Morgunheimsókn

Ásta hringdi fyrir allar aldir í morgun og vildi fá mig í göngutúr á Langasandi. Sem betur fer hafði ég þá afsökun að ég væri að vinna og bauð henni í kaffibolla eftir gönguna. Hún hefur verið frá vinnu undanfarið vegna veikinda í fjölskyldunni og ég hef allt of lítið séð af henni. Hún er komin með lítinn hvolp á heimilið! Kannski ég toppi það með því að fá mér skúringarróbót þegar hann kemur á markaðinn. Ég sakna heilmikið ferðanna okkar Ástu í bæinn á morgnana, með tónlist á hæsta, hlátur og skemmtilegheit. Hvolpurinn heitir Aska. Hún er alltaf velkomin í himnaríki, held að a.m.k. Tommi yrði mjög spenntur! Ekki viss með Kubb.

Biðst velvirðingar á þessari sjálfhverfu getraun í síðustu færslu. Hvað gerir maður ekki til að minna á afmælið sitt ... Var ansi ánægð með Láru Hönnu og snilld hennar á ekki lengri tíma.

Held að flestir hafi haldið að þetta væri lymskuleg spurning þar sem svarið væri: Fíllinn úr síðasta brandara, eitthvað slíkt.

Prófaði að gamni að skella 12. ágúst inn í google.is og fékk þessar athyglisverðu niðurstöður. Vona að ég verði á lífi árið 2026 til að fá almyrkva á sól í 68 ára afmælisgjöf, það væri kúl.

Annars til hamingju með 1. apríl, vona að þið hafið ekki lent í aprílgabbi!

Athugasemdir

[Ásdís Sigurðardóttir, 1.4.2008 kl. 17:05]

Er þá ekki málið að gúggla afmælisdaginn sinn og leita að spennandi hlutum, góð hugmynd

  Langar bara að senda smákveðju. Er að hressa mig við á smá blogg lestri.    

[leyla, 1.4.2008 kl. 17:29]

smá innlits kvitt  þú hefur alltaf svo mikið að segja :-)

[Lilja Guðrún Þorvaldsdóttir, 1.4.2008 kl. 21:20]

Líst vel á hugmyndina um skúringarróbótinn,  held að ég fái mér líka svoleiðis, þegar færi gefst.

[www.zordis.com, 1.4.2008 kl. 23:12]

Þú ert með æðislegt hugmyndaflug! 

Fullt af svona useful little things information sem gott er að bera með sér! 

Ég var göbbuð á bloggheimi með óléttufréttum ....

[Tiger, 2.4.2008 kl. 01:57]

  Hahaha... það er spurning hvort Tommi og Kubbur fari ekki á kostum og ráðist á róbótann ráðagóða ef hann á eftir að poppa upp í himnaríki. Gruna að það sé gott ráð að loka þá bara af á meðan róbótinn leikur lausum hala. Knús á þig Gurrí mín og hafðu það gott..

[Guðmundur G. Hreiðarsson (IP-tala skráð) 2.4.2008 kl. 08:42]

Ég hefði ekki getað leyst þessa getraun þótt ég ég hefði átt lífið að leysa. Scheisse!

[Guðríður Hrefna Haraldsdóttir, 2.4.2008 kl. 09:39]

Ja, ekki viss um það, Tigercopper, þeir láta ryksuguróbótinn algjörlega í friði!

Getraunin var líklegast ekki svo létt. Ég vissi afmælisdag Ásdísar Ránar og Halldóru og í gúgglinu kom þetta upp með Krossinn og sólmyrkvann. Jamms! Jæja, best að fara að blogga.

[Steingerður Steinarsdóttir, 2.4.2008 kl. 09:41]

Ég skal lána þér Freyju. Þar með er engrar undankomu auðið. Þú verður að fara eldsnemma í gönguferð á Langasandi.

[Guðríður Hrefna Haraldsdóttir, 2.4.2008 kl. 12:53]

Ummmm, væri til í að hoppa og skoppa með Freyju á sandinum. Ásta nennir aldrei slíku, hún gengur bara virðulega en nokkuð hratt ... nennir ekki í sandkast eða neitt! Argggg