Konudagur í skugga kattahára ...

Góan hófst í dag og strax á miðnætti byrjuðu kettir himnaríkis að fara úr hárum. Sólin hefur skinið grimmdarlega í dag og lýst upp hvern krók og kima þar sem kattahárin hafa smám saman mýkt ásýnd gólfa, breytt lit húsgagna og komið sér þægilega fyrir inni í skápum og skúffum. Konudagurinn hefur algjörlega fallið í skuggann fyrir þessu og ég hef ekki náð að fyllast þeirri eðlilegu beiskju einhleypra kvenna sem fylgir gjafaleysi dagsins.

Á meðan aðrar konur horfa glaðar á glæsilega blómvendi sína, úða í sig vínarbrauðum og kaffi og njóta herðanudds (kynlífs) bíður mín mikið verk, eða að biðja erfðaprinsinn um að ryksuga. Jónas ryksuguróbót er meira en til í að hjálpa honum hvenær sem er en afbrýðisemin sem ríkir á milli þessarra ástkæru drengja minna hefur síst minnkað. Erfðaprinsinum finnst hann of hávær ... sem ég myndi skilja ef hann ynni við efnafræðitilraunir inni í stofu og hver minnsta truflun eða hreyfing myndi orsaka útrýmingu mannkyns.

Athugasemdir

[Þröstur Unnar, 24.2.2008 kl. 14:00]

Jebb, þetta er einn af þeim dögum sem gott er að vera einhleypur karlmaður á efri árum, en samt "of ungur til að bindast".

[Lára Hanna Einarsdóttir, 24.2.2008 kl. 14:03]

Hvað eru margir svoleiðis dagar á ári, Þröstur Unnar...? 

[Þröstur Unnar, 24.2.2008 kl. 14:12]

Ekki alveg á tæru Lára Hanna, en mér finnst þeim fara fjölgandi.

[Lára Hanna Einarsdóttir, 24.2.2008 kl. 14:17]

Spurning um að merkja við þá á dagatalið til að hafa yfirsýn. Þá fjölgarðu líka dögunum sem þú getur hlakkað til... 

[Ásdís Sigurðardóttir, 24.2.2008 kl. 14:52]

Það er svipað á þessu heimili, kattarhár og konuhár birtast í fallegum sólargeisla.  Rykagnir á svörtum flísum flétta sig saman í litla hnoðra og reyna að gleðja mig.  Ég hata ryk (fílustrumpur) hér eru engin blóm, ekkert vínarbrauð né herðanudd.  Bóndinn skrapp út í sveit að hjálpa vini sínum, en ég fæ hann heim í kvöld aftur svo maður veit aldrei.  Eigðu ljúfan dag með strákunum þínum  

[Tiger, 24.2.2008 kl. 15:22]

  Hér er þitt blóm í tilefni dagsins Gurrí mín, eigðu góðan dag.

[Arafat í sparifötunum, 24.2.2008 kl. 16:10]

Ég fékk ekki blóm í dag enda hefur eignmaður minn sagt auglýsingastofum og blómabændum stríð á hendur..og í mótmælaskyni fæ ég ekki blóm. Þetta er fíludagur ársins hjá mér. Hann hefur gefið mér poka af haustlaukum og ísblóm en hann gefur sig ekki á vald stjórnaðrar rómantíkur  Tommi bróðir aftur á móti sendir systur sinni SMS og óskar henni til hamingju með daginn. Hann er sko herramaður inn að beini.

Ef hann væri giftur fengi frúinn örugglega blóm....

[Guðríður Hrefna Haraldsdóttir, 24.2.2008 kl. 16:49]

Takk fyrir blómin Ásdís og Tigercopper.

Finnst þetta pínku léleg afsökun hjá eiginmanninum, Arafat mín (Magga mágkona), það er konudagurinn (ekki dagur blómasala) og hvort sem blómasalarnir nota tækifærið og reyna að selja eður ei gæti hann þó a.m.k. gefið þér sætan koss, fært þér kaffi og kelirí í rúmið ... jafnvel demantshring. Vissi að Tommi væri góður bróðir og verður eflaust dásamlegur eiginmaður. Honum finnst hann of gamall til að ganga út og mér finnst ég of ung, veit ekki hvernig þetta fer.

[Magnús Geir Guðmundsson, 24.2.2008 kl. 16:56]

Innilega til hamingju já með daginn, gullfallega góustelpa!

Líst nú samt ekki alvetg á demantstalið, í raun alveg sama hægt að segja um hann og blómin, þetta er ekki hátíð fyrir gráðuga slíka kaupmenn frekar en blómasalana!

SEndi þér hins vegar magnaðan og´ósýnilegan fingurkoss, sem er í senn ómótstæðilegur og kemur þiggjandanum einum til góða!

Svo er hann líka ósýnilegur á blogginu!

[Lára Hanna Einarsdóttir, 24.2.2008 kl. 17:01]

Sú kona er aldrei ein sem á Magnús Geir að... 

[Þröstur Unnar, 24.2.2008 kl. 17:05]

Af hverju er ég ekki bloggvinur þinn lengur Guðríður Haraldsdóttir.

