Sæt SMS og "stríðsástand" í himnaríki

Leynivinurinn minn er frábær. Hann hefur dúndrað til mín nokkrum SMS-skilaboðum í dag sem er hvert öðru sætara. Það nýjasta hljóðar svona: Eigðu yndislegt kvöld og njóttu hverrar mínútu. Á morgun bíða þín óvænt ævintýri. Þinn leynivinur. Ég get ekki beðið eftir að komast í vinnuna. Ég lít t.d. á herðanudd (hint) sem stórkostlegt ævintýri.

Erfðaprinsinn (27) sá enga útlitsbreytingu á móður sinni (49) eftir klippinguna þegar hann kom heim í dag. Engin aðdáunarhróp glumdu, ekkert gerviyfirlið sökum hrifningar. Gæti tengst „stríðsástandinu“ sem ríkir í himnaríki ... skoðunum okkar á samskiptum Ísraels og Palestínu. Mér finnst málstaður hans kolrangur og hann gubbar yfir minn.

Ég þykist vera ansi hreint ópólitísk, alla vega vil ég ekki festa mig í neinum sérstökum flokki. Því fannst mér frekar fúlt þegar Árni Sigfússon (22) gaf drengnum pylsu eða tvær eitt árið í kosningabaráttu um borgina og erfðaprinsinn (14) kolféll fyrir Sjálfstæðisflokknum med det samme. Ég sagði Árna frá þessu í beinni útsendingu nokkru síðar á Aðalstöðinni við takmarkaðar vinsældir, bæði hans og tæknimannsins (erfðaprinsins). Held að hjartað slái nú hjá öðrum stjórnmálaflokki. Jæja, best að fara út í búð og kaupa margar, margar pylsur. Nei, bjúgu!

Athugasemdir

[Ásdís Sigurðardóttir, 4.3.2008 kl. 19:44]

    

[Guðríður Haraldsdóttir, 4.3.2008 kl. 19:58]

ó, sorrí ...

[Ragnheiður , 4.3.2008 kl. 20:12]

Rifist í beinni hehehe..þið 2 eruð dásamleg...ég hélt þegar ég las fyrirsögnina að erfðaprinsinn hefði dottið um Jónas "bróður " sinn.

[Helga Magnúsdóttir, 4.3.2008 kl. 20:49]

Hæ. Ég á líka rosafínan leynivin, súkkulaði, geisladiskum og vísum rignir yfir mig. Mér tókst áðan að ná mér í leynivin sem ég veit ekkert hver er. Verð að reyna að finna eitthvað á morgun.

[Guðríður Haraldsdóttir, 4.3.2008 kl. 20:54]

Þú ert heppin eins og ég, Helga mín. Ef þú verður í vinnunni á morgun, sýndu mér þá endilega leynivininn og ég skal segja þér hvar hann situr. Mig grunar að reynt sé að láta Birtíngs- og DV-fólk ná saman með blómvöndum og konfekti.

Nei, Ragga, svo slæmt var það nú ekki.

[Guðmundur G. Hreiðarsson (IP-tala skráð) 4.3.2008 kl. 22:38]

Leynivinurinn þinn, Fröken Guðríður, er örugglega kona - því svona skilaboð senda karlmenn ekki [lengur].  

[Guðríður Haraldsdóttir, 4.3.2008 kl. 22:48]

Já, það held ég að sé rétt hjá þér, herra Guðmundur. Við konur getum ekki gert þá kröfu á karla að þeir séu krúttlegir OG karlmannlegir.

[erlahlyns.blogspot.com, 5.3.2008 kl. 07:04]

Úff, leynivinaleikurinn er svo skemmtilegur!

[Þorgerður Laufey Diðriksdóttir, 5.3.2008 kl. 10:54]

Skiptir máli að konur séu í áhrifastöðum?

Fjölkvennum á fund á NASA við Austurvöll laugardaginn 8.mars 2008 klukkan 17:00.

[Tiger, 5.3.2008 kl. 13:43]

  Hey, sko ... ég er hörkunagli - en líka dúnmjúkur. Karlmenn geta víst verið Krúttlegir & Karlmannlegir! Bílíf mí..

Leiðin að kosningasellunum liggur í gegnum magann, það er morgunljóst. Gott þó að erfðaprinsinn hefur stækkað og séð munin á Pizzu og Pylsu - en gott hjá þér að kaupa bara bjúgu, kannski breytist Ísland/Palestína eitthvað við það.

  Mér finnst sms-ið frá leynivini þínum svo mikið krútt og þvílíkt karlmannlegt! Viss um að "hann" á eftir að gera lukku sem leynivinur..

[Júlíus Valsson, 5.3.2008 kl. 16:52]

Hvort heldur þú með Ísrael eða hinum?

[Jenný Anna Baldursdóttir, 5.3.2008 kl. 18:24]

Þú átt eftir að drepa mig einn daginn þegar ég ramba blásaklaus og í góðu jafnvægi, hér inn á síðuna þína og fæ fáránleg hlátursköst.

Jenny (56)

[Guðríður Haraldsdóttir, 5.3.2008 kl. 18:47]

Júlíus, hjarta mitt slær ögn meira með Palestínumönnum. Vil auðvitað helst að Ísraelsmenn geti búið í sátt og samlyndi þarna ... en án yfirgangs þeirra.