Bókmennta- og fótboltablogg

Afar girnileg bók beið mín í póstkassanum í gær. Útgáfan á Akranesi (Uppheimar) sendi mér nýjustu afurð Camillu Läckberg, Steinsmiðinn. Ég byrjaði á henni í gærkvöldi og var strax mjög spennt en þurfti því miður að sofa í nótt ... las svo í dag fram að næstu truflun sem var leikur Manchester United-Arsenal heima hjá Míu systur. Er þó komin á bls. 383 af 444 svo hún klárast á eftir. Hrikalega spennandi og skemmtileg bók!

Er að pæla, ætli þjálfara Arsenal hafi verið gert að skipta um nafn þegar hann tók við liðinu á sínum tíma? 

Leikurinn fór að óskum fyrir MU-fólk og eiginlega fleiri því völvan okkar á Vikunni sagði í desember sl. að MU myndi sigra í úrvalsdeildinni nú í vor. Það væri flott að geta grobbað sig af því. Annars væri mun smartara ef Vikan héldi með Wigan. Hún sagði meira um fótbolta ... ma.a. að Valur og ÍA myndu berjast um fyrsta sætið hér! 

Athugasemdir

[Jenný Anna Baldursdóttir, 13.4.2008 kl. 18:15]

Er þetta krimmi þessi bók?

[Guðríður Hrefna Haraldsdóttir, 13.4.2008 kl. 18:16]

Ójá, þetta er sko krimmi af betri sortinni!

[Sigga (IP-tala skráð) 13.4.2008 kl. 18:17]

Til hamingju með erfðaprinsinn í gær! Er Camilla jafngóð og Lisa Marklund? Ef ekki dottið í þá fyrrnefndu ennþá?

[Guðríður Hrefna Haraldsdóttir, 13.4.2008 kl. 18:25]

Takkkkk.

Já, mér finnst það! Þótt þetta séu ekki framhaldsbækur þá myndi ég byrja á þessi fyrstu þar sem þær fjalla um sama fólkið; sömu lögguna og sama staðinn. Ég er mjög hrifin!

[Helga Magnúsdóttir, 13.4.2008 kl. 18:41]

Er það sú fyrsta sem þú ert með? Mig langar alltaf í nýjar bækur þótt ég sé með heilu staflana eftir að hafa farið tvisvar til útlanda í mars. Meira, meira, segir gráðuga ég.

[Guðríður Hrefna Haraldsdóttir, 13.4.2008 kl. 18:56]

Nei, sú þriðja. Ég var að klára hana, það var engin leið að hætta!

1. Ísprinsessan. 2. Predikarinn. 3. Steinsmiðurinn. 

[Sigga (IP-tala skráð) 13.4.2008 kl. 19:51]

ok, ég held meira að segja að ég eigi Ísprinsessuna. Tek mark á þínum smekk, þú varst nú ein af fáum sem fjallaðir opinberlega - og svo fagmannlega - um drenginn minn og hljómsveitina þegar diskurinn þeirra kom út. Svo þú og Tom Waits hafið sama smekk rokkdrottningin þín!

[Guðríður Hrefna Haraldsdóttir, 13.4.2008 kl. 20:14]

Já, innilega til hamingju með drenginn! Ferskir strákar úr norðrinu (Soundspell) stálu bara sigrinum, æðislegt. Ég var þrælmontin fyrir þína hönd og annarra Íslendinga.

[sigþóra (IP-tala skráð) 13.4.2008 kl. 21:15]

 Já þetta var sko flottur sigur fyrir mína menn.  Þú ert alltaf að lesa svo spennandi bækur komst því miður ekki til þín um helgina hef samband í vikunni. Reyndu nú að vakna snemma á morgun  keddlingin mín

[Magnús Geir Guðmundsson, 13.4.2008 kl. 21:45]

Guðríður, í þinn hug koma stundum svo fyndnar pælingar að vel heima ættu í handritagerð Spaugstofunnar! Wenger karlinn hefur nú verið rúm 10 ár þarna við stjórn, en mér vitanlega hefur engum dottið þessi snilld þín um nafnið hans í hug fyrr!

