Algjör milljón ... koma svo!

Einn besti bílstjóri sem ég þekki hringdi í mig kl. 6.15 í morgun. „Ég er að hugsa um að leggja í hann í hálkunni og rokinu,“ sagði hann (Ásta) „láttu þér samt ekkert bregða þótt ég snúi við ef mér líst ekki á blikuna!“ Ég féllst á þessa afarkosti og bjó til óvenjuljúffenga latte-drykki sem ég lagði alla alúð í til að efla hetjulund Ástu. Það virkaði. Sjöfréttir hófust þegar við vorum á móts við KFC í Mosó en í venjulegri færð erum við komnar næstum alla leið til Reykjavíkur á þeim tíma. Við skemmtum okkur konunglega yfir Heimi og Kollu á Bylgjunni en réttlætiskennd Heimis er mikil og hávær þessa dagana. Honum ofbýður t.d. að fólki í vanskilum sé ekki hjálpað af bönkunum, heldur fá þeir einir hjálp sem standa í skilum ... óháð því hvort "vanskilafólkið" hafi jafnvel verið atvinnulaust, glímt við veikindi eða annað. Voðalega er ég sammála honum. Áfram Heimir! Hann ætlar að halda áfram á milljón að vera reiður!

Það var skafrenningur á Kjalarnesi en við fundum lítið fyrir hálku, enda á nýjum vetrardekkjum. Þegar við keyrðum að Hálsaskógi var reyndar komin stórhríð, ég taldi alveg milljón snjókorn á sekúndu,  skaflar byrjaðir að myndast og læti. Frekar óvænt, er það ekki? Mig minnti að veðurfræðingurinn minn hefði sagt í gær að vonda veðrið kæmi ekki fyrr en seinnipartinn á morgun. Hmmmm.

MILLJÓNASTA flettingin á Moggablogginu mínu verður í dag nema það skelli á bilun og vonandi láta allir mig vita sem komast nálægt því að ná þeirri tölu. Sá sem kemst næst henni fær verðlaun! Jafnvel skútuferð um heiminn, Rolex-úr, Louis Vuitton-ferðatöskusett eða annað sem þolinmóðir lesendur bloggsins eiga skilið. 

Nú eru MILLJÓN spólandi bílar í Lynghálsinum, allt stíflað, enginn kemst upp brekkuna nema fuglinn fljúgandi! Alla vega fimm bílar stífla þessa stundina, eða upp úr hálfníu!

Óska ykkur yndislegs dags í þessu hvíta þarna, og þá er ég auðvitað að tala um snjóinn.

P.s. Viðbót kl. 9.27: Kíkið endilega á þennan vef og skrifið undir áskorun til forsætisráðherra Breta: http://www.indefence.is/index.php

Athugasemdir

[Brynja skordal, 22.10.2008 kl. 08:51]

þú ert alveg MILLJÓN krútta ég skal ég skal ég skal ég skal vinna Milljón hafðu það ljúft Milljónakona

[Brynja skordal, 22.10.2008 kl. 09:41]

Búinn að skrifa undir! takk fyrir þetta

[Margrét Hrönn Þrastardóttir, 22.10.2008 kl. 09:51]

Alveg milljón að lesa bloggið þitt, takk fyrir skemmtunina

er nr 999899, flott tala

[Brynja skordal, 22.10.2008 kl. 09:56]

kl 09:55 nr 99951...

[Guðríður Hrefna Haraldsdóttir, 22.10.2008 kl. 09:57]

Brynja, þú ert að ná þessu, fylgjast með núna ... kvitta aftur, fljót, fljóttttt

[Brynja skordal, 22.10.2008 kl. 10:02]

99987

[Hrönn Sigurðardóttir, 22.10.2008 kl. 10:03]

999987

[Brynja skordal, 22.10.2008 kl. 10:03]

1000o8

[Már Högnason (IP-tala skráð) 22.10.2008 kl. 10:04]

* Í dag (22.10.): 712 * Sl. sólarhring: 2432 * Sl. viku: 13577 * Frá upphafi: 1000008

Þér eruð milljón, frú Guðríður!

