Tekjur nokkurra bloggara ...

Guðdómleg strætóferð í morgun og svo beið mín glóðvolgt DV í vinnunni með tekjum heitustu bloggaranna ... og þeirra köldustu. Ég fór í flokk með þeim kúlustu ... æ, grín, þetta var ekki flokkað en ég er brjáluð út af myndinni af mér í blaðinu, ég lít út eins og vélsagarmorðingi, nú verður myndasafni DV rústað, djö ...

Tekjur nokkurra súperdúperbloggarra:

Anna Kristjánsdóttir, 503.182 krónur

Stefán Friðrik Stefánsson, 2.923 krónur

Sóley Tómasdóttir, 562.962 krónur

Stefán Pálsson, 367.044 krónur

Jón Valur Jensson, 116.352 krónur

Kolbrún Baldursdóttir 326.673 krónur

Katrín Anna Guðmundsdóttir 153.894 krónur

Jenný Anna Baldursdóttir, 182.343 krónur

... og undirrituð var með 335.000 krónur (ég veit að þið lifið daginn ekki af nema vita þetta) Það var víst algjört  misminni hjá mér að ég hefði verið með um milljón á mánuði eins og ég bloggaði um nýlega, bið innilega velvirðingar á þessum mistökum. Ætlaði reyndar ekki að vera svona sjálfhverf að birta eigin tekjur en ég ætla ekki að vera með neina fokkings gervihógværð ... svona þegar síðasta helgi lífs míns sem 40 plús konu er að renna upp. Svo getur þetta líka virkað lokkandi á berklaveik, bláfátæk ljóðskáld sem langar í fallega og prýðilega fyrirvinnu ... svo ég fari nú kannski að ganga út.

Knús í bili á þessum klikkaða föstudegi. Þá er ég ekki bara að tala um sólina, heldur þá vinnu sem bíður mín í dag ... en það er gaman í vinnunni, elsku vinnunni minni. Hafið það dásamlegt í dag og passið ykkur á sólinni.

Athugasemdir

[Guðmundur G. Hreiðarsson (IP-tala skráð) 8.8.2008 kl. 09:44]

Unnuð þér ekki hjá Söginni, hérna í den, hm? Á næturvakt, hm ?

[Guðríður Haraldsdóttir, 8.8.2008 kl. 09:53]

Nei, Guðmundur, aldrei hjá Söginni ehf ... en um tíma hjá Brotnir handleggir hf og á þeim tíma var myndin tekin.

[Jóna Á. Gísladóttir, 8.8.2008 kl. 10:33]

Vélsagarmorðingi... muuuhhaaaaaaaa

[Jenný Anna Baldursdóttir, 8.8.2008 kl. 10:55]

Gvöð ég er aumingi.

[Guðríður Haraldsdóttir, 8.8.2008 kl. 11:02]

Mér finnst þú enginn aumingi, frú Jennríður. Þetta þykja aldeilis ágæt hálfsdagslaun ... fyrir konu. Það eru sumir þarna enn nægjusamari en þú ...

[Bergljót Hreinsdóttir, 8.8.2008 kl. 11:11]

Múhaha...mamma ég er hrædd!....það er VÉLSAGARMORÐINGI á blogginu...!!!!

Reyndar mjög vingjarnlegur að sjá....

[Jenný Anna Baldursdóttir, 8.8.2008 kl. 11:20]

Ég er sátt hehe, bara varð að bera mig saman við stóru karlana.  Það er mér í hag

En ég er að grátbiðja þá á DV að leyfa mér að vera áskrifandi en þeir svara ekki meilum.  Playing hard to get?

[Guðríður Haraldsdóttir, 8.8.2008 kl. 11:21]

Hehhehehe

[Einar Örn Einarsson, 8.8.2008 kl. 12:23]

Er þetta ekki prentvilla með Stefán Friðrik? Eða er þetta tímakaupið hjá honum??

[Hólmdís Hjartardóttir, 8.8.2008 kl. 12:30]

berklaveikt ljóðskáld HAHAHA

[Ragnheiður , 8.8.2008 kl. 13:12]

Já vesalings Stebbi, hvað meinið þér frú ?

