Ritskoðun á boldinu

Vegna síðustu atburða sem skekja boldheima hef ég ákveðið að skrifa mun varlegar en áður um þá atburði sem eiga sér stað í þáttunum. Ég tel þó alls ekki að skrif mín hafi einkennst af hatri gagnvart Forrester-liðinu, síður en svo, ég hef þó mögulega verið ögn dómhörð vegna þeirrar viðleitni boldarana til að stunda sígiftingar ... skipta reglulega út börnunum og láta mun eldri leikara í þeirra stað svo hægt væri að láta þá elstu hafa eitthvað nýtt til að sofa hjá og svo auðvitað til að giftast. Dæmi: Tómas og tvíburarnir, sem þroskuðust óhugnanlega hratt, Tómas var meira að segja farinn að sofa hjá Amber, áður en hún hvarf. Tvíburarnir, sem bara í fyrra eða hittiðfyrra voru dúllulegar þriggja ára dömur, eru nú unglingar og stutt er í að Rick, föðurbróðir þeirra en þó ekki blóðskyldur, fari að deita aðra þeirra inni í framtíðinni.

Handritshöfundar mega eiga það að þeir hafa verið afar passasamir við að rjúfa blóðtengsl þegar það á við. Aldur skiptir heldur engu máli, það er ekki einu sinni ósmekklegt þótt Rick, sonur Brooke, áður kvæntur Amber, barnapíunni sinni, sé farinn að vera með Taylor, sem áður var gift Ridge og á með honum Tómas og tvíburanna, síðar Nick og átti með honum barn sem var í raun ekki hennar, heldur flæktust egg Brooke óvart í Taylor með þeim afleiðingum að Taylor gekk með barn erkióvinkonu sinnar. Bíddu, hvar var ég, já, Taylor og Rick eru farin að vera saman og það finnst Brooke, mömmu Ricks, alveg hræðilegt, því hún og Taylor bitust árum saman um Ridge og giftust honum til skiptis. Skrif mín hafa kannski verið dómhörð gagnvart afskiptasemi Stefaníu, vælinu í Ridge, botoxinu í Taylor og aumingjaskapnum í Bridgeti og fleira, en því mun ég breyta héðan í frá. Mögulega endurskoða ég gamlar færslur, kannski fjarlægi ég þær bara til að vera örugg.

Héðan í frá verður boldið að mestu skammstafað. Dæmi: F=framhjáhald. M=misskilningur. B=blóðskyldleiki. EB=Ekki blóðskyldleiki. S=sólbrennsla. BK=brúðkaup.

Athugasemdir

[Lára Hanna Einarsdóttir, 19.4.2008 kl. 01:01]

Bíddu nú við... ætlarðu að segja mér það að ég geti ekki komið hingað lengur til að fá botn í Boldið?    Það þykja mér vondar fréttir og ég mótmæli öll! 

[Guðríður Hrefna Haraldsdóttir, 19.4.2008 kl. 01:04]

Æ, ég var bara að djóka addna ... allir á blogginu að ærast, mig langaði að vera með. Auðvitað held ég áfram að bolda á fullu!!!

[Lára Hanna Einarsdóttir, 19.4.2008 kl. 01:16]

Sjúkkit...! 

[Jenný Anna Baldursdóttir, 19.4.2008 kl. 01:18]

ARG Lára Hanna mótmælir öll!!!! Mér þætti gaman að sjá það líkamlega fyrirkomulag. 

Þú verður að passa þig.  Hatur þitt á Forresterfjölskyldunni er farið að jaðra við geðveiki.

[Linda, 19.4.2008 kl. 01:26]

 Góð eins og venjulega. Takk fyrir að gefa svona hnitmiðaða lýsingu á boldinu 

kv.

[Guðríður Hrefna Haraldsdóttir, 19.4.2008 kl. 01:27]

Heheheheh, jamm, svakahatur, þetta eru snilldarþættir ... svakalega vel þýddir, sem er það besta við þá.

[Linda María (IP-tala skráð) 19.4.2008 kl. 07:53]

Ég sá Boldið fyrst þegar 17 ára sonur minn var á öðru ári. Síðan þá hef ég að meðaltali horft á 3 þætti á ári,  að undanskildu Ambertímabilinu sem ég festist í - enda rúmföst og ekki alveg með sjálfri mér.

Eru Sally og Stephanie ekki einu persónurnar sem ekki hafa sofið saman milliliðalaust?

Bíð spennt eftir erótísku göngugrinda-atriði...

[Gunna-Polly, 19.4.2008 kl. 09:17]

heyrðu mig nú skagafrú !!!þú sem ert með doktor ,master og BA í Bold , hvar er AMBER ?!!!

[kikka (IP-tala skráð) 20.4.2008 kl. 10:13]

Sjúkkitt!!

Varð skelkuð þarna eitt augnablik. Er ekki vorið komið á Skagann?

kv. kikka 

[Ísdrottningin, 21.4.2008 kl. 16:26]

Ég sé þessa þætti stórum og sjaldan enda of bindandi að festast í áhorfi sápuóperu.

Mín eina skoðun sem tengist þessum þáttum er að mér þykir afar leitt að leikkonan sem leikur Taylor skuli hafa látið krukka í andlit sitt í yngingarskyni, mér finnst hún ekki hafa uppskorið árangur þess erfiðis síns.