Spennufall hjá þjóðinni

Hvað nú? Ólympíuleikarnir búnir, líka menningarnótt og ekkert fram undan til að hlakka til og æsa sig yfir nema þá helst blessuð jólin og klikkunin í kringum þau. Fyrrihluti árs og sumarið inniheldur mun fleiri uppákomur sem hægt er að hlakka til: Nýársdagur, bolludagur, páskarnir, sumardagurinn fyrsti, 1. maí, 17. júní, gaypride, afmælið mitt, menningarnótt og fleira og fleira. Að vísu er Formúlan ekki búin og heldur ekki Landsbankadeildin.

Nú fer t.d. fram fótboltaleikur hér á hlaðinu fyrir neðan himaríki, ÍA-HK. Staðan er 1-2 í hálfleik. Femínistinn (erfðaprinsinn) lætur gengi liðsins okkar ekki skemma fyrir sér spenninginn en hann hefur nám nú í vikunni eftir langt hlé, skólinn hans verður settur í fyrramálið. Hvað með það þótt við spilum í 1. deild eitt sumar ... ef við föllum? Ég fylgist óbeint með leiknum í beinni lýsingu (skrifum) á mbl.is og þegar ég heyri öskur fer ég á síðuna og sé innan tíðar hvað hefur gerst.

Vona að kvöldið verði ljúft og að nóttin færi ykkur góða drauma.

Athugasemdir

[Ragnheiður , 24.8.2008 kl. 19:09]

Gurrí mín, nú slökum við á fram að jólum nema ég ætla að eiga afmæli þarna á milli

[Kolbrún Baldursdóttir, 24.8.2008 kl. 19:34]

Já það er mikið spennufall og allir hálf dasaðir í dag.  Nú er að endurheimta kraftinn og röddina sem sérstaklega hvarf í fyrradag.

[Jenný Anna Baldursdóttir, 24.8.2008 kl. 19:41]

[Þröstur Unnar, 24.8.2008 kl. 19:44]

Alltaf eitthvað að hlakka til. Næst er það snjórinn, frost og funi með stórum vetrardekkjum undir háfjallajeppan. Skuggalegt hvað það er margt til að hlakka til og frá, frá og til. Til hamingju með silfrið.

Til er skemmtilegt orð.

[tanta (IP-tala skráð) 24.8.2008 kl. 19:44]

gengur ekkert betur hjá mínum mönnum vonandi halda þeir sér samt nú uppi.  En það er alltaf eitthvað til að hlakka til,

ef ekki þá finna bara eitthvað. Strætó ferð á morgun t.d.

kveðja tanta

[Villi Asgeirsson, 24.8.2008 kl. 20:03]

Ég get ekki annað en hlakkað til kvikmyndahátíðarinnar í Reykjavík í október, enda er mér og myndinni boðið. Það verður afsökun til að koma heim í þriðja skiptið á árinu.

[Guðríður Hrefna Haraldsdóttir, 24.8.2008 kl. 20:33]

Já, það er sko alveg hellingur sem hægt er að hlakka til, svona fyrir utan jólin, svona þegar þið segið það.

[Guðný Anna Arnþórsdóttir, 24.8.2008 kl. 21:58]

Úff, já, afmælið þitt, menningarnótt, utanlandsferðir, OL .... allt búið. Help me, Rhonda.

[Ásdís Sigurðardóttir, 24.8.2008 kl. 22:00]

Það er fullt af amælum framundan í fjölskyldunni hjá okkur, brúðkaup, barneignir og svo koma jólin í des. Ég er bara hress með þetta allt.

  

[Fjóla Æ., 24.8.2008 kl. 23:01]

Nú er bara að hlakka til Ljósanæturinnar sem er framundan. Þá er bara gaman. Síðan koma jólin og rétt áður ætla ég að eiga afmæli.

En það sem  mikilvægast er að hver dagur ber ævintýri í skauti sínu og það er okkar að vinna úr þeim, því við ráðum hvernig við tökum á málunum. Með drunga eða gleði í hjarta.

Eigðu frábæran daga.  

[Aprílrós, 24.8.2008 kl. 23:05]

það eru Sangerðisdagar ánæstu helgi, Ljósanótt helgina eftir og ábyggilega tínist eitthvað til að láta sér hlakka til. Hins vegar hlakkar mig ekki til að þurfa kaupa ný dekk á bílinn minn, heilann umgang. ;) en verð samt því ég er búin að kayra á þessum heilsársdekkjum frá okt 2005.

[Guðríður Hrefna Haraldsdóttir, 24.8.2008 kl. 23:10]

Þetta var nú líka bara létt djók hjá mér ... tek undir með Fjólu, hver dagur er auðvitað ævintýri sem hægt er að hlakka til. Hef aldrei farið á Ljósanótt en held að þar sé stuð, tala nú ekki um Sandgerðisdaga. Já, og öll afmælin!

[Anna Einarsdóttir, 24.8.2008 kl. 23:17]

Það er nú alltént hægt að bíða með eftirvæntingu eftir Sauðamessu í Borgarnesi í október. 

[Anna Ólafsdóttir Björnsson, 25.8.2008 kl. 00:13]

Hvað gerðum við ef við hefðum ekki jólin? Sandgerðisdagar rokka, það get ég fullvissað þig um.