Fyrsti Bondinn dáinn!

Mikið rosalega hefði ég gaman af því að sjá allra, allra fyrstu Bond-myndina. Þessa klukkutímalöngu mynd frá 1954 um Royal-spilavítið. Ég á bókina ... ekki bara hana, heldur líklega allar Bond-bækurnar sem hafa komið út á íslensku.

Ég meira að segja gaf vini mínum, biluðum Bond-nörd, bókina Birds of the West Indies eftir James Bond ... en Ian Fleming átti bókina og fannst nafn fuglafræðingsins greinilega henta vel.  

Ég fór að hugsa um ákveðið æsispennandi spil sem var spilað í Royal-spilavítisbókinni en fann það ekki. Kíkti í hinar bækurnar og fann það í þeirri síðustu sem ég opnaði, Náttfaranum.  

Bond svindlaði til að sigra hrokagikkinn Drax sem fékk svo góð spil að hann trúði ekki eigin augum. Tók að gamni mynd af blaðsíðunni sem sýnir þetta. Þeir sem hafa gaman af briddsi ættu að skilja þetta. Myndin stækkar ef klikkað er á hana!

 

Ég verð að fara að endurlesa þessar dýrlegu bækur. Sá í einni þeirra að Bond talaði um negra, veit ekki hvaða orð var notað í frummálinu en það var alla vega þýtt svona og enginn hefur kippt sér upp við það á þeim tíma, eða árið 1968.  

Fyrsti Bond-leikarinn látinn

Athugasemdir

[www.zordis.com, 14.4.2007 kl. 20:16]

Þú ert rík Gurrí mín .... "nú er  ég búin að gera þig að minni"  Bridge er fyrir aðra en mig og talandi um Bond þá langar mig að sjá nýja Bondinn 007 þann ljóshærða!  Eigðu yndislega kvöldstund!

[Guðríður Haraldsdóttir, 14.4.2007 kl. 20:21]

Sömuleiðis, englakroppurinn minn. Nýja Bond-myndin er reglulega fín og ljóshærður Bond kemur á óvart! Skemmtilega! 

[Jenný Anna Baldursdóttir, 14.4.2007 kl. 20:56]

Hann er flottur nýji Bondinn.  Skil annars ekki þetta Bond-æði

[Guðríður Haraldsdóttir, 14.4.2007 kl. 21:06]

Hef alltaf fílað þessar bækur, alveg síðan í fornöld. Tel mig ekki ástsjúka Bond-gellu fyrir bragðið. Þú hlýtur að vera ein af þessum femínistabeljum ... múahahahahah

[Halldór Sigurðsson, 15.4.2007 kl. 00:07]

Skilur ekki þetta Bond æði ????
Sko í fyrsta lagi ,þá er Bond - BOND.
Og í öðru lagi ,þá er Bond Byggður á Íslendingi sem var njósnari í seinni heimstyrjöldinni .

[Steingerður Steinarsdóttir, 15.4.2007 kl. 01:02]

Þér eruð svo upprunaleg í alla staði kæra Guðríður.