Grænmetisrétturinn góði

3.12.2007 | 23:16

Hér kemur loksins uppskriftin, eins og ég man hana frá Áslaugu vinkonu. Held samt að það megi nota alls kyns grænmeti, einu sinni setti ég einn chili-pipar með fræjum og öllu með og það var líka voða gott.

1 stór sæt kartafla (eða 2-3 minni)
2 laukar
½ sellerírót
2 stórir pipar-belgir(fást 2 saman í pakka í Einarsbúð)
1 stk. fennel
3 hvítlauksrif (eða fleiri)

Skerið allt niður í frekar litla bita og setjið í ofnfast mót. Kryddið með timian, Muldon-salti og svörtum pipar eftir smekk. Hellið vænu dassi af góðri ólífuolíu yfir.

Setjið inn í 220 °C heitan ofn, hrærið í þessu af og til og hellið ólífuolíu ofan á eftir því sem tilfinningin segir til, ég bætti einni gusu við, enda sparaði ég ekki olíuna í upphafi. Þetta þarf um 40-50 mínútur í ofninum. Það er allt í lagi, eiginlega bara betra, ef það er örlítið brennt ofan á, betra að hafa hitann hærri en lægri.

Þetta dugði fyrir fimm manns, held ég, það kláraðist hver arða! Smakkaðist afar vel með kjötinu og ferska salatinu.

Gjössovel, Jenný mín, Siggi og fleiri!!!

Meginflokkur: Bloggar | Aukaflokkar: Lífstíll, Matur og drykkur, Vinir og fjölskylda | Facebook

Athugasemdir

Takk honní, verður gerður á morgun

Jenný Anna Baldursdóttir, 4.12.2007 kl. 00:49

Ætli þetta fari vel með maríneruðum svínakótilettum? Sem matgæðingur verð ég eiginlega að prófa, þar sem þetta hljómar alveg svakalega vel. Og nú er ég orðin svöng.

Er einhversstaðar hægt að kaupa jömmur og fennel klukkan hálf tvö um nótt?

Tinna Gunnarsdóttir Gígja, 4.12.2007 kl. 01:35

Er þetta semsagt meðlæti - ekki aðalréttur...???

Lára Hanna Einarsdóttir, 4.12.2007 kl. 02:35

takk Gúrrí, á örugglega eftir að prufa þennan rétt, og jú hann er örugglega góður með svínaeitthvað ef maður borðar þvílíkan mat. Fyrir þá sem vilja nota hann með einhverju öðru en kjúklingabaunapuffi þá mætti nota hann við allskonar fuglamat.

siggi

Siggi (IP-tala skráð) 4.12.2007 kl. 08:12