Tækniöldin að koma ...

Heit og góð súpa í Skrúðgarðinum fleygði byrjandi kvefi út á hafsauga, held ég. Auðvitað kom Tommi þangað í einn kaffibolla áður en hann lagði í hádegisferðina og byrjaði á því að tékka á vindhviðumælinum á síðu Vegagerðarinnar. Hann sagði farir sínar ekki alveg rennisléttar. Þegar hann kom út úr göngunum á leið í bæinn fyrr í morgun var svo hvasst að rúðuþurrkurnar feyktust upp, rifnuðu sem betur fer ekki alveg af þó, eins og gerðist fyrir nokkrum vikum. Hann ók eftir minni (eða þannig) í Grundahverfið þar sem hann stoppaði og lagaði þurrkurnar. Skv. tölvunni reyndust hviðurnar ekki vera nema 28 m/sek þannig að Tommi lagði í hann til að sækja Sigþóru sína, sem hann er skotnastur í, held ég, af okkur kjéddlíngunum í strætó. Mikið held ég að það væri gott, eiginlega bara lífsnauðsynlegt að fá hviðumæli við gönginn. Þar er MIKLU hvassara þar í austanáttinni, að sögn Tomma, líkara Hafnarfjallstölunum sem voru 42 m/sek í morgun.

María reyndi að ýta okkur Tomma saman, eins og fleiri, og stakk upp á því að við byrjuðum saman. Ég bendi á að við Tommi vorum bæði viðstödd en héldum þó kúlinu. Ég benti henni á að ég væri of ung til að binda mig, Tommi sagðist vera of gamall til þess, samt er hann einu ári yngri en ég. Svona er að gefa á sér færi með opinskáum bloggfærslum ... Hélt að María kynni ekki að lesa (þetta var beisk hefnd fyrir að hún endurnefndi kaffidrykkinn minn Kjötsúpu).

Guðni Ágústsson (með Sigmundi Erni) kemur í Skrúðgarðinn annað kvöld til að kynna bók sína. Þyrfti að rúlla hratt yfir bókina þeirra ... en ég er reyndar að lesa Harry Potter á íslensku og hún er æði.

Jónas ryksugar nú himnaríki af vélrænni samviskusemi, við stefnum hraðbyri inn í tækniöldina, börn fara í gegnum fingrafaraskanna til að fá skólamáltíðir, talandi lyftur segja á hvaða hæð við erum og fleira og fleira. Hvenær koma eiginlega fljúgandi bílarnir sem ég vissi á barnsaldri að allt yrði morandi í árið 2000? Mér finnst ég hafa verið svikin.

Athugasemdir

[Þröstur Unnar, 4.12.2007 kl. 17:49]

Er ekkert til nema þessi Tommi........

[Guðríður Hrefna Haraldsdóttir, 4.12.2007 kl. 17:54]

Hahhahaha, segðu Þröstur!!! Held að rómantíkin (stríðnin) sé að fara með suma bloggvinina. Ef ÞÚ kæmir reglulega í Skrúðgarðinn á sama tíma og ég myndi ég sko blogga um þig. Guðmundur er búinn að gleyma því að ég blogggaði nýlega um hann þegar hann kom í Skrúðgarðinn, ég skrifa líka um Maríu ... og enginn reynir að koma mér saman við hana. Hvað þá Jónas, uppáhaldið mitt, ryksuguróbót himnaríkis.

Þröstur, þröstur, þröstur, þröstur .... (sko, nú er ég búin að skrifa helling um þig)

[Þröstur Unnar, 4.12.2007 kl. 18:02]

 Það er nebbnilega málið. Ef ég kæmi og yrði frægur eins og Tommi?

Verð að huxa málið. Get þó sagt það hér og nú að ég hef líka strætópróf.

[Magga (verðandi mákona) (IP-tala skráð) 4.12.2007 kl. 18:22]

Held a þröstur sé obbbu pínu ponns abbó 

[Guðrún Jóhannesdóttir, 4.12.2007 kl. 18:45]

Þrösturinn er GREINILEGA abbó!

Það á nú ekkert að þurfa að ýta ykkur saman hehehehe fólk á besta aldri

[Guðríður Hrefna Haraldsdóttir, 4.12.2007 kl. 18:54]

Þröstur er ekkert abbó, hann veit að ég elska hann jafnmikið og Tomma! Sérstaklega eftir að hann sagði frá strætóprófinu ...

[Jenný Anna Baldursdóttir, 4.12.2007 kl. 19:38]

Sem dóttir strætóbílstjóra get ég sagt þér að þeir eru ekki á vetur setjandi, aldrei heima og sonna.  Ég þekki mann með rútupróf.  Game?

[Hulda (IP-tala skráð) 4.12.2007 kl. 20:57]

spennandi tímar    spákonan hefur kannski rétt fyrir sér  

[Þröstur Unnar, 4.12.2007 kl. 21:06]

Sko Guðmundur. Auðvitað ertu með leigubíla og rútupróf ef þú ert með strætópróf. Ég er líka þar að auki með bakarapróf kallinn minn.

Þú átt bara ekkert meira í Gurrí þó þú hafir hitt hana. Ég bý rétt hjá henni og finn ylinn frá henni hvern einasta dag, svo hef ég líka séð hana labba framhjá vinnustað mínum einu sinni.

Og Jenný bakarar eru alltaf heima á daginn, að vísu pínu slappir, en samt heima.

[Guðríður Hrefna Haraldsdóttir, 4.12.2007 kl. 21:45]

Mikið er það KLIKKAÐ (æðislegt) að láta berjast svona um sig. Ég hef ekki þennan séns í raunheimum, get lofað ykkur því. Heheheheh! Bakarar eru einstaklega heillandi. Vinkona mín á Ísafirði er gift einum slíkum og er hrikalega hamingjusöm.

Talandi um Ísafjörð ... Þegar við Skagamenn keppum við Ísafirðinga ... þá reynir fyrst virkilega á vináttuna við þessi góðu hjón. Ég fyrirgaf honum að hafa hnetur í brúðartertunni en lengra nær það ekki ...

[Magnús Þór Hafsteinsson, 4.12.2007 kl. 21:52]

Rétt er það. Annað kvöld miðvikudagskvöld er bókað fjör í Skrúðgarðinum þar sem menningar- og kaffihúsalíf á Skipaskaga nær nýjum hæðum og nú með pólitísku ívafi í bland við það mannlega. Guðni og Sigmundur Ernir mæta. Sjá nánar þessa frétt.

[Þröstur Unnar, 4.12.2007 kl. 21:58]

Já Guðmundur minn, gæti trúað Tomma til þess að baka mig bakarann. Er ekki alltaf bakari hengdur fyrir smið (eða bílstjóra) .

En datt í hug hvort daglegir þvottar og staujningar, sem ég er náttúrulega sérfræðingur í, hefðu eitthvað að segja í baráttunni?

Takk Gurrí mín fyrir almenna bakarahólið.

[Guðrún Jóhannesdóttir, 4.12.2007 kl. 22:27]

  maður verður nú bara rómantískur eftir lestur kommentanna hér