaffivélina núna! Allt mér að þakka addna! Vona að þú hafir öðlast jólaanda (Í dag er glatt ...) í þessarri færslu, eins og Ásdís, múahahaha! Skál í kaffi, krossgata!

[Kristín Katla Árnadóttir, 29.10.2007 kl. 18:17]

Takk fyrir mig elsku Gurrí mín.

[Jenný Anna Baldursdóttir, 29.10.2007 kl. 21:55]

Hahahaha, think you smery smuch er að kafna úr chrismtsmas spirit.

[Anna Ólafsdóttir Björnsson, 30.10.2007 kl. 00:49]

Lenti í svona rjómasprautuuppákomu á bæjarskrifstofunum í dag, karlmaður að poppa mjólkina fyrir mig, fórnaði sér, svo ég lenti ekki í að sprauta G-mjólk upp um alla veggi. Fallega gert, og fín mjólk, það sem lenti í bollanum mínum á endanum.