Stríð ... og aðstoð sérsveitar Birtíngs

Skrifborðið mitt var í rúst í morgun, skilaboðin hafa greinilega ekki komist í gegn til símasölumannsins djöfullega sem mig grunar að sé að snapa fæting. Hann var líka búinn að sparka inniskónum mínum svo langt undir skrifborð að það þurfti sérsveit Birtíngs (Björk) til að ná þeim. Meira að segja búið að festa heyrnartól á símann og meinleg hefnd mín verður fólgin í að láta tölvumanninn taka þau á eftir. Það er hræðilegt að hafa þessi heyrnatól ... kannski gott fyrir kvikindið en mér er sama, hann reynir að gera líf mitt óbærilegt ... og ég hans. Það er komið stríð!

Það var tvegga til þriggja trefla veður í morgun og ég bara með einn trefil, alveg eins og bjáni! Franski málshátturinn Það þarf að þjást til að vera fallegur, var mögulega hafður í hávegum nema ég var ekkert sérstaklega falleg í morgun, bara svona meðal. Það finn ég á því að ég rak hvorki upp hræðsluöskur né aðdáunarhróp þegar ég sá sjálfa mig í speglinum í morgun. Í gærmorgun t.d. öskraði ég, enda sofnaði mín með blautt hárið í himnaríki í fyrrakvöld ...

Ljúfi leikskólastjórinn sat við hlið mér í strætó og við kjöftuðum svo mikið að allt í einu vorum við bara komnar í vinnuna mína! Ég hafði fengið far með henni og alles frá mosó án þess að taka eftir því! Jamm, hún heitir Guðbjörg, ég er þó búin að komast að því. Held að börnin á Foldaborg séu mjög heppin með leikskólastjóra.

Jæja, föstudagur og klikkað að gera núna ... blogg jú leiter!

Athugasemdir

[Ingibjörg Gunnarsdóttir, 11.4.2008 kl. 10:14]

Þarna á við:  All is fair in war and love!   Ekki spurning......

[Steingerður Steinarsdóttir, 11.4.2008 kl. 10:16]

Gangi þér allt í haginn í dag Gurrí mín.

[Brynja skordal, 11.4.2008 kl. 11:32]

Hafðu ljúfa helgi Elskuleg

[Guðrún Jóhannesdóttir, 11.4.2008 kl. 12:10]

ja hérna það verður gaman að fylgjast með þessu stríði  Góða helgi Gurrí mín

[Lára Hanna Einarsdóttir, 11.4.2008 kl. 12:27]

Ég held með þér í stríðinu...  Áfram Gurrí! 

[Helga Magnúsdóttir, 11.4.2008 kl. 13:48]

Það verður fjör þegar þið sölumannsræfillinn farið að berjast hér um alla ganga. Ef þú getur dregið hann alla leið til mín skal ég hjálpa þér að berja hann.

[Þröstur Unnar, 11.4.2008 kl. 14:52]

Er kannski hægt að fá kvöldvinnu þarna? Sé að sölumanninn vantar stuðning.

[Linda Linnet Hilmarsdóttir, 11.4.2008 kl. 17:29]

Góða helgi

[tanta (IP-tala skráð) 11.4.2008 kl. 19:25]

Hvernig væri að taka upp nýja stríðstækni við sölumannsdrusluna.  Skilja eftir súkkulaðimola eða rós handa honum stilla stólin til baka og þ.h.gá hvort hann svari ekki í sömu mynd.  ef það gengur ekki þá bara  annars hafðu það gott um helgina.

[Guðríður Hrefna Haraldsdóttir, 11.4.2008 kl. 19:39]

Ein skilaboðin til hans í símanum í gær voru þau að ef hann skildi við skrifborðið eins og hann kom að því myndi ég skilja eftir gjafir handa honum, súkkulaði og slíkt. Það virkaði ekki, frænkubeib ... Það er skollið á stríð. Ég setti þykkan trefil í stólinn minn í fyrradag og miða sem á stóð Bannað að snerta þennan stól! Skildi svo gamla stólinn hennar Steingerðar eftir fyrir hann, þennan sem á ekki að vera hægt að breyta ... en honum hefur samt tekist það, strákdruslunni. Það er góður stóll en ekki notaður, heldur dýrkaður sem minjagripur um ástkæra fyrrum samstarfskonu. Í gær var gaurinn búinn að stela mínum stól og breyta honum í tætlur. Hann vill bara vera í stríði.

[Sigga (IP-tala skráð) 11.4.2008 kl. 20:13]

Er ekki til gamall og bilaður sími þarna einhversstaðar sem þú getur sett á borðið hjá þér á kvöldin?  Þá geturðu beðið einhvern laghentan að fiffa þann síma þannig að þegar sölumannskvikindið setur tólið á eyrað þá fær hann heiftarlegan rafstraum.  Svo felurðu bara þinn síma á góðum stað þar sem hann nær ekki í hann.  Svo geturðu smurt borðið með einhverju ógeðslegu illa lyktandi klístri, sett platkúk eða eitthvað álíka ógeðslegt í stólinn, dauða rottu undir borð sem hann stígur á og hún smyrst undir lappirnar á honum.  Það er hægt að láta sér detta ýmislegt í hug.  Það er bara vitleysa að ætla að fara að spreða blómum og súkkulaði í þetta óbermi.  Þú kaupir svoleiðis bara fyrir sjálfa þig.  Gangi þér vel.