Nokkrir Chuck Norrisar til að lyfta geðinu

Æææ, leiðinlegt að ekki gekk að bjarga bangsa ... en við reyndum þó sem er frábært. Ég beit á jaxlinn við fréttirnar og hélt hugarró minni með hjálp Chuck Norris. Hér koma nokkrar hressandi staðreyndir um hann:

- Chuck Norris var fyrsta manneskjan til að temja risaeðlu.

- Chuck Norris getur stöðvað tímann, jafnvel í heila tvo tíma, bara með því að hugsa um ananas.

- Chuck Norris borðar striga og pensla í morgunverð og skítur meistaraverkum.

- Líkamshár Chuck Norris eru tíu sinnum sterkari en kóngulóarvefur og fimmtíu sinnum límkenndari.

- Hjarta Chuck Norris slær einu sinni í viku.

- Í piparsveinapartíi Chuck Norris borðaði hann alla tertuna áður en vinum hans gafst tækifæri til að segja honum að það hefði verið strippari inni í henni.

- Þegar eiginkona Chuck Norris brenndi kalkúninn á Þakkagjörðardaginn sagði Chuck: „Engar áhyggjur, honey,“ og skrapp út í bakgarðinn. Fimm mínútum síðar kom hann aftur með lifandi kalkúna sem hann gleypti í heilu lagi. Nokkrum sekúndum síðar ældi hann fullsteiktum kalkúnanum og að auki trönuberjasósu. Þegar kona hans spurði hann hvernig hann hefði farið að þessu tók hann hringspark í andlitið á henni og sagði: „Aldrei spyrja Chuck Norris.“

- Chuck Norris var fjórði vitringurinn. Hann færði jesúbarninu sjálft skeggið að gjöf sem Jesú bar til dauðadags. Hinir vitringarnir beittu áhrifum sínum til að nafn Chucks yrði afmáð úr biblíunni. Ekki svo löngu síðar létust þremenningarnir af völdum einhvers tengdu hringsparki.

- Hver fruma í líkama Chuck Norris hefur eigið skegg.

- Það rignir aldrei á Chuck Norris.

- Þegar Chuck Norris rekur við kemur lykt af nýbökuðum kanilsnúðum.

- Sumir fá sér pepperoni á pítsuna sína, aðrir fá sér sveppi. Yfirleitt fær Chuck Norris sér Venesúela.

- Þegar Chuck Norris var í fríi á Spáni borðaði hann skemmda paellu sem olli þeim versta niðurgangi sem nokkur hefur fengið í sögu mannsins. Þessi niðurgangur heitir nú Frakkland.

- Eftir skoðanakönnun sem gerð var nýlega kom í ljós að 93% kvenna hugsar um Chuck Norris í samförum. Í svipaðri könnun kom í ljós að Chuck Norris hugsar um Chuck Norris í 100% tilfella.

- Chuck Norris talar um sjálfan sig í fjórðu persónu.

- Chuck Norris hallaði sér einu sinni upp að turni í Písa á Ítalíu.

- Chuck Norris á afmæli þrisvar á ári.

- Chuck Norris er ekki með venjuleg hvít blóðkorn eins og annað fólk. Utan um hvítu blóðkornin hans er lítill, svartur hringur sem þýðir að þau eru með svarta beltið og gefa hverri bakteríu sem kemur óboðin hringspark. Þess vegna veikist Chuck Norris aldrei.

- Þegar Chuck Norris segir upp kærustunum sínum segir hann: „Það er ekki ég, það ert þú!“

- Maður nokkur spurði Chuck Norris eitt sinn hvort rétt nafn hans væri Charles. Chuck Norris svaraði ekki heldur starði á manninn þar til haus mannsins sprakk.

- Kvikmyndin Alien vs. Predator er byggð á fyrstu kynlífsreynslu Chuck Norris.

- Chuck Norris hringsparkaði Bruce Lee eitt sinn og Bruce brotnaði í tvennt. Þannig urðu Jet Li og Jackie Chan til.

Ísbjörninn að Hrauni dauður

Athugasemdir

[Ásdis (IP-tala skráð) 17.6.2008 kl. 20:19]

Ha, ha, ha, það hefði alveg nægt manni að hafa þennan texta til að lifa af daginn, og næstu viku líka.

[Jenný Anna Baldursdóttir, 17.6.2008 kl. 20:55]

"Í piparsveinapartíi Chuck Norris borðaði hann alla tertuna áður en vinum hans gafst tækifæri til að segja honum að það hefði verið strippari inni í henni."

Nú "brosti" ég.

[Sylvester, 17.6.2008 kl. 21:04]

"Chuck Norris went to The Virgin Islands, now they are just called, The Islands."

"Chuck Norris sefur með næturljós, ekki vegna þess að hann er myrkfælinn heldur vegna þess að myrkrið hræðist Chuck Norris." 

