Sumarblíða, Tomma-misskilningur og Chuck Norris á google

Í fyrsta sinn í langan tíma var hálfgert sumarveður í Reykjavík þegar vér Skagamenn skunduðum til borgarinnar með lúxusstrætó ... en kalt var á Skaga og í Mosó. Ég hugleiddi þetta þegar ég lét hugann reika í ökuferðinni góðu í gegnum Mosfellsbæinn. Ég er eðlileg íslensk kona og hugsaði vitanlega um ýmislegt fleira,... eins og kynlíf á 17 sek fresti, veðurhorfur næsta sólarhring á 4 sek fresti og slíkt. Það er frekar gaman að hugsa.

Tommi bílstjóri er dásamlegur, eins og ég hef alltaf sagt, en frekar óupplýstur sem er skrýtið miðað við að hann er ásatrúarmaður. Hann sagði okkur Sigþóru í strætó í gær að ef fólk langaði ekki til að eignast börn ætti það að setja fuglahræðu í garðinn hjá sér svo að storkurinn þyrði ekki að koma með börnin! Hélt að Tommi vissi að það er ekki stemmning fyrir fuglahræðum á Íslandi.

Það er alltaf svo lítið að gera í vinnunni á föstudögum ... (djók) og ég var eitthvað að hugsa um Chuck Norris milli geispanna.

Ég prófaði að setja inn sem leitarorð í google.is: "find chuck norris" (með gæsalöppunum) svo ýtti ég á Freista gæfunnar ... og fékk undarleg skilaboð.

Mana ykkur til að prófa. Múahahahahahah

Athugasemdir

[Ragnheiður , 4.4.2008 kl. 11:57]

Er eitthvað samhengi þarna á milli, hugsar um kynlíf á 17 sekúndna fresti og Chuck Norris ? Kona spyr sig

[Sigurður Þór Guðjónsson, 4.4.2008 kl. 12:16]

Hvað kallar þú "hálfgert sumarveður"? Ég hef ekki orðið  var við sumarveður í Reykjavík upp á síðkastið.

[Jenný Anna Baldursdóttir, 4.4.2008 kl. 12:21]

Google won't search for Chuck Norris because it knows you don't find Chuck Norris, he finds you

Þetta fann ég.  Er í kasti.

[Guðríður Hrefna Haraldsdóttir, 4.4.2008 kl. 12:40]

Jenný, einmitt, HE FINDS YOU! Mér fannst þetta mjög fyndið, samstarfsmaður minn benti mér á þetta.

Sigurður, sumarveður miðað við illindin í vetur, ég þarf ekki meira, enda í bjartsýniskasti í Ártúni í morgun, stoppistöðin hefur ekki verið hlýrri síðan sl. sumar. Var reyndar með tvo hlýja trefla.

Hmm, Ragnheiður, hugsaði það ekki svo djúpt ...

[Þröstur Unnar, 4.4.2008 kl. 12:41]

Jebb. Lenti í því sama og Jenný. Læðist nú með Smellinn veggjaeiningum.

[Ragnhildur Sverrisdóttir, 4.4.2008 kl. 13:17]

Þetta er ótrúlega kúl. Að minnsta kosti fyrir Chuck!

[Brynja skordal, 4.4.2008 kl. 13:26]

Hafðu ljúfa helgi Himnaríkiskona

[Ragnheiður , 4.4.2008 kl. 15:22]

Ég fékk einmitt þetta líka og flúði í ofboði af google. Það er nú nóg vesen svo maður fari ekki að fá C.N. á hælana líka.

[Jóna Kolbrún Garðarsdóttir, 5.4.2008 kl. 00:32]

OOohhhh munið þið eftir Chuck Norris í Enter the dragon hann var nú smá flottur þar