Hægfara beljur - svikin um Schwarzenegger

Það var frekar skrýtið að keyra framhjá sveitabænum við Akranes á leiðinni heim. Rétt fyrir sjö í morgun var hópur af kúm á leið í fjósið og staðan virtist síðan algjörlega óbreytt rúmum tíu tímum síðar. Annað hvort var kúrekinn svona lengi að reka beljurnar, tíminn frystur eða mjaltir miðast við áætlun strætó.

Hlakkaði til að horfa á heimsendismynd með Arnoldi sem átti að hefjast strax á eftir dansþættinum sem ég afplánaði lauslega með eyrunum. Hef ekki gaman af dansi yfirhöfuð, ballett getur þó verið ansi flottur við góða tónlist. Girnilegasti kosturinn er að skríða upp í með góða bók og sofna út frá henni. Ég er á því stiginu í augnablikinu að vera að breytast úr A-manneskju yfir í B, eins og alltaf á föstudögum, grútsyfjuð en tek ekki í mál að sofna snemma á föstudagskvöldi.

Í Póstinum, aðalblaði okkar Skagamanna, er nefnilega auglýst myndin End of Days. Er veik fyrir sumum myndum með Arnoldi ... einn af mínum örfáu veikleikum. Kíkti á dagskrá Stöðvar 2 á Netinu og þar er engin slík mynd auglýst. Prófaði að athuga hvort hún væri á dagskrá á morgun ... en nei, þá verður sýnd átakanleg fótboltamynd með Billy Bob Thornton. Henni er í alvöru lýst svona á Netinu. Hlýtur að vera mikið um rauð spjöld, illa nýtt færi og sjálfsmörk. Martröð allra aðdáenda fótbolta. Ætla ekki að horfa.

Í fyrrnefndu dagskrárblaði segir að myndin The Thin Red Line verði sýnd. Það er ekki fótboltamynd, held ég. 

Athugasemdir

[Guðný Anna Arnþórsdóttir, 13.7.2007 kl. 22:34]

Mín yndisfagra, svartklædda Skagamær, myndasystemið er eitthvað að stríða þér, það koma bara krossar í stað mynda! Vildi bara láta þig vita.

Ég veðja á að tíminn hafi verið frystur. 

[Guðný Anna Arnþórsdóttir, 13.7.2007 kl. 22:35]

Dúddelí, þarna birtust þær allt í einu!!! Það er sennilega bara mín tölva sem er að stríða mér!!!  Sorry....

[Maja Solla (IP-tala skráð) 13.7.2007 kl. 22:40]

Er dansþátturinn ekki á Skjá1?
Nei annars, það eru aldrei bíómyndir þar...

[Jenný Anna Baldursdóttir, 13.7.2007 kl. 22:54]

The thin red line hringir bjöllum (er örgla búin að sjá hana í víninu sko man ekki um hvað hún er) örgla góð. Hm...

Ég held að beljurnar séu á strætóáætluninni nema að þetta séu bara Potemkintjöld sko "the front side only" en líti út fyrir að vera raunveruleiki.  You get my drift?

Smjúts.

[Ásdís Sigurðardóttir, 13.7.2007 kl. 23:51]

Þú varst flott í Séð og Heyrt og bílstjórinn þinn líka. Nú þarf ég bara að kaupa bókina og lesa hana. Hafðu það gott flotta stelpa.

[Anna Ólafsdóttir Björnsson, 14.7.2007 kl. 01:05]

Ertu í Séð og Heyrt? - missit ég af bloggfærslu hjá þér? Og takk fyrir upplýsingarnar, Ásdís.

[Guðríður Haraldsdóttir, 14.7.2007 kl. 01:14]

Jamm ... stutt viðtal og svo mynd af okkur Tomma strætóbílstjóra sem var svo óheppinn af vera á vaktinni. Bæði kynning á lífsreynslubókinni sem ég tók saman nýlega og svo aðeins um hetjuskapinn við að taka strætó kvölds og morgna ... ef fólk vissi hvað þetta er þægilegra en að keyra eigin bíl ...

[Laufey Ólafsdóttir, 14.7.2007 kl. 01:18]

Sorrý, ég ligg í krampa Gurrí. Fótbolti er alltaf átakanlegur með eða án Billy Bob. Dansþætti á maður að horfa á undir teppi (svo maður sjái ekki á sér lærin) og borða ís uppúr dallinum á meðan. Konfektkassi gerir sama gagn. Kýr eru frábærar. Arnold Scwartzenegger. Þú ert svo biluð!

[krossgata, 14.7.2007 kl. 01:56]

Heldurðu að það geti verið að mjaltir miðist ekki við áætlun strætó heldur ferðir þínar með strætó? 

[Guðríður Haraldsdóttir, 14.7.2007 kl. 14:03]

Já, Laufey, gerðu bara grín að mér ... heheheh! Krossgata, ég held að þú hafir hitt naglann á höfuðið! Strætókarlinn flýtti sér svo í gær að hann sleppti því að koma við á Kjalarnesinu ... hann hefur viljað ná seinni mjöltum ...

[Laufey B Waage, 14.7.2007 kl. 21:57]

Mikið áttu gott að breytast úr A- yfir í B-manneskju á föstudagskvöldum. Ég vildi að ég gæti sagt það sama. Mér finnst föstudagskvöld nefnilega vera ekta heima-í-stofu-bíómyndakvöld, en ég er bara sú kvöldsvæfasta A-manneskja sem ég þekki, og sofna í flestum föstudagsmyndunum mínum (ekki bara kvöldsvæfa, heldur líka vikuloka-þreyta), sama hvað þær eru góðar.