Dularfulla Indverjamálið leyst!

Eftir þrotlausa rannsóknarvinnu veit ég nú í hvaða erindagjörðum Indverjarnir, strætóvinir mínir, eru hér á landi. Fékk senda skýringu í kommentakerfinu mínu og takk fyrir það'. Þar segir: „Mér þykir líklegt að viðkomandi Indverji sé forritari sem hefur verið að fjarvinna fyrir Glitni í Indlandi en er í staðarvinnu eins og er. Tölvudeildin þeirra er einmitt í Europris-húsinu fyrir neðan Vífilfell. Það er ekki langt síðan tveir voru hjá Eskli í sömu erindagjörðum en Eskill er staðsettur aðeins lengra eftir Lynghálsinum.“

Annars bara sólríkur dagur, bæði á Skaganum og í Reykjavík. Mikið að gera í vinnunni, eiginlega alveg brjálað ... en það er svo sem ekkert nýtt.

 

Athugasemdir

[Steingerður Steinarsdóttir, 14.5.2008 kl. 14:39]

Alltaf gott að vita hvernig stendur á ferðum manna.

[Guðríður Haraldsdóttir, 14.5.2008 kl. 14:49]

Segðu, ég hélt að þetta væru njósnarar sem hygðu á yfirráð. Ef það þýddi eintóman indverskan mat þá væri ég reyndar alveg til í það.

[Haraldur Bjarnason, 14.5.2008 kl. 15:17]

...og dularfullu þyrlugæjarnir sem þú sást um daginn voru svo bara nokkrir töffarar af '56 mótelinu á Skaganum á leið í árgangspartí....

[Guðríður Haraldsdóttir, 14.5.2008 kl. 15:30]

Ég ætlaði aldeilis að rannsaka það furðulega mál. Voru þetta svo bara nokkrir töffarar ... ja hérna.