Þú getur bara alls ekki litið út eins og vélsagarmorðingi...þú verður að birta myndina ef ég á að trúa því !

[Markús frá Djúpalæk, 8.8.2008 kl. 13:16]

Mikið er ég Guðslifandi feginn að vera ekki svona listamaður...

[Kolgrima, 8.8.2008 kl. 15:16]

Segi það nú, er þetta ekki missýning? Hvar er myndin?

[Ásdís Sigurðardóttir, 8.8.2008 kl. 15:54]

Ertu að grínast með Stebba? eða er hann með fyrirtæki? ég hefði nú alveg sómt mér vel þarna með mín laun ca. 140.000 á mánuði, allavega hærri en sumir. Vélsagar hvað? það getur ekki verið. Knús

[Númi (IP-tala skráð) 8.8.2008 kl. 16:58]

Er það ekki skrökulýgi tekjur þessa Stefáns,hlýtur að vera prentvilla.

[Guðríður Haraldsdóttir, 8.8.2008 kl. 17:29]

Svona leit þetta út í fyrra:

1. Sóley Tómasdóttir 579.908
2. Anna K. Kristjánsdóttir 498.579
3. Kolbrún Baldursdóttir 476.116
4. Ármann Jakobsson 463.165
5. Stefán Pálsson 441.574
6. Hafrún Kristjánsdóttir 370.720
7. Gaukur Úlfarsson 353.809
8. Tómas Hafliðason
9. Atli Fannar Bjarkason 284.736
10. Þrymur Sveinsson 273.600
11.Gunnar Hjálmarsson 242.252
12.Jenný Anna Baldursdóttir 170.318
13.Óli Gneisti Sóleyjarson 108.723
14.Jón Valur Jensson 97.986
15.Katrín Anna Guðmundsdóttir 75.001
16.Helga Vala Helgadóttir 18.045
17.Stefán Friðrik Stefánsson 7.292

[Einar Örn Einarsson, 8.8.2008 kl. 17:39]

Ég er nú svo aldeilis hlessa. Ég bara ætla ekki að skrifa það sem ég hugsa  Það hlýtur að vera einhver skýring á þessum undarlegu tölum neðst á listanum.

[Haraldur Bjarnason, 8.8.2008 kl. 17:44]

Eigum við ekki að slá í púkk fyrir þá sem allra minnst mega sín. Það gengur ekki að fólk eigi varla fyrir einni máltíð í mánuði.

[Guðríður Haraldsdóttir, 8.8.2008 kl. 19:12]

Held að þetta sé mestmegnis valið fólk.

[Jón Steinar Ragnarsson, 8.8.2008 kl. 19:46]

Ég heimta kertafleytingu fyrir Stebba Fréttakall til að sýna samúð.  Afraksturinn af kertasölunni gæti farið til styrktar SUS t.d. Jenný og Anna: Getið þið ekki látið eitthvað af hendi rakna til undirbúningsins?

[Jenný Anna Baldursdóttir, 8.8.2008 kl. 20:30]

Eitt er að láta troða sér á lista, annað að láta diskútera sig í kommentakerfum.

Er ekki viss um að mér líki það.

[Jenný Anna Baldursdóttir, 8.8.2008 kl. 20:31]

Ég legg í púkkið prakkari.  Þó það nú væri enda góðhjörtuð með eindæmum.

[Ragnheiður , 8.8.2008 kl. 20:44]

Það hefði nú samt verið heppilegt ef þú hefðir fundið mig þarna, ég hef ekki grun um hvað ég er með í tekjur á ársgrundvelli ! Er það eitthvað sem maður á að hafa á takteinum annars ? Eða er ég utan við mig í því eins og flestu öðru ?

[Dunni, 8.8.2008 kl. 20:50]

Heyrðu Guðríður.

Miðað við hvernig þú boggar ættir þú að vera lang-lang-tekjuhæsti bloggarinn. Það er sannkallaður gleðigjafi að líta inn hjá þér.

