Bold and the brúðkaupsraunir

Held að það sé kominn tími á að bolda svolítið. Brooke hætti við að giftast Ridge af því að ástsjúkur tengdasonur hennar, Nick, truflaði brúðkaupið, eins og komið hefur fram. Felicia dó og Bridget huggaði Ridge vegna systurmissisins og notaði svefnherbergisröddina á hann meðan hún strauk honum „huggandi“ og léttklædd uppi í rúmi. Nick hljóp upp til að athuga hvað væri í gangi, opnaði dyrnar hljóðlaust og kíkti og gat ekki séð betur en ástaleikur stæði sem hæst. Fólkið í boldinu læsir aldrei að sér. Hann hljóp út í hvelli og á barinn, hitti þar blindfullan og snöktandi geðlækninn, hana Taylor sem vonaðist til að fá vonandi kannski mögulega að hirða upp leifarnar af Ridge. „Ekkert stolt kemur í veg fyrir hamingju mína,“ drafaði hún. Hún elti samt harmþrunginn Nick í bátinn hans. Á svipuðum tíma, þegar Brooke var búin að hugga Ridge, hitti hún Jackie, mömmu Nicks, sem sagði henni að Nick hafi greinilega séð til Brooke og Ridge því hann hafi hlaupið út í sjokki. Brooke fær líka sjokk, ákveður að finna Nick og segja honum að hún elski hann, ekki Ridge. Af einskærum drykkjuskap og klaufagangi datt léttklædd Taylor ofan á enn minna klæddan Nick sem var allt í einu kominn í koju og um leið gekk Brooke í salinn (káetuna). Tjaldið fellur.

Það er þrennt í stöðunni:

1. Brooke fleygir Taylor útbyrðis sem missir minnið og giftist svo Tómasi, syni sínum, þegar kemur í ljós að ruglingur hafði átt sér stað á fæðingardeildinni fyrir 18 árum. Brooke fellur fyrir fangaverði í kvennafangelsinu og tekst með hennar hjálp að flýja. Hún litar hár sitt dökkt og fer að ganga í lágbotna skóm.  
2. Taylor stofnar bleikan trúarhóp þar sem fjölveri er leyft og gengur að eiga Nick, Ridge, Thorne og brunakarlinn. Hún verður MJÖG hamingjusöm. Oprah fjallar um málið í þætti sínum.
3. Taylor giftist Eric, tengdaföður sínum. Stefanía, mamma Ridge, fer að vera með Nick sem er genginn í Vísindakirkjuna. Tom Cruise fer að bregða fyrir í þáttunum.

Athugasemdir

[Adda bloggar, 11.12.2007 kl. 19:39]

haha góð

[Ásta Björk Solis, 11.12.2007 kl. 19:50]

Her uti er thad a ske ad Felicia er ekki dain og svo er komin onnur systir hennar Brooke,hun er i sambandi vid Eric og Patrick Duffey ur Dallas seriunni er pabbi Brooke hann er grunadur um ad skjota Stefanie sem lifdi af. 

[Lára Hanna Einarsdóttir, 11.12.2007 kl. 19:54]

Ja, ekki er öll vitleysan eins! 

[Ásdís Sigurðardóttir, 11.12.2007 kl. 19:57]

Nick og Taylor taka saman, segi ég.  það sem Ásta segir hér fyrir ofan virkar alveg trúlegt því það er svo ótrúlegt.

[Þröstur Unnar, 11.12.2007 kl. 20:15]

Mér leiðist

[Guðríður Hrefna Haraldsdóttir, 11.12.2007 kl. 20:35]

Æ, Þröstur minn. Þú getur komið hingað, við erum að spila lúdó ...

Já, Ásdís, þau munu taka saman, ég féll í trans nýlega og sá það ... eða kíkti á Netið, man það ekki. Brooke reynir allt sem hún getur til að ná Nick aftur.

Ásta, ég var eitthvað búin að heyra af því að Felicia hefði ekki dáið, það væri gaman að vita hvort Omar soldán, sem byrlaði Taylor eitur þannig að hún lagðist í dá, allir héldu hana dána, rændi henni og hélt í kvennabúri sínu, sé kominn á kreik aftur. Hlakka til að sjá þáttinn: "Hver skaut Stefaníu?"

Thor, þetta var nú soldið perralegt ... múahahahaha

[kikka (IP-tala skráð) 12.12.2007 kl. 14:31]

Elsku Gurrí-þú ert bara snillingur og gjörsamlega búin að bjarga mánuðinum hjá mér