[Hrönn Sigurðardóttir, 22.10.2008 kl. 10:04]

1000008

:) til hamingju

[Guðríður Hrefna Haraldsdóttir, 22.10.2008 kl. 10:04]

BRYNJA, SIGURVEGARI!!!

[Guðríður Hrefna Haraldsdóttir, 22.10.2008 kl. 10:06]

OG MÁR OG HRÖNN

[Brynja skordal, 22.10.2008 kl. 10:06]

jessss

[Guðríður Hrefna Haraldsdóttir, 22.10.2008 kl. 10:08]

Ókei, hvað langar ykkur í í verðlaun? Brynja, Már og Hrönn? Eigum við kannski að láta Brynju alfarið sigra, hún var fyrst ... og svo býr hún á Akranesi ...

[Már Högnason (IP-tala skráð) 22.10.2008 kl. 10:31]

Ég tel einboðið að við deilum verðlaunum. Mér nægir kaffibolli í mötuneytinu, næst þegar ég á leið um Lynghálsinn.

[Guðríður Hrefna Haraldsdóttir, 22.10.2008 kl. 10:37]

Við erum með alvörukaffi hér hjá Birtíngi, þú færð einn slíkan, Már! Mjólk, sykur? Eða bara koníak?

[Guðríður Hrefna Haraldsdóttir, 22.10.2008 kl. 10:38]

Hrönn mín, dúllukrútt, hvað má bjóða þér í 3. verðlaun?

[Már Högnason (IP-tala skráð) 22.10.2008 kl. 11:05]

Ég vil lútsterkt með mjólk, jafnvel sykurmola. Koníak? Sama og þegið.

[Guðríður Hrefna Haraldsdóttir, 22.10.2008 kl. 11:10]

Samþykkt, þú færð algjört gæðakaffi ... hlýt að finna sykurmola í mötuneytinu!

[Jenný Anna Baldursdóttir, 22.10.2008 kl. 11:39]

1000350.  Skutlaðu Vuitton settinu til mín bara.

[Ragnheiður , 22.10.2008 kl. 13:19]

Milljón og 653 aðrir aular ...shit..ég gleymdi mér !

[Guðríður Hrefna Haraldsdóttir, 22.10.2008 kl. 14:08]

Þú færð knús við tækifæri Horsí mín, ekki rafrænt og kuldalegt, heldur alvöru faðmlag ... ef ég má klappa hundunum þínum.

Skal gert, kæra Jenfo, þær eru á leiðinni með vörubíl, þetta er mjög stórt sett! Hefðardúllusett!

[Brynja skordal, 22.10.2008 kl. 14:16]

já bara gaman af þessu en tók smá á að pikka inn til að ná þessu hehe en er svo hógvær að góður kaffibolli dugar mér alveg í himnaríki við tækifæri og fá að sjá þig dúlla:))

[Marilyn, 22.10.2008 kl. 14:29]

milljón áttahundruð og einn - ekki einu sinni nálægt því!

[Margret Bára Jósefsdóttir (IP-tala skráð) 22.10.2008 kl. 15:17]

elsku gurrí mín,hvernig ferðu að þessu eiginlega,? varstu á fundinum í fyrrakvöld,ég fór 1730 það er minn tími ,því ég andast reglulega á mánudagskvöldum að arkarlæk,ha ha kveðja bára

[Guðríður Hrefna Haraldsdóttir, 22.10.2008 kl. 15:22]

Komst ekki á fundinn, Bára, kom ekki á Skagann fyrr en um kvöldmatarleyti, arggggg. Síjú!

[rato (IP-tala skráð) 22.10.2008 kl. 15:53]

Takk fyrir skemmtileg skrif.  Held áfram að lesa bloggið þitt og kvitta næst eftir næstu milljón.

Lesari númer 1001136

[Guðmundur G. Hreiðarsson (IP-tala skráð) 22.10.2008 kl. 16:10]

Á svo ekki að fara að verðlauna þann milljónasta með einhverjum súrum vínberjum, hm?