[Lára Hanna Einarsdóttir, 24.2.2008 kl. 17:10]

   Prófaðu að senda fingurkoss og vittu hvað gerist! Kannski nægir ekkert minna en demantshringur samt...  

[Þröstur Unnar, 24.2.2008 kl. 17:13]

   

[Guðríður Hrefna Haraldsdóttir, 24.2.2008 kl. 17:20]

Þröstur minn, þú varst í tvíriti hjá mér og þegar ég eyddi öðrum þrestinum mínum þá hafið þið báðir dottið alveg út ... líka Dúa dásamlega og einhverjir fleiri. Argggg!

Aðalerindið í bloggvinatiltektinni var reyndar að færa soninn ofar á listann, hann er svo móðgaður út í mig, það virðist ekki vera mögulegt, Moggablogg leyfir mér ekki að hreyfa til neðri hluta hópsins, nú er ég í óðaönn að henda út öllum þeim sem hafa ekki bloggað síðan um mitt sumar í fyrra og þeim sem hafa lokað bloggsíðum sínum í þeirri von að ég geti hreyft eitthvað til. Ég setti þig í topp 5 og við það dastu greinilega út ... ekki það að ég elski ekki alla bloggvini mína jafnmikið, var bara að reyna að bloggvinajafna ... Sorrí, darling. Hendi inn beiðni til þín um bloggvináttu og ég vona að þú þiggir hana, snúllurinn minn!

[Þröstur Unnar, 24.2.2008 kl. 17:22]

  

[Þröstur Unnar, 24.2.2008 kl. 17:28]

Þoli ekki svona hjartasendingar af minni eigin hálfu en lét undan í þetta skiptið.

Það er allt frosið í bloggvinajöfnun á blog.is, og þú hrapaðir í 103 sæti og Vélstýran orðin efst. En við skulum sjá til.

[Guðríður Hrefna Haraldsdóttir, 24.2.2008 kl. 18:53]

Ég skal fyrirgefa þér hjartasendinguna í þetta sinn. Hef eytt um 50 bloggvinum bara til að ná þér og erfðaprinsinum í hærri hæðir, sumum meira að segja í ógáti og þarf að skrifa heila afsökunarfærslu fyrir vikið. Þetta er ekki nógu sniðugt að geta bara raðað efstu 3.000 bloggvinunum ...

[Tiger, 24.2.2008 kl. 19:26]

   

Ertu búin að henda mér út líka - strax!

[Tiger, 24.2.2008 kl. 19:29]

   

Úps.. vitleysa í mér sko...

[Guðrún Jóhannesdóttir, 24.2.2008 kl. 19:59]

Til hamingju með konudaginn kæra Gurrí                                                                       

                                                                            
 

[Hulda (IP-tala skráð) 24.2.2008 kl. 20:22]

engar gjafir hér

[Brynja skordal, 24.2.2008 kl. 23:22]

Já fékk fallegan blómvönd og fl  til hamingju með daginn

[Sigurður Þórðarson, 24.2.2008 kl. 23:47]

Ekki hægt annað en að brosa af þessum skemmtilega og frumlega  pistli.

[Anna Ólafsdóttir Björnsson, 24.2.2008 kl. 23:50]

Hæ krúttó, gleðilegan konudag, hér eru blóm en þau eru frá Nínu systur og frá því á föstudag, við Ari hlýðum aldrei svona fyrirskipuðum ,,vera-góð-við-hvort-annað" dögum.

[Ingibjörg Gunnarsdóttir, 25.2.2008 kl. 09:31]

Við systurnar köllum þetta ástand - þegar parketið, tréhúsgögn og fleiri staðir verða svona loðnir - að við séum búnar að skipta um viðartegund og að þetta sé allt úr LOÐVÍÐI............  Manni líður líka svo mikið betur þegar það er búið að finna ástæðu fyrir þessu samblandi af hárum og ryki!  Loðvíðir - mæli með því!

[www.zordis.com, 25.2.2008 kl. 09:43]

Gleðilegan mánudag, vinnudag ..... hér voru engin blóm, engir kossar og ekkert kynlíf! 

[Hafsteinn Viðar Ásgeirsson, 25.2.2008 kl. 10:36]

Hvað er með þessa Spanjóla Þórdís mí, kunna þeir sig bara alls ekki... ...Gleðilegan Mánudag...

[Hafsteinn Viðar Ásgeirsson, 25.2.2008 kl. 10:40]

...mín átti þetta nú að vera...:o)

[Helga Magnúsdóttir (IP-tala skráð) 25.2.2008 kl. 12:36]

Ég fékk ekkert á konudaginn og hef ekki fengið síðan maðurinn minn hætti á sjónum. Ég fékk alltaf send blóm og konfekt þegar hann var á sjónum því þá voru hinir að senda og hann varð að vera memm.

[Magnús Geir Guðmundsson, 25.2.2008 kl. 13:24]

Helga á bara að senda karlfauskin á sjóin aftur og Þórdís á bara að "Spangóla á Sppanjóla" og þá munu þeir "Skora þessa þrennu" hjá henni, alveg pottþétt!

Annars finnst mér ekki vanta aðdráttaraflið á þessa síðu, kynþokkin lekur allavega hreinlega alltaf niður skjáin um leið og ég kem í heimsókn!