[Jens Guð, 8.8.2008 kl. 21:42]

  Það vekur undrun hvað margir hafa tekið á sig launalækkun á síðasta ári.  Hvað veldur?  Kreppan skall ekki á fyrr en í ár?  Mér sýnist launalækkun Stefáns nema um 60%.  Hvað er í gangi?  Og hvernig á kreppan eftir að leika blessaða bloggarana?  Þetta veldur áhyggjum.

[Guðríður Haraldsdóttir, 8.8.2008 kl. 21:49]

Það eru án efa fullgildar ástæður fyrir þessum lágu upphæðum sem margir eru með í skattskránni, m.a. einn ríkasti maðurinn hér á Akranesi sem var með núll, minnir mig. Fjármagnstekjur heitir það, skilst mér. Það getur enginn verið svona nægjusamur meðan að matvörur hækka svona, hvað þá bensínið. Annars tók erfðaprinsinn bensín í gær hér á Skaganum og kostaði lítrinn 162 krónur, við hliðina var ÓB og þar kostaði 161 krónu. Hjá ÓB í Mosó kostaði bensínið yfir 165 krónur í gær, mjög dularfullt. Já, ég er nörd, tek eftir svona tölum þótt ég ferðist um með strætó!!!

[Ævar Örn (IP-tala skráð) 8.8.2008 kl. 22:13]

Enn dularfyllra þykir mér þó að þú hafir fundið ÓB-stöð í Mosó...

[Guðríður Haraldsdóttir, 8.8.2008 kl. 22:15]

Sá skilti sem ... mig minnir að hafi staðið ÓB á, var rétt hjá N1 og KFC.

[Einar Örn Einarsson, 8.8.2008 kl. 22:55]

Hvernig get ég lagt inn í söfnunina?? Reikningsnúmer takk

[Magnús Geir Guðmundsson, 8.8.2008 kl. 22:55]

Gurrí!

Varstu að ávarpa mig, ertu að biðja mín?

En nei, getur varla verið er ég með herkjum hugsa þetta án geðshræringar, vantar nefnilega berklaveikina! Hoppandi þunglyndi, yrði líklega að vera Rússi til að uppfylla þetta alveg, berklarnir útsauðir á Íslandi, arrrg, niður með SÍBS!

En hehe, fór ekki svo fjarri þegar ég bullaði um krónurnar í þínu launaumslagi, sagði 393!

En það er nú bæðiog með fjármagnstekjurnar, sem jú sumir hafa í gríðarmæli og eingöngu, en hitt er mun meir afgerandi þ.e.a.s. einkahlutafélögin, sem fleiri og fleiri stofna í kringum sjálfa sig og sína vinnu, þar er aðeins um tíund goldin til keisarans!

En hví skildu við Jens ekki vera þarna líka með okkar litlumiklu eða miklulitlu tekjur? Við sem erum svo skemmtilegir!

Ástarkveðja til þín fröken Blómlegust!

[Edda Agnarsdóttir, 8.8.2008 kl. 23:04]

Vaá bara fjör hér!

[alva (IP-tala skráð) 8.8.2008 kl. 23:09]

Mér finnst þetta hrikalega fyndið...laun bloggara...er fólk virkilega að spá í þetta, hahaha...

Góða helgi

[Lilja Guðrún Þorvaldsdóttir, 8.8.2008 kl. 23:49]

Hafa sumir virkilega lækkað í launum frá í fyrra, - hvernig verður það þegar líður á árið. - Eða er þetta djók?

[Guðríður Haraldsdóttir, 8.8.2008 kl. 23:59]

Ég djóka aldrei ... þegar kemur að launum bloggara! Þetta mátti finna í DV í dag og fleiri nöfn reyndar, vildi ekki skemma söluna á DV og skellti bara nokkrum inn af handahófi! Gamla listann var svo að finna í Mannlífi í fyrra. Stal honum af annarri bloggsíðu án nokkurrar miskunnar, eða frá Tómasi Hafliðasyni sem af hógværð birti ekki eigin laun.

