Loksins komin heim ...

Langur vinnudagur ... klukkan að verða átta í kvöld þegar við Ásta kvöddum höfuðborgina og þeystum út á þjóðveginn á drossíunni. Báðar dauðar úr þreytu en það var samt svo gaman hjá okkur á leiðinni. Við ákváðum að fara seint af stað í fyrramálið, eða kl. 6.50. Það munar um að geta sofið 10 mínútum lengur. Nú bíð ég bara eftir gamanþættinum Flight of the Conchords sem hefst eftir nokkrar mínútur á Stöð 2. Vona að hann standi undir væntingum. Svo er það meyjarskemman og bróderaðir svæflarnir. Geldingarnir veifa blævængjum og humma mig í svefn fyrir miðnætti. Hef orðið áhyggjur af því hvað ég er orðin kvöldsvæf ... Meira að segja um helgar þegar það er óeðlilegt að fara upp í fyrir miðnætti. En nú er þátturinn byrjaður.

Megi kvöldið ykkar verða spennandi og draumarnir sætir í nótt.

Athugasemdir

[Ásdís Sigurðardóttir, 24.1.2008 kl. 21:42]

Gott að vita að heimferðin gekk vel. Vona að gæjarnir standi undir væntingum, er að horfa á House.   Sofðu vel.   

[Guðríður Haraldsdóttir, 24.1.2008 kl. 22:06]

Hmmm, ég varð fyrir vonbrigðum með þáttinn, er að horfa á House á SkjáEinum plús. Var næstum búin að gleyma honum. Elska plússtöðvarnar!!!

[Anna Ólafsdóttir Björnsson, 24.1.2008 kl. 22:16]

House í gangi á plús. Snilldarstöðvar.

[Guðrún Jóhannesdóttir, 24.1.2008 kl. 22:54]

Ég lét nú duga að horfa á hasarþáttinn um borgarstjórnarskiptin

Vona að  geldingarnir hummi þig ljúflega inn í svefninn á bróderuðu svæflunum

[Jóna Á. Gísladóttir, 24.1.2008 kl. 23:34]

plússtöðvarnar eru ein besta uppfinning síðari ára. Love it. Eg horfði á slatta af þessum þætti. Flight of the.. Það er nú lúmskur hallærishúmor í þessu en ég var ekki í skapi fyrir þessa vitleysu

[Þórarinn Þ Gíslason (IP-tala skráð) 25.1.2008 kl. 01:58]

Viðverukvitt.

[kikka (IP-tala skráð) 25.1.2008 kl. 15:58]

Gefðu þeim séns--þeir eru frábærir. Ekki "your every day humour".

Ég elska veðrið.

kv. kikka