Og já, fyllsta ástæða til að óska hinni mjög svo ljúfu og góðu útvarpskonu Sigríði P. innilega til hamingju með soninn Alexsander og félaga hans í Soundspell, með sigurinn í lagakeppninni í USA! Og þeir stálu nú engu þarna Gurrí, höfðu bara betur í augum þessara sem dæmdu, auk Waits t.d. sjálfs rokkjöfursins Jerry Lee Lewis og Frank Black úr Pixies. Hver veit nema gömlu sannindin séu enn og aftur að rætast á þeim líkt og Björk og Sykurmolunum og Mezzoforte, m.a. að upphefðin komi að utan og að "Engin sé spámaður í sínu föðurlandi"!?

[Steingrímur Helgason, 13.4.2008 kl. 21:57]

Villtist hérna inn fyrir tilviljun, hver ert þú, hvað er fótbolti ?

[Guðríður Hrefna Haraldsdóttir, 13.4.2008 kl. 22:00]

Hehhe, já, það er svolítið fyndið að heita Arsene ... og stjórna Arsenal.

Þeir hafa nú alveg verið spámenn í eigin föðurlandi, strákarnir, þetta er náttúrlega bara svo rosalega flott hjá þeim að fá þessi verðlaun. Margir elskuðu Sykurmolana á sínum tíma og þegar þeir náðu heimsathygli fóru fleiri hér á landi að sperra eyrun og hlusta á tónlist þeirra. Ósammála "vælinu" í þeim um það.

Já, Sigþóra, alltaf velkomin! Kannski á morgun?

Áfram ÍA, Einar!!! Úje! 

[Guðríður Hrefna Haraldsdóttir, 13.4.2008 kl. 22:05]

Hehhehe, Steingrímur, hæ. Ég heiti nú bara Gurrí og hef gaman af stelpum og strákum sem skjóta leðurtuðru á milli sín og reyna að hitta í mark. Ávallt velkominn.

[Guðný Anna Arnþórsdóttir, 13.4.2008 kl. 22:15]

Gurrí kær, hefur þú lesið Berlínaraspirnar?????

[Guðríður Hrefna Haraldsdóttir, 13.4.2008 kl. 22:32]

Já, mig minnir það ... les þvílíkan fjölda að ég þyrfti að fletta henni, alla vega kíkja á byrjunina. Minnir að mér hafi fundist hún fín.

[Magnús Geir (IP-tala skráð) 14.4.2008 kl. 00:39]

Þó ég, þú , kraftaverkabloggarin Jens Guð og nokkrir aðrir hafi jú veitt þeim athygli og góða umsögn auk þess sem sveitin vann einhverja samkeppni hjá Samfylkingunni, þá hefur ekki mikið verið um þá fjallað né seldist platan þeirra Ode to An Umbrella ekki í bílförmum. Það gæti breyst núna mín kæra við þessi tíðindi og við það átti ég með upphefðinni.

Þú ættir nú bara að halda spjaldskrá yfir bækurnar sem þú hefur lesið um og skrifað um sömuleiðis og plöturnar kannski líka!

[Sigga (IP-tala skráð) 16.4.2008 kl. 23:39]

Takk kærlega  strákarnir í Popplandi hafa verið býsna duglegir að spila þá og Andrea Jóns. hefur verið dyggur stuðningmaður Soundspell frá upphafi. Sama má segja um Felix Bergs. og Rúnu og fleiri. Árni Matt og Arnar Eggert hafa líka talað vel um þá síðan platan kom út en allra besta dóminn fengu þeir í Grapevine. Þeir eru bara ekki markaðssettir í kaf eins og hljómsveitir hjá þeim stóru og þess vegna verið meira eins og grasrótarband. Ekki verið keypt ein einasta lítil auglýsing, hvorki í prentmiðlum né ljósvakamiðlum. Svo er það þannig að krakkar á þeirra aldri kaupa varla plötur, segjast ekki þurfa þess því einhver í skólanum keypti eina og nú eiga allir lögin þeirra á Ipodnum.