[Guðríður Hrefna Haraldsdóttir, 17.6.2008 kl. 21:53]

Takk, Sylvester. Chuck Norris er frábær. Nýlega fékk ég gefins bók sem er full af skemmtilegum staðreyndum um hann.

[Álfur (IP-tala skráð) 17.6.2008 kl. 22:29]

Þegar Chuck Norris gerir armbeyjur, ýtir hann jörðinni frá sér.

[d (IP-tala skráð) 17.6.2008 kl. 22:55]

Þegar Chuck Norris fer í sund, þá blotnar hann ekki. Vatnið Chuckast!

[Guðríður Hrefna Haraldsdóttir, 17.6.2008 kl. 23:31]

Hhahahaha Takkkk, meira svona!

[Edda Agnarsdóttir, 18.6.2008 kl. 01:23]

Ég skil hvorki upp né niður! En það er líka ágætt stundum.

[Jóna Kolbrún Garðarsdóttir, 18.6.2008 kl. 01:25]

 Frábærir brandarar

[Jón Steinar Ragnarsson, 18.6.2008 kl. 01:52]

Alger snilld. Nú næ ég ekki að sofna. Klúkka og flissa fram í rauða nóttina. Skammastu þín.

[Tsjökk Norriss (IP-tala skráð) 18.6.2008 kl. 03:08]

Chuck Norris can touch MC Hammer.

Chuck Norris hnerrar með augun opin.

Chuck Norris þarf aldrei að kíkja á klukku, hann ákveður hvað klukkan er.  

Orkan sem fór í miklahvell var nákvæmlega eitt CNHS (mælieining miðuð við orkuna í einu Chuck Norris Hring Sparki) 

Þegar þú ferð í samræmdu prófin skaltu svara öllum spurningum með "Chuck Norris", þá færðu 11

Chuck Norris á sér 12 fylgitungl 

Sumir sofa í Superman-náttfötum, Superman sefur í Chuck Norris-náttfötum

[Tsjökk aftur (IP-tala skráð) 18.6.2008 kl. 03:11]

Chuck Norris rekur tærnar aldrei í, stundum brýtur hann þó óvart þröskulda, borðlappir, gangstéttabrúnir og brunahana þegar þeir eru fyrir tánum hans.

[Helga Magnúsdóttir, 18.6.2008 kl. 10:34]

Chuck Norris er vitanlega ekkert venjulegur! Ertu með heila bók um hann? Ja hérna hér.

[Anna Ólafsdóttir Björnsson, 18.6.2008 kl. 11:21]

Við Hanna fórum hlæjandi inn í svefninn eftir að hún var búin að lesa nokkur Chuck Norris gullkorn fyrir mig. Núna las ég restina og þau eru ekki síðri. Þetta er hillaríus!

[Soffía Valdimarsdóttir, 18.6.2008 kl. 14:07]

Krææææææst hvað þetta bull er fyndið.

Ég er skellihlæjandi upphátt hérna í vinnunni.

Takk fyrir mig.

[Ásdís Sigurðardóttir, 18.6.2008 kl. 17:08]

Ég er hér í Sönderborg og er að míga á mig úr hlátir, er í matarboði hjá vinum okkar sem fíla Chuck Norris, takk elsku Gurrý.  Hlakka til að hitta þig fljótlega og allavega 12.ágúst.

[doddý, 18.6.2008 kl. 21:55]

það líka veggur sem sagði að sá vægði sem vitið hefði meira, þegar hafnfirðingurinn hallaði sér upp að honum - ekki er hann chuck gaflari?

kv d 

[Theódór Norðkvist, 18.6.2008 kl. 23:47]

Nýjustu fréttir herma að göngumenn norður á Ströndum hafi séð til ísbjarnar við rætur Drangajökuls. Almannavarnir ákváðu að fá Chuck Norris til landsins til að ná birninum. Hann varð við þeirri beiðni og fann björninn uppi á jöklinum.

Einn göngumannanna náði þessari mynd af átökunum. Ég vorkenni dýrinu (þessu hægra megin á myndinni.)

 

[Guðríður Hrefna Haraldsdóttir, 18.6.2008 kl. 23:53]

Hhahahaha, þú drepur mig, Theódór, takk fyrir að senda mér myndina. Gott hringspark hjá kallinum. Aumingja ísbjörninn!

Já, og takk Tsjökk fyrir að bæta við. Ég held ég þurfi að þýða fleiri upp úr bókinni góðu, heill hellingur eftir  af góðri snilld!

[Theódór Norðkvist, 19.6.2008 kl. 00:24]

Ekkert að þakka.

[Haraldur Bjarnason, 19.6.2008 kl. 05:45]

Tær snilld allt saman!!!