[Valgeir Örn (IP-tala skráð) 9.8.2008 kl. 01:16]

Nú þarf bara að sýna sjúkraskýrslur fólks, það er óþolandi þessi leynd á þeim. Ég flutti í blokk hérna í Safamýrinni fyrir þremur árum og það eru tveir nágrannar mínir eitthvað ruglaðir í hausnum. Ég treysti mér ekki að leyfa börnunum mínum að leika einum frami á gangi. Ég skil ekki þessa viðkvæmni með sjúkraskýrslur? egium við ekki að búa í fordómalausu samfélagi?

Það meiga allir vita það að ég hef farið í aðgerð á hnéi, meira að segja tvisvar. Við eigum rétt á þessum upplýsingum það er líka bara holt fyrir lýðræðið að vita þetta. Ég vil ekki einhverja klikkhausa til að stjórna landinu.

[Kristinn Jónsson, 9.8.2008 kl. 01:43]

Ertu í allvöru að væla yfir þessu?. Sorry er að hlusta á ABBA, á erfitt með að einbeita mér.

En þú ert samt með tekjur vel yfir meðallagi.  Hvað er að ?

[Eiríkur (IP-tala skráð) 9.8.2008 kl. 06:55]

Hver er að væla hér Kristinn?

Frábært framtak að birta þetta ha ha ha, sá þetta einnig í DV, bloggið er orðið svo stór hluti af þjóðarsálinni. Tómt fjör!!!

[www.zordis.com, 9.8.2008 kl. 09:21]

Nauðsynlegur fróðleikur!

Njóttu daganna í + ......

[Guðríður Haraldsdóttir, 9.8.2008 kl. 12:08]

Jamm, ég stal þessu bara úr DV ...

Anna, ég er enn það pen, enn fjörutíuogeitthvað, og leyfi bara strákunum að sjá um þetta. Bókin Reglurnar segir strangt til tekið að ég eigi bara að halda kjafti og vera sæt í strákamálunum. Þegar ég blogga er ég t.d. alltaf vel til höfð og með lokaðan munninn.

[Guðrún Jóhannesdóttir, 9.8.2008 kl. 14:46]

alltaf gaman að líta hér við og greinilegt að færslan hreyfir við fólki

Takk fyrir þetta Boldlausa blogg

(nota bene er mjög háð boldfærslunum þínum) 

[Steingrímur Helgason, 9.8.2008 kl. 23:40]

Árlega er ég skíthræddur við að lenda á þezzum 'aftökulista' þínum.

Reynar er þetta dáldið í anda dagzin, sýnir að sumir 'bloggmenn' skaffa betur en konurnar.  Jafnrétti er klárlega ekki náð.

(Reyndar finnzt mér nú perzónulega að mogginn ofborgi Stebba litla á spariskónum fyrir hanz bloggerí, en það er nú bara mín sérskoðun!)

[Guðríður Haraldsdóttir, 9.8.2008 kl. 23:58]

Já, þetta er nú samt bara stolið frá öðrum fjölmiðlum, DV og Mannlífi. Og bara hluti bloggaranna. Ég skal passa upp á þig Steingrímur minn ef ég get ...

Er búin að vera á kafi í afmælisundirbúningi og ekkert mátt vera að því að bolda, bæti úr því á morgun. Allt það nýjasta um Ridge, Taylor, Nick og kó á morgun.

[Breiðholtshatarinn (IP-tala skráð) 10.8.2008 kl. 00:54]

Stefán Friðrik er oflaunaður

[Jóna Kolbrún Garðarsdóttir, 10.8.2008 kl. 03:23]

Kannski er  Stefán Friðrik að fá laun frá blog.is hann virðist hafa nægan tíma til þess að blogga í tíma og ótíma.

[Einar Indriðason, 10.8.2008 kl. 09:25]

... ég blogga alltaf með tunguna út í annað munnvikið... það þarf jú að einbeita sér að svona alvarlegum hlut eins og að blogga er....

[Heiða B. Heiðars, 10.8.2008 kl. 19:22]

Jæja..þá er sú ástarsaga úr sögunni! Glætan að ég fari að gefa Stebba auga fyrir þessa tvo sundkalla!

Ég sem hélt að hann væri múraður...lifði bara af vöxtunum og sona og alltaf að blogga