[Brynja skordal, 22.10.2008 kl. 16:40]

Súrum Vínberjum??? Er ég svona súr

[Guðríður Hrefna Haraldsdóttir, 22.10.2008 kl. 16:51]

Guðmund langar greinilega í kaffisopa í himnaríki. Brynja mín, ég hlakka ekkert smá til að fá þig í kaffi fljótlega. Verð í sambandi!

[Jóhanna Sigrún Jónsdóttir, 22.10.2008 kl. 19:31]

Sæl Gurrý !

hvernig gekk veiðiferðin? sagði frú S ekki já og amen?

[Einar Örn Einarsson, 22.10.2008 kl. 19:32]

Milljón hamingjuóskir.

Búinn að skrifa undir bretaplaggið

[Guðríður Hrefna Haraldsdóttir, 22.10.2008 kl. 19:39]

Hanna Rúna, einhver önnur sagði já, hitt er á bið rétt í bili. Svo er það Gurrí með einföldu addna kjéddlíng ... hehehhehe

Takk, Einar! Þetta virkaði greinilega ... við erum víst ekki lengur hryðjuverkamenn á pappírum, bara með ónýtt mannorð um allan heim. Snökt!

[Jóhanna Sigrún Jónsdóttir, 22.10.2008 kl. 20:14]

æi sorry þetta með einfalda iið ! þú ert samt svona ufsilon kona... er það ekki :)

[Guðmundur G. Hreiðarsson (IP-tala skráð) 22.10.2008 kl. 22:08]

Ég var nú bara að vitna í Esóp, því allt í einu helltist yfir mig líðan sambærileg refsins- maður verður að brynja sig fyrir vonbrigðum sem á vegi manns verða. Er búinn að jafna mig og sit hér makindalega og dreypi á kaffi með Bailey's, hehe.  Annars var ég kíkja á síðuna hennar Hildar Helgu, OG þar opinberast, að landsfrægur lífsreynslusöguskrásetjari hefir ei greint oss frá atviki eða uppákomu í téðri Lífsstykkjabúð við Laugaveg, á ótilgreindum tíma, þótt liggja megi á milli hluta hvurt erindi skrásetjarans í þá merku verzlun yfirhöfuð var. Með von um að forvitni fleiri sé vakin, hm.

[Guðríður Hrefna Haraldsdóttir, 22.10.2008 kl. 22:49]

Hér má lesa um þá martraðarferð: http://gurrihar.blogcentral.is/blog/2006/6/17/martrod-i-matunarklefa/

og smá hér: http://gurrihar.blog.is/blog/gurrihar/entry/520801/ 

[Guðmundur G. Hreiðarsson (IP-tala skráð) 22.10.2008 kl. 23:33]

Eitt sinn þegar ég var að ögra leiklistargyðjunni, vantaði buxur á minn karakter, og lá beinast við, efnahagslega, að leita á náðir Hjálpræðishersins við Ránargötu. Ég bar upp erindið við eldri konu er þar starfaði, og þreif hún þá umsvifalaust snotrar gamaldags buxur og vafði buxnastrengnum tvöföldum um hálsspíruna á mér, og fór svo að hálfur buxnastrengurinn nam nákvæmlega ummáli spírunnar. "Þessar smellpassa", galaði sú gamla, og reiddi ég af hendi heilar 500 kr., en var hálftortygginn þessum vísindum. En viti menn - hún hafði rétt fyrir sér. En ég hef enn mínar efasemdir að um lögmál sé að ræða, hm.

[Aprílrós, 23.10.2008 kl. 07:19]

;)

[siggi (IP-tala skráð) 23.10.2008 kl. 07:39]

Jæja Frú Gurrí. Langar þig ekkert að fara úr snjónum til ítalíu með mér og kanski bara ekki koma aftur, setjast að hjá Maffíuni. Mig hlakkar svo til að losna héðan úr þessum hryllilega snjó, ég hata snjó ef alltaf hatað snjó alveg fráþví að ég fór að standa í fæturna ungur að árum, nú er ellin að nálgast og alltaf versnar þessi tilfining gagvart snjó.

bestu  kv

 siggi